1 Korente 5:7 - Mbeti ti Nzapa - Tënë so amu fini

⁷ Ala zi angbene mama ti mapa titene ala ga *nzoni! Tongaso, fade ala yeke ga tongana fini farini so a gbu ya ni si a zia mama ti mapa daa pepe. Biani, ala ga tongana fini farini so a gbu ya ni awe, ngbanga ti so Christ ayeke taba ti *Pake ti e so a mu lo na *sandaga awe.

1 Korente 5:7 Referans Kwoze

Efeze 4:22

Tongaso, alingbi ala zia ngbene lege ti dutingo ti ala. Ando, anzara ti be ti ala ayeke handa ala si ayeke buba ala. Alingbi ala zia ngbene dutingo ti ala ti zo tongana ti so zo ayeke zi gbagba bongo na tere ti lo.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Aye so Nzapa afa 5:12

Ala yeke dekongo, atene: “Taba so azo afâ lo, lo lingbi titene azo asepela lo ndali ti ngangu, na mosoro, na ndara, na komandema ti lo; lo lingbi titene azo ane lo, agonda lo si avoro lo!”

Sigingo 12:15

KOTA GBIA akiri atene na Moïse na Aaron: “Na ya ti lango mbarambara, fade ala yeke te mapa so a sara na mama ni pepe. Gi na kozo lango ni, ala zi mama ti mapa na ya ti ada ti ala. Ti londo na kozo lango ni ti si na mbarambara lango ni, zo so ate mapa so a sara na mama ni, fade a yeke tumba lo na popo ti azo ti Israel.

1 Korente 10:17

So mapa ni ayeke gi oko, e kue, e bongbi, e ga tere oko, ngbanga ti so e kue, e yeke te gi mapa oko so.

Jean 19:14

Andaa lango ni so ayeke lango ti lekengo tere ndali ti *matanga ti Pake. Nduru na bekombite, Pilate atene na azuife: “Baa, gbia ti ala laa!”

Marc 14:12

Na kozo lango ti matanga ti Mapa so a sara na mama ni pepe, lango so azo ayeke fâ akete taba ndali ti matanga ti *Pake, adisiple ti Jésus ahunda lo, atene: “Mo ye e gue, e leke na mo kobe ti Pake na ndo wa?”

Jean 1:36

Lo baa Jésus na hongo ni si lo tene: “Baa, Kete Taba ti Nzapa laa!”

1 Korente 5:13

Ti azo ti gigi, Nzapa laa ayeke fâ ande ngbanga ti ala. Mbeti ti Nzapa atene: “Ala zi zo ti sioni so ayeke na popo ti ala.”

Matthieu 13:33

Jésus atene na ala mbeni toli, lo tene: “*Kodro-gbia ti yayu ayeke tongana mama ti mapa so mbeni wali amu, lo bongbi na gba ti farini, lo pika ya ni si mapa ni kue asuku nzoni.”

Rome 3:25

Nzapa amu Jésus Christ na *sandaga si na lege ti mene ti lo, Christ azi siokpari ti azo so ama na be. Nzapa asara so ti fa atene, lo yeke mbirimbiri: asiokpari so azo asara ando, lo fâ ngbanga na li ti ala ndali ni pepe