1 Agbia 3:4 - Mbeti ti Nzapa - Tënë so amu fini

⁴ Mbeni lâ, Salomon ague na Gabaon ti mu *sandaga na Nzapa, ngbanga ti so Gabaon ayeke mbeni kota ndo so azo aleke na nduzu ti mu asandaga daa. Salomon aya anyama saki oko na sandaga so a yeke gbi ni kue na wâ na ndö ti gbalaka ni.

1 Agbia 3:4 Referans Kwoze

2 Mbai 7:5

Gbia Salomon amu sandaga ti abagara saki baleuse na use, ataba na angasa saki ngbangbo oko na baleuse. Lege so gbia na azo ni kue asara matanga ti ziango kota da ni nde ndali ti Nzapa laa.

2 Mbai 1:3

Salomon na bongbi ti azo ni kue ague na li ti hoto so ayeke na Gabaon, ngbanga ti so da ti bongo so KOTA GBIA na azo ti lo ayeke wara tere daa ayeke kâ. Moïse, zo ti kua ti KOTA GBIA laa aleke ando da ti bongo ni na benyama.

1 Mbai 16:39

Lo zia wayango-sandaga Sadok, lo na a-ita ti lo awayango-sandaga titene ala sara kua na ya ti da ti KOTA GBIA, da so ayeke nde si ayeke nzoni kue, na gbata ti Gabaon.

1 Mbai 21:29

Na ngoi ni so, da ti Nzapa so Moïse asara lani na benyama nga na gbalaka so a yeke gbi asandaga na ndö ni so angba na ndo so azo ayeke voro Nzapa daa na hoto ti Gabaon.

Ésaïe 40:16

Anyama kue ti Liban alingbi pepe titene a mu na *sandaga so a yeke gbi ni kue na wâ. Akeke ni alingbi nga pepe titene a sara na wâ ti gbi na sandaga ni.

Josué 9:3

Azo ti Gabaon ama tënë ti ye so Josué asara na agbata ti Jéricho na ti Ai.

2 Mbai 30:24

Andaa Ezekias, gbia ti Juda amu akoli-bagara saki oko na ataba saki mbarambara ndali ti bongbi ti azo ni. Amakonzi amu akoli-bagara saki oko na ataba saki baleoko ndali ti azo ni. Awayango-sandaga mingi asukula sioni ti ala.

1 Agbia 8:63

Salomon amu sandaga ti beoko na KOTA GBIA: abagara saki baleuse na use, ataba na angasa saki ngbangbo oko na baleuse. Lege so lo na azo ti Israel kue asara matanga ti ziango kota da ni nde ndali ti KOTA GBIA laa.

Josué 10:2

Na mango tënë so, kota mbeto agbu azo ti Jérusalem, ngbanga ti so Gabaon ayeke mbeni kota gbata so akono ahon gbata ti Ai. Gabaon ayeke nga mbeni kota gbata so ahon agbata so agbia ayeke na li ni; aturugu kue ti gbata ni ayeke angangu zo ti bira.

1 Agbia 9:2

KOTA GBIA asi na lo ti fani use ni tongana ti so lo si lani na lo na gbata ti Gabaon

Josué 18:21

Agbata ti azo ti mara ti Benjamin na lege ti akete mara ti ala ayeke so: Jéricho, Bet-Hogla, Emek-Kesis,

1 Samuel 13:9

Saul atene: “Ala ga na mbi *sandaga so a yeke gbi ni kue na wâ nga na sandaga ti beoko.” Na pekoni, lo wani, lo mu na Nzapa sandaga so a yeke gbi ni kue na wâ.

1 Agbia 8:4

Ala yo sanduku ti mbuki ti KOTA GBIA, da ti bongo so KOTA GBIA na azo ti lo ayeke wara tere daa nga na aye so kue a zia nde ndali ti Nzapa. Awayango-sandaga na azo ti mara ti Lévi laa ayo aye ni so.

Jérémie 28:1

Gi na ya ti oko ngu ni so, so ti tene na osio ngu ni so Sedesias ato nda ti le-gbia na sese ti Juda, na nze oku ni, wayanga-Nzapa Hanania, molenge ti Azur, zo ti gbata ti Gabaon, ayeke na ya ti kota da ti Nzapa. Hanania ato nda ti tene tënë na mbi Jérémie na le ti awayango-sandaga nga na le ti azo kue, lo tene:

2 Mbai 1:2

Salomon abongbi azo ti Israel kue, amakonzi so ayeke na ndö ti aturugu 1 000, ala so ayeke na ndö ti aturugu 100, awafango-ngbanga nga na amakonzi kue ti azo ti Israel, so ti tene amakonzi ti asewa.