1 Korente 2:11 - Mbeti ti Nzapa - Tënë so amu fini

¹¹ Zo wa laa ahinga ye so ayeke na be ti zo? Gi yingo ti zo so ayeke na ya ti lo laa ahinga ni. Ye so ayeke na be ti Nzapa nga, zo oko alingbi ti hinga pepe, gi Yingo ti Nzapa oko laa ahinga ni.

1 Korente 2:11 Referans Kwoze

Amato 20:27

Yingo ti zo ayeke lamba so KOTA GBIA amu na lo si ayeke za na ya ti be ti lo kâ.

1 Korente 2:10

Me Nzapa asigigi na nda ti tënë so na e na lege ti Yingo. Biani, Yingo ayeke gi nda ti aye kue, ataa ye so ahonde na ya ti be ti Nzapa.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Amato 14:10

Vundu ti be ti zo, lo wani laa lo hinga ni; ngia ti be ti lo, mbeni zo nde alingbi ti kangbi ni na lo pepe.

Amato 20:5

Atënë ti be ti zo ali tongana kota ngu; zo so ahinga ndo laa alingbi ti sigigi na ni.

Mbeti ti Job 15:8

Atënë ti Nzapa so angba na hondengo ni, mo ma ni? Nilaa mo wara ndara gi mo oko so?

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;