1 Korente 10:5 - Mbeti ti Nzapa - Tënë so amu fini

⁵ Me ambeni mingi na popo ti ala ayeke nzoni na le ti Nzapa pepe, ndani laa, ala kui kirikiri na ya ti benyama.

1 Korente 10:5 Referans Kwoze

Ahebro 3:17

Be ti lo aso na ya ti ngu baleosio na azo wa? Be ti lo aso na azo so asara siokpari si ala kui na ya ti benyama.

Jude 1:5

Ataa so ala hinga ni kue awe, mbi ye ti dabe ti ala daa: ando, Kota Gbia amu azo ti Israel na kodro ti Ezipte, lo sigigi na ala si lo soo ala; me na pekoni, lo sara si azo so ake tënë ti lo akui.

Wungo ti azo 14:37

Ala so atene sioni tënë ti kodro ni so, ala kui gi kuâ ti ngangu na dawa ti KOTA GBIA.

Abia (Psaumes) 106:26

Tongaso lo yo maboko ti lo na nduzu, lo deba na ala, lo tene: ni yeke sara si ala kui na ya ti benyama,

Abia (Psaumes) 95:11

Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”

Abia (Psaumes) 90:1

Sambela ti Moïse, zo ti Nzapa. Kota Gbia, ngu na ngu, mo yeke ndo so e yeke kpe daa ti bata tere ti e.

Wungo ti azo 14:22

Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe.

Ndia ti fani use ni 2:14

Ti londo na Kades-Barnea ngbii ti si na lango so e fâ ngu ti Zered, e sara ngu baleota na miombe na lege. Na ngoi ni so, andaa azo so kue ngu ti ala alingbi ti sara bira na ndembe so e londo na Kades-Barnea, ala kue akui, alingbi na dengo ba so KOTA GBIA ade ando na ala.

Ezekiel 20:36

Fade mbi yeke fâ ngbanga na ndö ti ala tongana ti so mbi fâ ando na ndö ti akotara ti ala na benyama ti Ezipte. So tënë ti yanga ti Kota Gbia NZAPA laa.