1 Jean 2:6 - Mbeti ti Nzapa - Tënë so amu fini

⁶ Zo so atene ni ga oko na Nzapa, alingbi dutingo ti lo ayeke tongana ti Jésus Christ.

1 Jean 2:6 Referans Kwoze

1 Pierre 2:21

Ye so Nzapa airi ala ndali ni laa, ngbanga ti so Christ nga abaa ando pasi ndali ti ala; lo sara tongaso ti fa lege na ala si ala mu tapande ti lo.

Jean 13:15

Mbi sara so ti fa na ala tapande titene ala nga, ala sara ye so mbi sara na ala.

1 Korente 11:1

Ala sara ye tongana mbi, tongana ti so mbi yeke sara ye tongana Christ.

1 Jean 3:6

Tongaso, zo so kue aduti oko na lo, zo ni azia lege ti sarango siokpari awe; zo so kue angba ti sara siokpari, lo de ti baa Christ wala ti hinga lo pepe.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Matthieu 11:29

Ala yeda ti yo *zuge ti mbi, ala manda ye so mbi fa na ala, ngbanga ti so mbi yeke zo so mbi yeke sara ngangu na zo pepe si mbi yeke gi kota ndo pepe. Fade ala yeke wara lege ti wu tere ti ala.

1 Jean 2:4

Tongana mbeni zo atene: “Mbi hinga Nzapa”, me lo sara ye alingbi na andia ti Nzapa pepe, andaa lo yeke zo ti mvene, taa-tënë ayeke na be ti lo pepe.

1 Jean 2:28

Tongaso, amolenge ti mbi, ala ngba ti duti oko na Christ, tongaso si na lango ti gango ti lo, be ti e ado pepe, e duti yongoro na lo pepe si kamene agbu e na lango ni so pepe.

Abia (Psaumes) 85:13

KOTA GBIA wani laa ayeke sara titene e duti nzoni si sese ti e adu ale ti kobe.

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

1 Jean 3:24

Zo so asara ye alingbi na andia ti Nzapa, lo ga oko na Nzapa si Nzapa aga oko na lo. Ye so afa atene, Nzapa aga oko na e ayeke so: lo mu na e Yingo-Vuru.

1 Jean 4:17

Tongana ndoye so ayeke na be ti e alingbi kue, na lango ti kota ngbanga, be ti e ayeke do pepe, ngbanga ti so dutingo ti e na dunia so ayeke tongana ti Jésus Christ.