1 Agbia 1:12 - Mbeti ti Nzapa - Tënë so amu fini

¹² Fadeso, mbi ye ti mu na mo wango titene mo soo fini ti mo nga na fini ti molenge ti mo Salomon.

1 Agbia 1:12 Referans Kwoze

Awatokua 27:31

Me Paul atene na kapita ti aturugu nga na aturugu, atene: “Tongana azo so angba na ya ti mangboko ni pepe, fade ala, aturugu, ala lingbi ti soo kuâ pepe.”

Matthieu 21:38

Me so azo ti fango yaka ni abaa molenge ni, ala tene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ti lo aga ti e!’

Jérémie 38:15

Jérémie akiri tënë na Sedesias, atene: “Tongana mbi tene taa-tënë na mo, fade mo yeke fâ mbi pepe? Tongana mbi mu wango na mo, mo yeke ma ni pepe!”

Amato 27:9

Mafuta na yombo ayeke zia ngia na be ti zo; me zo so aye mo si be ti lo awoko na mo, so laa ayeke nzoni ahon wango so mo mu na mo wani.

Amato 20:18

Tongana mo hunda anzoni wango, fade apialo ti mo ayeke ga nzoni; kozo titene mo londo ti gue na bira, ayeke nzoni mo leke gere ni nzoni si.

Amato 15:22

Tongana zo ahunda wango na amba ti lo pepe, apialo ti lo ayeke li ngu; me tongana azo ti mungo wango ayeke daa mingi, apialo ni ayeke ga nzoni.

Amato 11:14

Tongana zo ti fango nzoni lege na azo ti kodro ayeke daa pepe, kodro ni ayeke gue ti ti. Ndali ti gba ti awamungo-wango si kodro ayeke sigigi na ya ti akpale.

2 Mbai 22:10

So Atalii, mama ti Ahazia ama a tene, molenge ti lo akui awe, lo londo, lo mu yanga titene a fâ *ahale ti gbia ti Juda kue.

2 Mbai 21:4

So Yoram aga gbia na peko ti babâ ti lo awe, lo sara si komandema ti lo akpengba; lo fâ a-ita ti lo kue nga na ambeni makonzi ti Israel.

2 Agbia 11:1

So Atalii, mama ti Ahazia ama a tene, molenge ti lo akui awe, lo londo, lo fâ *ahale ti gbia kue.

1 Agbia 1:21

Tongana mo sara tongaso pepe, na peko ti kuâ ti mo, fade azo ayeke baa mbi na molenge ti mbi Salomon tongana azo so tënë ayeke na li ti ala.”

Awafango-ngbanga 9:5

Lo londo, lo gue na da ti babâ ti lo so ayeke na Ofra. Kâ, lo fâ a-ita ti lo, amolenge ti Yerubaal balembarambara kue; lo fâ ala gi na ndö ti têne oko. Zo so asoo kuâ ayeke gi ngambe ni so iri ti lo Yotam, ngbanga ti so lo honde tere ti lo.

Tongo nda ti aye 19:17

So ala sigigi na lo awe, ala tene na lo: “Kpe, mo hon! Tongaso si mo soo fini ti mo. Mo baa ndo na peko ti mo pepe! Mo luti na mbeni ndo na lando ni so pepe! Mo kpe, mo gue na ndö ti hoto! Tongaso si mo kui pepe.”

1 Agbia 1:13

Gue mo baa gbia David si mo tene na lo: ‘Gbia ti mbi, mo deba yanga ti mo lani na mbi, zo ti gbe ti mo, mo tene, fade molenge ti mbi Salomon laa ayeke ga gbia na peko ti mo pepe? Mo tene, lo laa lo yeke duti na ndö ti mbata ti mo ti gbia pepe? Asara tongana nyen si Adonia aga gbia so?’ ”