1 Korente 10:12 - Mbeti ti Nzapa - Tënë so amu fini

¹² Tongaso, zo so abaa atene, lo yeke luti na nduzu, lo sara hange si lo ti pepe.

1 Korente 10:12 Referans Kwoze

Rome 11:20

Tënë ni laa. Me a fâ amaboko ti keke ni, ngbanga ti so ala ma na be pepe. Ti mo, mo ngba na tere ti keke ni, ngbanga ti so mo ma na be. Tongaso, mo pika kate ti mo pepe, me mo sara gi hange.

2 Pierre 3:17

Ti ala, a-ita ti mbi so mbi ye ala mingi, ala ma tënë ni kue awe. Le ti ala akpengba, tongaso si azo ti sioni ahanda ala ti gue kirikiri pepe si lege ti Nzapa so ala kpengba daa so, ala zia ni pepe.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

1 Korente 8:2

Tongana mbeni zo abaa atene ni hinga ye, andaa lo de ti hinga ye alingbi na taa hingango ye pepe.

Amato 28:14

Ti lo nzoni, zo so akpe lakue mbeto ti sarango sioni ye! Me zo so akpengba be ti lo, fade lo yeke ti na ya ti kpale.

Nzoni Tënë so Luc asu na mbeti 8:18

Ala sara hange na lege so ala yeke ma na tënë, ngbanga ti so zo so ayeke na ye, fade a kiri amu mbeni na ndö ni na lo; me zo so ayeke na ye pepe, ataa ye so lo baa lo tene, ni yeke na ni, fade a yeke zi na maboko ti lo.”

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.