1 Agbia 1:9 - Mbeti ti Nzapa - Tënë so amu fini

⁹ Mbeni lâ, Adonia afâ ataba na angasa, akoli-bagara na abagara ti mafuta si lo mu ala na *sandaga nduru na tere ti têne ti Zohelet so ayeke na tere ti li ti ngu ti En-Rogel. Adonia atisa a-ita ti lo ti koli, amolenge ti gbia, na akota zo ti sese ti Juda so ayeke sara kua ndali ti gbia.

1 Agbia 1:9 Referans Kwoze

2 Samuel 17:17

Jonatan, molenge ti Abiatar na Ahimaas, molenge ti Sadok aluti nduru na li ti ngu ti En-Rogel. Mbeni zo ti kua ti wali ayeke daa so ayeke gue ti tene atënë na ala si ala wani ayeke gue ti tene peko ni na gbia David. Biani, Jonatan na Ahimaas alingbi pepe ti li na ya ti gbata ni, ngbanga ti azo abaa ala.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Josué 15:7

Katikati ti sese ni akiri ahon na popo-hoto ti Akor, ague na mbage ti Debir. Na mbage ti Banga, angoro ague na mbage ti Gilgal, na ndo so abaa le na hoto ti Adumim, so ayeke na yanga ti ngu, na Mbongo. Na pekoni, ahon na tere ti li ti ngu ti En-Shemesh si asi na En-Rogel.

Matthieu 22:4

Lo kiri lo tokua ambeni zo ti kua ti tene na azo ni, atene: ‘Mbi leke aye ti matanga ni awe, mbi fâ abagara ti mafuta, mbi leke ye kue awe. Ala ga na matanga ni fadeso!’

Josué 18:16

Katikati ni alondo na ndo so, azu na tere ti hoto so ayeke baa le na popo-hoto ti Hinom, na Banga ti popo-hoto ti azo ti mara ti Refa. Katikati ni ahon na popo-hoto ti Hinom ni, na tere ti hoto ti azo ti mara ti Yebus si azu ague ngbii asi na En-Rogel.

1 Agbia 1:19

Adonia asara kota matanga, lo fâ akoli-bagara, abagara ti mafuta nga na gba ti ataba na angasa ti mu na sandaga. Lo tisa amolenge ti mo ti koli kue, ala na wayango-sandaga Abiatar, na Yoab nga na kota makonzi ti aturugu ti ga daa. Me lo tisa molenge ti mo Salomon pepe.

1 Agbia 1:25

Biani, laso, lo gue, lo sara kota matanga, lo fâ akoli-bagara, abagara ti mafuta nga na gba ti ataba na angasa ti mu na sandaga. Lo tisa amolenge ti mo ti koli kue, amakonzi ti aturugu nga na wayango-sandaga Abiatar ti ga daa. Ala yeke te, ala yeke nyon na dawa ti lo si ala yeke tene: ‘E mu gbia Adonia na nduzu!’