Tȩtɔ̀s 3:13 - Mundani

¹³ NyɔꞋta ndze nê à tɨŋe a Zenàs wu tàa sàꞋa mènəè la, bɔ̂ Àpolòs ndɨ bɔ̀ɔ bùꞋu a lèghȩ̀ȩ̀nè wɔb la, mè ndze nê bɔɔ̀ ka nkɨ̀ŋkè àghɨ.

Tȩtɔ̀s 3:13 Referans Kwoze

ÀfaꞋa 18:24

Wòt Juê kǒ li nkɨ̀Ꞌɨ̂ a Efesɔ̀s èlen tò wû Àpolòs la. Bɔ̀ le bi atò a Àlèkzandìà, tà bɔ̂ ntaꞋa ko a màndaꞋa, mè ntaꞋa ko mènəè bɔ shɨ a èbem èdziꞋi èkatè Mbɔ̧ɔ̧mà la.

Matìù 22:35

wòt kǒ ane yɔb è wu nyɨꞋtà mbɨ̧tsə la, biite Yesò èngà̧ enɨ taãaãte tò nê,

ÀfaꞋa 28:10

Bɔ li ntàꞋa eŋa awa èghɨ, tè è li ngu àlia baa ghà la, bɔ zì èghɨ àa tɨŋe awa a lèghȩ̀ȩ̀nè wu la a èbem ànkànuꞋ aya nê, bà nɨŋ me ghǎ.

1 Kɔlìn 16:11

Ale, wòt ka ngwàa tò, ka bɨ̀ tɨŋe atò ntsaa tò tà ghȩ̀ȩ̀ne ane àlàŋkè, mè nkɨ̀Ꞌɨ̂ abua am nkàà nê, maà nchɨꞋa tò bɔ̂ bɔnyɨ ba ko bu.

Lûm 15:24

mâ mɨ̀ɨ̀tè nê maa kɨꞋɨ afɨ̀Ꞌ yaa. Maa tsě e ye awɨ̧ mbɨ̀Ꞌɨ̀ è ngu nga a Spen la. Maa nga kɨꞋɨ e wu baa nɨ̧̀ ba ane àfɨ̀Ꞌ à ko bɨa tɨŋe am ane lèghȩ̀ȩ̀nè am a mànga Spen.

ÀfaꞋa 21:5

Ba tseke abàꞋ və tè àfɨ̀Ꞌ aya a kùꞋ, ba dzəè mbà̧à̧ àtsəalu̧ aya. Bà me ghǎ, bòt Yesò bu bàgème nè bèzi bɔb bɔ̂ bɔ̧ bɔb, e dzəè àpfəèà nɨ̧ yu nga etsàà àwa. Ba tò ba e gha a ngèt èdzî wu, ba teme tènjùŋ ta a ègwet tèsoŋtsə ntsaꞋte a Mbɔ̧ɔ̧mà.

Lûk 14:3

Yesò lɔ̀ke àvi mbììte bènyɨꞋtà mbɨ̧te Musì nè Bèfalèsiì bu abot la nê, “Tè mbɨ̧te Musì tè bɨ̧ɨ̧nè nê bɔ̀ bə wòt àliapfəèa ya, kò te bakà bɨ̧̀ɨ̧̀ne à?”

Lûk 11:52

“Aa li bɨ̀a awɨ̧, bɨ̀a bènyɨꞋtà mbɨ̧te Musì. Bɨ bèa nkȩ̀ yu nàa ntsɔ̀Ꞌɔ ètsələèꞋ lob yu èyì e wu a èbèm la. Bɨ bakà nyi a èbèm, mbɔ̂ bɨ ka meè ŋà èlu̧ bòt ko aa nyi.”

Lûk 11:45

NyɨꞋtà mbɨ̧te Musì kǒ shu abua Yesò nê, “NyɨꞋtà, àa ndàꞋà mènəè maa ale ngua ntsɔ̧̀ɔ̧̀tà wa tsɔ̧̀ɔ̧̀te mɨ̧̂.”

Lûk 10:25

NyɨꞋtà mbɨ̧te Musì ko li nkɨ̀Ꞌɨ̂ me kɨ etaãaãte a Yesò, mbììte atò nê, “NyɨꞋtà, betsiꞋa e ngɨ̀ nà ka mbɔ̀ mèmpème kàlìà à?”

Lûk 7:30

Ka Bèfalèsiì nè bènyɨꞋtà mbɨ̧te Musì bɔ tu̧u̧ àghɨa Mbɔ̧ɔ̧mà taŋkè abua yɔb la, nkàà nê bɔ li ntû̧ ebɨ̧ɨ̧ne Jɔ̌n naa zì àwɔb a èdzî mɨ̧̂.

ÀfaꞋa 15:3

Bòt chɔsì bu e nɨa awɔb ngà ntsaa alu̧. Mbɨ̀Ꞌɨ̀ bɔɔ ntsea àlaꞋ a Fònisìà nè Sàmalìà la, bɔ me shu bòt ndɨ bòt kà wu Bèjuê e kubte tê ntsìꞋi bòt Mbɔ̧ɔ̧mà la. ÀfɨꞋa bɔnyɨ bu bàgème e zə ntu̧ yaa la, ànəa ngaa a taꞋa bɔ̀ àwɔb.

ÀfaꞋa 19:1

Àpolòs li ngu a Kɔlìn ale, Pɔ̂l me ghȩ̀ȩ̀nè àzi a èbem àlaꞋ a Esìà tè ngà nyi a Efesɔ̀s. Tà nyi abàꞋ və, tà ye bɔkatè ko,

1 Kɔlìn 16:12

È me wu wanyɨ wa Àpolòs, ko mâ ŋwèta atò ngò̧ nyaŋ nyaŋ nê tà kɨꞋɨ bɔ̂ bòt Yesò ko bu ndzè àwɨ̧, ka a li à ka wu a èntɨ̧ɨ̧ tò nê tà kɨꞋɨ àfɨ̀Ꞌ yaa. Taa kɨꞋɨ àfɨꞋa èlu̧ e dzə a si la.