1 Korente 13:8 - Mbeti ti Nzapa - Tënë so amu fini

⁸ Ndoye ayeke hunzi laoko pepe. Fade tenengo peko ti tënë ti yanga ti Nzapa ayeke hunzi, matabisi ti tenengo tënë na ayanga nde ayeke hunzi, hingango ye ayeke hunzi.

1 Korente 13:8 Referans Kwoze

1 Korente 13:13

Fadeso, aye ota so ayeke ngba: mabe, ziango be ti ku ye na ndoye; me ndoye ayeke kota ahon atanga ni kue.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Awatokua 2:4

Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Ahebro 8:13

So Nzapa atene tënë ti fini mbuki so, lo sara si kozo mbuki ni aga ngbene ye. E hinga so, ye so aga ngbene ye si aga gbagbara ni, aga nduru ti hon awe.

1 Korente 13:10

me tongana ye so ayeke nzoni kue ayeke si ande, ye so mbage ni atia ayeke hunzi.

1 Korente 12:10

lo yeke mu na mbeni zo ngangu ti sarango aye ti kpene; lo yeke mu na mbeni zo lege ti tenengo peko ti tënë ti yanga ti Nzapa; lo yeke mu na mbeni zo lege ti hingango ye so alondo na Yingo na ye so alondo na Yingo pepe; lo yeke mu na mbeni zo lege ti tenengo tënë na ambeni yanga nde so zo ahinga ni pepe; lo yeke mu na mbeni zo lege ti kiringo peko ti ayanga ni na amba ti lo.

Awatokua 19:6

Paul azia maboko na ndö ti ala si Yingo-Vuru aga na ndö ti ala; ala to nda ti tene tënë na ayanga nde nde si ala tene peko ti tënë ti yanga ti Nzapa.

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

1 Korente 14:39

Tongaso a-ita, ala gi lege ti tenengo peko ti tënë ti yanga ti Nzapa, me tongana azo atene tënë na ambeni yanga nde, ala kanga lege na ala pepe.

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

1 Korente 8:2

Tongana mbeni zo abaa atene ni hinga ye, andaa lo de ti hinga ye alingbi na taa hingango ye pepe.