1 Jean 2:24 - Mbeti ti Nzapa - Tënë so amu fini

²⁴ Ndani laa, a-ita, ayeke nzoni ala bata na be ti ala tënë so ala ma ngbene ye na tongo nda ni. Tongana ala bata na be ti ala tënë so ala ma ngbene ye na tongo nda ni, fade ala yeke ngba ti duti oko na Molenge ni nga na Babâ ni.

1 Jean 2:24 Referans Kwoze

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

1 Jean 4:13

Lege so e hinga, e tene, e na Nzapa e ngba ti duti oko laa: lo mu na e Yingo ti lo.

1 Jean 4:16

Ti e, e hinga so Nzapa aye e, nilaa e zia be ti e daa. Nzapa ayeke ndoye. Zo so angba na lege ti ndoye, lo na Nzapa angba ti duti oko biani.

Aye so Nzapa afa 3:3

Mo dabe ti mo na tënë so a fa na mo si mo ma ni ando so. Sara ye alingbi na ni, zia ngbene lege ti sarango ye ti mo. Tongana mo zingo pepe, fade mbi yeke ga na tere ti mo tongana zo ti nzi, mo yeke hinga ngoi so mbi yeke ga na ni pepe.

1 Jean 2:7

A-ita ti mbi so mbi ye ala mingi, mbeni fini ndia laa mbi yeke su na mbeti na ala so pepe, me ayeke ngbene ndia so ala yeke na ni, ngbene ye na tongo nda ni; ngbene ndia so ayeke tënë so ala ma ni awe.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

Jean 15:7

Tongana ala duti oko na mbi si atënë ti mbi aduti na be ti ala, ala hunda ye so be ti ala aye, fade ala yeke wara ni.

Aye so Nzapa afa 3:11

Mbi yeke ga fafadeso. Ye so ayeke na maboko ti mo so, mo gbu ni ngangu, tongaso si mbeni zo agboto pepe nzoni ye so a yeke mu na zo so aso benda.

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

Abia (Psaumes) 119:11

Mbi bata atënë ti yanga ti mo na be ti mbi, tongaso si mbi sara siokpari pepe ti ke mo.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Filipe 4:15

Ala azo ti *Eglize ti Filipe, ala wani ahinga atene, na ndembe so mbi londo lani na Masedoane, na ngoi so a to nda ti fango Nzoni Tënë, gi ala oko laa amu na mbi maboko, ala mu ye na mbi na peko ti ye so mbi mu na ala; mbeni Eglize nde asara tongaso pepe.

3 Jean 1:3

Lani ambeni ita asi, ala tene na mbi atene, mo ngba lakue na lege ti taa-tënë si mo ngba ti sara ye lakue na lege ti taa-tënë. Tënë so anzere na be ti mbi mingi.

2 Jean 1:2

ngbanga ti so taa-tënë ayeke na be ti e si taa-tënë ni ayeke ngba ande na popo ti e kpu na kpu.

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

Jean 8:25

Ala hunda lo, atene: “Mo yeke zo wa?” Jésus akiri tënë na ala, atene: “Gi tënë ni laa mbi tene na ala, ngbene ye na tongo nda ni awe so.

Nzoni Tënë so Luc asu na mbeti 1:2

ala su ni na mbeti ti fa peko ti tënë ti azo so abaa ye ni na le ti ala, ngbene ye na tongo nda ni si ala ga azo ti fango tënë ti Nzapa.

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Nzoni Tënë so Luc asu na mbeti 9:44

“Ala ma tënë so mbi yeke tene na ala so nzoni! Fade a yeke zia *Molenge ti Zo na maboko ti azo.”

Jean 6:56

Zo so ate tere ti mbi si anyon mene ti mbi, zo so mbi na lo, e yeke duti oko laa.

1 Jean 3:24

Zo so asara ye alingbi na andia ti Nzapa, lo ga oko na Nzapa si Nzapa aga oko na lo. Ye so afa atene, Nzapa aga oko na e ayeke so: lo mu na e Yingo-Vuru.

1 Jean 4:15

Zo so atene na yanga ti lo atene, Jésus ayeke Molenge ti Nzapa, lo na Nzapa angba ti duti oko biani.

2 Jean 1:9

Zo so kue azia mbeni tënë nde na ndö ti tënë so Christ afa si lo ngba na lege ti tënë ni pepe, andaa lo ke Nzapa awe. Zo so angba na lege ti tënë so Christ afa, andaa lo yamba Babâ na Molenge ti lo awe.