1 Korente 5:10 - Mbeti ti Nzapa - Tënë so amu fini

¹⁰ Tënë so mbi tene lani so abaa pepe azo ti dunia so, so ti tene azo ti gingo awali wala akoli kirikiri, azo so kota nzara ti warango ye ayeke na be ti ala, azo ti nzi, wala azo ti vorongo anzapa nde. Tongaso pepe, alingbi fade titene ala sigigi na popo ti azo ti dunia so!

1 Korente 5:10 Referans Kwoze

1 Korente 10:27

Tongana mbeni zo so ahinga Nzapa pepe airi ala ti te kobe si ala yeda ti gue, ayeke nzoni ala te ye so kue lo yeke mu na ala; me ala hunda nda ni pepe, ataa so ala yeke gi be ti ala.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

1 Jean 4:5

Azo ni ayeke azo ti dunia so. Ndani laa ala yeke tene tënë tongana azo ti dunia so si azo ti dunia ni ayeke ma ala.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

1 Korente 1:20

Zo ti ndara ayeke na ndo wa? Wafango-ndia ayeke na ndo wa? Zo ti *bingbingo tënë ti ngoi so ayeke na ndo wa? Nzapa asara si ndara ti dunia so aga gi buba ye.

Jean 8:23

Jésus akiri tënë na ala, atene: “Ala yeke azo ti sese so, me mbi, mbi yeke zo ti yayu. Ala yeke azo ti dunia so, me mbi, mbi yeke zo ti dunia so pepe.

1 Jean 4:7

A-ita ti mbi so mbi ye ala mingi, ayeke nzoni e ye tere na popo ti e, ngbanga ti so ndoye alondo na Nzapa. Zo so kue aye mba ti lo, lo yeke molenge ti Nzapa si lo hinga Nzapa awe.

Jean 17:9

“Mbi sambela ndali ti ala. Mbi sambela ndali ti azo ti dunia so pepe, me ndali ti ala so mo mu ala na mbi. Biani, ala yeke ti mo.

Jean 17:6

Azo so mo zi ala na dunia si mo mu ala na mbi, mbi sara si ala hinga mo. Ala yeke ti mo, mo mu ala na mbi si ala sara ye alingbi na tënë ti mo.

Jean 15:19

Tongana ala yeke fade azo ti dunia so, ka dunia ni aye ala ndali ti so ala yeke ti lo. Me mbi soro ala na popo ti azo ti dunia si ala yeke azo ti dunia mbeni pepe. Ndani laa dunia ni ake ala.

Nzoni Tënë so Luc asu na mbeti 18:11

Farizien ni aluti ti lo lutingo si lo yeke sambela na ya ti be ti lo, lo tene: ‘Mbi mu singila na mo, Nzapa, ngbanga ti so mbi yeke tongana tanga ti azo kue pepe. Ala yeke ti ala azo ti nzi, azo ti kirikiri, azo ti gingo awali wala akoli ti azo. Mbi yeke nga tongana zo ti rongo nginza ti lapo so pepe.

1 Korente 5:9

Na ya ti mbeti so mbi tokua na ala kozoni, mbi tene: “Azo so ayeke gi wali wala koli kirikiri so, ala sara songo na ala pepe.”

1 Korente 5:11

Me mbi su mbeti so lani na ala si zo so atene, ni yeke ita ti ala, zo ti Christ si lo yeke gi wali wala koli kirikiri, kota nzara ti warango ye ayeke na be ti lo, lo yeke voro anzapa nde, lo yeke du mvene na li ti amba ti lo, lo yeke ngbaa ti samba, wala lo yeke zo ti nzi, alingbi ala sara songo na lo pepe, ala te nga kobe na mara ti zo tongaso pepe!