1 Korente 4:4 - Mbeti ti Nzapa - Tënë so amu fini

⁴ Na be ti mbi, mbi baa mbeni sioni ye ayeke na li ti mbi oko pepe, me so laa asara si mbi ga zo ti mbirimbiri pepe. *Kota Gbia laa ayeke fâ ngbanga ti mbi.

1 Korente 4:4 Referans Kwoze

Abia (Psaumes) 143:2

Mbi yeke zo ti kua ti mo, fâ ngbanga na li ti mbi pepe, ngbanga ti so na le ti mo, zo ti mbirimbiri ayeke daa pepe.

Abia (Psaumes) 130:3

KOTA GBIA, tongana mo ngba fade ti dabe ti mo na asioni ti azo, zo wa laa ayeke ngba na fini, zo wa, Kota Gbia?

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

Amato 21:2

Zo oko oko ayeke baa na le ti lo atene, aye so kue ni yeke sara ayeke na legeni; me KOTA GBIA laa ayeke baa atënë ti be ti zo.

Abia (Psaumes) 19:12

Atënë ni azi nga le ti mbi, zo ti kua ti mo; zo ayeke wara ye mingi na lege ti batango atënë ni.

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

Rome 2:13

Azo so ama tënë ti Ndia gi na mê ti ala aga nzoni na le ti Nzapa pepe, me azo so asara ye alingbi na tënë ti Ndia ni laa aga nzoni na le ti lo.

Mbeti ti Job 40:4

Mbi yeke ti mbi ye oko pepe. Tënë ti nyen laa mbi lingbi ti kiri ni na mo? Tënë ahunzi na yanga ti mbi awe.

Mbeti ti Job 27:6

Mbi ngba ti luti ngangu na ndö ti tënë ti mbi, mbi tene: sarango ye ti mbi ayeke mbirimbiri. Mbi yeke kiri na peko pepe: Na be ti mbi, mbi baa sioni ye oko na li ti mbi pepe.

Mbeti ti Job 25:4

Zo alingbi ti tene ni yeke zo ti mbirimbiri na le ti Nzapa tongana nyen? Zo so wali adu lo, lo lingbi ti tene ni yeke *nzoni tongana nyen?

Awatokua 23:1

Paul abaa ndo na le ti azo ti *Kota Bongbi ti Fango Ngbanga ni mbirimbiri si lo tene: “A-ita, na ngoi so mbi mu peko ti Nzapa ngbii asi laso, na be ti mbi, mbi baa mbeni sioni ye ayeke na li ti mbi oko pepe.”

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Mbeti ti Job 15:14

Zo ayeke nyen si lo tene ni yeke *nzoni? Zo so wali adu lo ayeke nyen si lo tene ni yeke mbirimbiri?

Mbeti ti Job 9:20

Ataa mbi yeke mbirimbiri, fade tënë ti yanga ti mbi ayeke fâ ngbanga na li ti mbi. Ataa mbi sara sioni pepe, fade a tene, mbi sara sioni.

Rome 4:2

Tongana lo ga ando mbirimbiri na le ti Nzapa ndali ti anzoni ye so lo sara, ka lo lingbi fade ti gonda tere ti lo daa; me na le ti Nzapa, lo lingbi ti sara ni pepe.

Abia (Psaumes) 50:6

Yayu ayeke fa tënë ti mbirimbiri ti Nzapa: Nzapa laa ayeke wafango-ngbanga! Luti kete

Abia (Psaumes) 26:12

Mbi luti na ndo so akpengba; fade mbi yeke mu singila na KOTA GBIA na ya ti bongbi ti azo ti lo.

Amato 29:26

Azo mingi ayeke gi lege ti ga nzoni na le ti makonzi ti ala, me gi KOTA GBIA oko laa ayeke fâ ngbanga ti zo oko oko na legeni.

1 Korente 4:3

Ti mbi, tongana ala ye ti fâ ngbanga ti mbi wala mbeni bongbi ti fango ngbanga nde, ngbanga ti mbi ayeke daa pepe; mbi yeke fâ nga ngbanga ti mbi wani pepe.