1 Korente 10:9 - Mbeti ti Nzapa - Tënë so amu fini

⁹ E tara be ti Christ pepe tongana ti so ambeni na popo ti akotara asara ando si angbo ate ala, ala kui so.

1 Korente 10:9 Referans Kwoze

Abia (Psaumes) 78:18

Taa na be ti ala, ala tara be ti Nzapa, ala hunda lo ti mu na ala kobe ti tengo ni alingbi na ye so be ti ala aye.

Sigingo 17:7

Lo di iri ti ndo ni Masa, so ti tene “Tarango be”, na Meriba, so ti tene “Gingo yanga”. Biani, na ndo so laa azo ti Israel agi yanga ti Moïse si ala tara be ti KOTA GBIA, atene: “KOTA GBIA ayeke na popo ti e, wala lo yeke na popo ti e pepe?”

Sigingo 17:2

Azo ni agi yanga ti Moïse, atene: “Mu na e ngu, e nyon!” Moïse akiri tënë na ala: “Ala yeke gi yanga ti mbi ngbanga ti nyen? Ala yeke tara be ti KOTA GBIA ngbanga ti nyen?”

Abia (Psaumes) 78:56

Me azo ti Israel atara be ti Nzapa, Nzapa so ayeke na yayu kâ na ndö ti aye kue; ala sara ngangu li na lo, aye so lo hunda na ala ti sarango ni, ala sara ye alingbi na ni pepe.

Ndia ti fani use ni 6:16

Ala tara be ti KOTA GBIA Nzapa ti ala pepe, tongana ti so ala sara lani na Masa so.

Abia (Psaumes) 106:14

Na benyama, nzara ti aye so atia ala ahon ndö ti ala; na ndo so ngu ayeke daa pepe, ala tara be ti Nzapa.

Abia (Psaumes) 95:9

Kâ, akotara ti ala agi yanga ti mbi, ala tara be ti mbi, ataa so ala baa ye so mbi sara.