1 Korente 10:1 - Mbeti ti Nzapa - Tënë so amu fini

¹ A-ita, mbi ye ti dabe ti ala na ye so asi ando na akotara ti e: ala kue atambula na gbe ti mbinda, ala kue ahon na ya ti kota ngu-ingo na gere.

1 Korente 10:1 Referans Kwoze

Sigingo 14:29

Me azo ti Israel ahon na ya ti kota ngu-ingo ni na ndö ti kuru sese. Na mbage ti maboko ti ala ti koli nga na mbage ti maboko ti ala ti wali, ngu ni aluti tongana mbeni gbagba.

Abia (Psaumes) 105:39

Nzapa agbara ngbongboro mbinda ti bata ala; na bi, wâ ayeke za titene ala baa na ndo.

Ahebro 11:29

Na lege ti mabe, azo ti Israel afâ kota Ngu-bengba, mo baa mo tene, kuru sese laa; me so azo ti Ezipte aye ti hon na peko ti ala, ngu ni amene ala kue.

1 Korente 14:38

Tongana mbeni zo ahinga ye so pepe, Nzapa ahinga nga lo pepe.

Abia (Psaumes) 78:53

Lo fa lege na ala, ye oko ti sara ala ayeke daa pepe, mbeto ti mbeni ye asara ala pepe na ndembe so kota ngu-ingo amene awato ti ala.

Abia (Psaumes) 66:6

Lo sara si kota ngu-ingo aga kuru sese, azo afâ *bale ni na gere. Na ndo so laa e yeke sara ngia ndali ti lo.

Néhémie 9:19

Me na lege ti kota nzoni be ti mo, mo zia ala na ya ti benyama pepe: na kota lâ, mbinda so ayeke fa lege na ala ahon yongoro na tere ti ala pepe; ngbongboro wâ so ayeke za ti fa lege na ala ahon nga yongoro na tere ti ala pepe.

Josué 4:23

Biani, KOTA GBIA Nzapa ti ala asara si na hongo ti ala, ngu ti Jourdain ahole. Lo kanga ngu ni ngbii ala kue ahon na mbage ni kâ, tongana ti so lo kanga ando kota ngu-ingo ti Asosongo na hongo ti e ngbii e hon kue na mbage ni kâ so.

Ndia ti fani use ni 1:33

Lani, lo laa lo yeke mu li ti tambula ni na ala ti gi ndo so ala lingbi ti sara bâbâ ti ala daa. Na bi, lo yeke na ya ti ngbongboro wâ ti za na lege so ala yeke tambula daa; na kota lâ, lo yeke na ya ti ngbongboro mbinda.

Wungo ti azo 33:8

Ala londo na Pi-Hahirot, ala fâ kota ngu-ingo ti Asosongo si ala gue na benyama. Ala tambula lango ota na ya ti benyama ti Etam, ala gue, asara bâbâ ti ala na Mara.

Wungo ti azo 14:14

Ala tene tënë ni na azo ti kodro so awe. Azo ni ahinga atene, mo KOTA GBIA, mo yeke na popo ti azo ti mo, mo yeke fa ka tere ti mo na ala. Mbinda ti mo ayeke luti na ndö ti ala; na kota lâ, mo yeke tambula na dawa ti ala na lege ti mbeni ngbongboro mbinda; na bi, mo yeke tambula na dawa ti ala na lege ti mbeni ngbongboro wâ.

Sigingo 40:34

Tongaso mbinda akanga ndö ti da ti bongo so Nzapa na azo ti lo ayeke wara tere daa si gonda ti KOTA GBIA asi singo na ya ni.

1 Korente 12:1

A-ita, tënë na ndö ti amatabisi ti Yingo-Vuru, mbi ye si ala hinga ni nzoni.

Rome 4:11

Na ngoi so Abraham ade ti fâ ganza pepe, lo wara mbeni nzoroko so afa atene, Nzapa abaa lo tongana zo ti mbirimbiri na lege ti mabe. Nilaa Abraham aga babâ ti azo so kue ama na be, ataa so lo de ti fâ ganza pepe si Nzapa abaa ala nga tongana azo ti mbirimbiri.

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

Rome 11:21

Biani, so Nzapa afâ taa amaboko ti keke ni so, mo laa Nzapa ayeke bata ande mo?

Jean 4:20

Akotara ti e avoro Nzapa na ndö ti hoto so. Me ti ala, azuife, ala tene: ‘Ndo ti vorongo lo ayeke gi na Jérusalem.’ ”

Rome 1:13

A-ita, mbi ye si ala hinga so fani mingi, mbi leke be ti mbi ti gue ti baa ala, me lege akanga na mbi ngbii asi laso. Mbi yeke na nzara ti si kâ titene mbi sara kua si mbi wara lengo ni tongana ti so mbi wara na popo ti azo ti amara nde.