1 Korente 9:10 - Mbeti ti Nzapa - Tënë so amu fini

¹⁰ Gi ndali ti e oko laa lo tene tënë so pepe? Biani, ndali ti e laa a su tënë so na mbeti. Andaa zo so ayeke fâ yaka, alingbi lo hinga so lo yeke wara ye na peko ni; zo so ayeke fâ ale ti kobe, alingbi lo hinga so lo yeke wara ti lo mbage ti ale ti kobe ni.

1 Korente 9:10 Referans Kwoze

2 Timothée 2:6

Zo so abaa pasi na fango yaka, alingbi lo laa lo wara ale ti kobe ti yaka ni kozoni.

Rome 15:4

Atënë so kue a su ando na ya ti Mbeti ti Nzapa, a su ni titene e hinga ye na lege ni. Mbeti ti Nzapa ayeke mu na e lege ti kanga be ti e, ti mu ngangu na be ti e si e zia be ti e ti ku ye so Nzapa atene tënë ni.

2 Korente 4:15

Aye so kue ayeke si na e ndali ti ala titene azo so Nzapa asara nzoni be na ala, wungo ti ala ayeke gue gi na nduzu, tongaso si gba ti azo amu singila na lo si ala gonda lo.

1 Korente 3:9

Biani, e na Nzapa laa e yeke sara kua oko, ala yeke tongana yaka ti Nzapa. Ala yeke nga tongana da ti Nzapa.

Matthieu 24:22

Tongana Nzapa azi fade ambeni lango ti pasi ni pepe, ka zo oko ti soo kuâ ayeke daa pepe. Me lo zi ambeni lango ni ndali ti azo so lo soro ala.

Wungo ti azo 18:31

Ala lingbi ti te aye ni, ala na asewa ti ala na ndo so kue be ti ala aye. So ayeke futa ti ala ndali ti akua ti da ti bongo so mbi na azo ti mbi, e yeke wara tere daa laa.