1 Korente 13:7 - Mbeti ti Nzapa - Tënë so amu fini

⁷ Ndoye ayeke kanga be ti lo na ndö ti asioni kue, lo yeke bata mabe ti lo na ya ti aye kue, lo yeke zia be ti lo kue ti ku na ya ti aye kue, lo yeke kanga be ti lo na ya ti aye kue.

1 Korente 13:7 Referans Kwoze

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.

1 Korente 13:4

Ndoye ayeke kanga be ti lo, lo yeke sara nzoni, lo yeke sara kota be pepe, lo yeke pika kate ti lo pepe, lo yeke sara baba pepe;

2 Timothée 2:24

Zo ti kua ti Kota Gbia alingbi ti papa pepe, me alingbi lo duti kpoo na azo kue, lo yeke zo so alingbi ti fa nda ti ye si lo hinga ti kanga be ti lo na kasango ndo ti azo.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

Amato 10:12

Kengo zo ayeke du papa; me ndoye ayeke kanga ndö ti sioni ye kue.

1 Korente 9:12

So ambeni zo alingbi ti hunda ye so na ala, ka ti e ni, e lingbi ti hunda ye ahon ti azo ni so pepe? Me e sara tongaso pepe. Ataa aye so kue ayeke si na e, e yeke kanga be ti e, ngbanga ti so e ke ti sara mbeni ye so alingbi ti kanga lege na Nzoni Tënë ti Christ.

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

2 Timothée 4:5

Ti mo, ayeke nzoni na ya ti ye kue, mo sara ye ahon ndoni pepe, me na legeni. Kanga be ti mo na ya ti pasi, sara kua ti fango Nzoni Tënë na azo, kua so Nzapa amu na mo ti sarango ni, mo sara ni kue.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Abia (Psaumes) 119:66

Fa na mbi lege ti hinga mbirimbiri nda ti aye, mu na mbi hingango ndo, ngbanga ti so mbi zia be ti mbi na ndö ti atënë ti ndia ti mo.

2 Tesalonike 1:4

Ndani laa, e yeke pika kate ti e ngbanga ti ala na ya ti *a-Eglize ti Nzapa, ngbanga ti so ala ngba ti kanga be ti ala si ala ngba ti bata mabe ti ala na ya ti pasi nga na ya ti aye ti ngangu so kue ayeke si na ala.

2 Timothée 3:11

nga na aye ti ngangu so ando asi na mbi. Mbi baa pasi mingi na Antioshe, na Ikoniom, na Listre. Aye ti ngangu ti nyen laa asi na mbi pepe? Me *Kota Gbia azi mbi na ya ni kue.

Rome 15:1

E so e yeke na ngangu, alingbi tënë ti azo so ayeke na ngangu pepe agbu be ti e si e sara na ala na ndo so ala yeke gi be ti ala daa. Alingbi e gi pepe gi ye so anzere na e wani.

Matthieu 10:22

Fade azo kue ayeke ke ala ndali ti mbi. Me zo so ayeke gbu ngangu ngbii asi na ndani, fade lo yeke soo kuâ.

Ahebro 13:13

Tongaso, e nga, e sigigi na ya ti gbagba ni, e gue na peko ti lo titene azo abongbi e na lo kue abaa e tongana azo ti buba.

Rome 8:24

Andaa Nzapa asoo e na kuâ awe gi na lege so e zia be ti e ti ku ye so lo mu na e. Me ye so zo azia be ti lo ti ku ni, tongana lo baa ni awe, lo lingbi ti kiri ti zia be ti lo ti ku ni pepe. Tongana zo abaa ye awe, fade lo yeke kiri ti zia be ti lo ti ku ni?

Mbeti ti Job 13:15

Biani, lo lingbi ti fâ mbi senge, nyen laa aso mbi, nyen? Me mbi ye ti fa na le ti lo so sarango ye ti mbi ayeke sioni pepe.

Tongo nda ti aye 29:20

Tongaso Jacob asara kua ngu mbarambara ndali ti Rachel. Ti lo, lo baa ngu mbarambara so gi tongana mbeni kete lango, ngbanga ti so lo ye Rachel.

Ndia ti fani use ni 1:9

Na ngoi ni so, mbi Moïse, mbi tene na ala, mbi tene: “Mbi lingbi ti yo kungba ti bango ndo na ndö ti ala gi mbi oko pepe.

Marc 9:23

Jésus atene na lo: “Ngbanga ti nyen si mo tene: ‘Tongana mo lingbi ti sara?’ Zo so ama na be, lo lingbi ti sara ye kue!”

Ndia ti fani use ni 22:27

Ti so ni, koli ni awara maseka-wali ni na ya ti ngonda. Ataa maseka-wali ni adekongo fade, zo oko ayeke daa pepe ti ga ti mu maboko na lo.