1 Korente 11:3 - Mbeti ti Nzapa - Tënë so amu fini

³ Me mbi ye ala hinga so Christ ayeke makonzi ti koli kue; koli ayeke makonzi ti wali si Nzapa ayeke makonzi ti Christ.

1 Korente 11:3 Referans Kwoze

Tongo nda ti aye 3:16

Na pekoni, Nzapa atene na wali: “Mbi yeke sara ande titene na ndembe so mo yeke na ngo, mo yeke baa pasi mingi na ni; na ya ti pasi si mo yeke du amolenge. Fade nzara ti be ti mo kue ayeke gi na mbage ti koli ti mo, me lo yeke sara komandema na ndö ti mo.”

Kolose 3:18

Awali, ala ma yanga ti akoli ti ala; ye so azo ti *Kota Gbia alingbi ti sara laa.

Kolose 1:18

Lo laa lo yeke li ti *Eglize so ayeke tere ti lo, ye kue ato nda ni na lege ti lo; lo laa lo zingo na kuâ kozo titene, na ya ti ye kue, lo duti na kozo ndo.

1 Korente 3:23

me ala, ala yeke ti Christ si Christ ayeke ti Nzapa.

Efeze 4:15

Me tongana e yeke tene taa-tënë na lege ti ndoye, fade e yeke kono na ya ti aye kue ngbii e ga tongana Christ so ayeke li ti Eglize.

1 Pierre 3:1

Awali, ala nga, ala ma yanga ti akoli ti ala. Tongaso, fade ambeni koli so ake ti ma na be na tënë ti Nzapa alingbi ti ma na be ndali ti sarango ye ti ala. Ataa so ala, awali ni, ala tene tënë ti Nzapa na akoli ti ala pepe,

Kolose 2:19

Azo tongaso angba na tere ti Christ pepe so lo yeke tongana li ti zo. Ndali ti li laa tere kue ayeke wara ye so kue alingbi na lo; ndali ti lo laa ando so abio atengbi daa nga na akamba ti tere abongbi, aga oko si amai nzoni tongana ti so Nzapa aye.

Kolose 2:10

Na lege ti Christ so ayeke na li ti ayingo so kue ayeke na komandema, ala wara fini so ye oko atia na ya ni pepe.

Jean 14:28

Ala ma fade tënë so mbi tene: ‘Mbi yeke gue, me mbi yeke kiri na tere ti ala.’ Tongana ala ye fade mbi, ka ala duti na ngia ndali ti so mbi yeke gue na Babâ. Biani, Babâ ayeke kota ahon mbi.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Ésaïe 55:4

Mbi zia lo na tere ti amara tongana zo so ahinga ngangu ti mbi; mbi zia lo makonzi nga na zo so ayeke na komandema na ndö ti amara.

Ésaïe 52:13

*KOTA GBIA atene: “Baa zo ti kua ti mbi laa; aye so kue lo yeke sara ayeke ga nzoni. Lo yeke gue guengo na nduzu, azo ayeke ya iri ti lo si ala yeke ne lo ahon ndoni.