1 Korente 9:9 - Mbeti ti Nzapa - Tënë so amu fini

⁹ Biani, a su na ya ti Ndia ti Moïse, atene: “Bagara so ayeke do ale ti *ble na le ti lakere, alingbi ala kanga yanga ti lo pepe.” Tënë ti abagara laa agbu be ti Nzapa?

1 Korente 9:9 Referans Kwoze

Ndia ti fani use ni 25:4

Moïse atene: Alingbi ala kanga yanga ti bagara pepe na ndembe so lo yeke do ale ti *ble na le ti lakere.

1 Timothée 5:18

Biani, Mbeti ti Nzapa atene: “Bagara so ayeke sara kua na ngoi ti fango ale ti kobe, mo gbanzi lo na tengo ale ti kobe ni pepe.” Mbeti ni akiri atene: “Zo ti kua alingbi na futa ti lo.”

Abia (Psaumes) 104:27

Azo na anyama so kue azia be ti ala na ndö ti mo titene mo mu na ala kobe na ngoi so alingbi.

Jonas 4:11

Ti mo, mo ye fade titene mbi baa mawa ti azo ti Ninive pepe? Ninive, kota gbata so wungo ti azo ti ya ni ahon saki ngbangbo oko na baleuse, azo ni ahinga ti kangbi popo ti ye ti nzoni na ye ti sioni pepe; anyama nga ayeke na ya ni gbani gbani.

Ndia ti fani use ni 5:14

Me lango mbarambara ni ayeke lango ti wungo tere so a zia nde ndali ti KOTA GBIA Nzapa ti mo. Na lango ni so, alingbi mo sara kua oko pepe, ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa bagara ti mo, ataa lele ti mo, ataa mbeni nyama ti mo oko, ataa wande so ayeke lango na kodro ti mo. Alingbi zo ti kua ti mo ti koli na ti wali awu tere ti ala tongana mo.

Amato 12:10

Zo ti mbirimbiri ahinga ye so lo lingbi ti mu na anyama ti lo; me azo ti sioni ayeke baa mawa ti ti ala pepe.

Rome 4:23

Me so Mbeti ti Nzapa atene: “Nzapa abaa Abraham tongana zo ti mbirimbiri” so, tënë ni ayeke gi ndali ti Abraham oko pepe,

Ésaïe 28:28

Titene zo asara mapa, lo yeke nika ale ti ble, me lo yeke ngba gi ngbango ti pika ni pepe. Tongana lo mu gere ti pusu na ambarata ti hon na ni na ndö ti ale ti kobe, ayeke nika ale ti kobe ni pepe.