Tȩtɔ̀s 1:3 - Mundani

³ Àfɨ̀Ꞌ a li nkùꞋ, Mbɔ̧ɔ̧mà ghɨ̀ bɔ tsɔ̀tè èngǎ̧ tò, ngɨ̀ bòt e ko àghɨ yu tà li nkàꞋ la. Wu Mbɔ̧ɔ̧mà, Mpemnà wa tà li ndzì ntu̧ yaa a tèkitebu taã nê è me tsɔ̀tè la.

Tȩtɔ̀s 1:3 Referans Kwoze

1 Tɔ̀màtià 1:11

Mènəè maa e dzə a èbem Ntu̧ Ntsɔ̧̀ yu Mbɔ̧ɔ̧mà li ndzì a tèkitebu taã nê è me tsɔ̀tè la. Ntu̧ mbɔŋ nàà nyɨ̀Ꞌta ènɨ̧ Mbɔ̧ɔ̧mà wu, tà wû ndàꞋ wòt bòt àa ngùꞋtà la.

1 Tɔ̀màtià 1:1

Letà Pɔ̂l wantu̧ Yesò Klistò ane mengɨ̌ Mbɔ̧ɔ̧mà Mpemnà wa bɔ̂ Yesò Klistò wu ntɨ̀ ya wu ane tò la,

Tȩtɔ̀s 2:10

bɔ̀ ka ntsɔ̌ àghɨ abua yɔb. Bɔ̀ nyɨꞋte wuê nê, bɔ wu bòt ntsɔ̧̀, mè ngu bòt betsiꞋa wòt lɨ̀Ꞌ àvi ane yɔb la. Mènəè mɔb ègème wua mbɔ̀ èlɨ̀ waa, ko bòt aa me kɔ̀ŋkè mènəè mu ba nyɨ̀Ꞌta ane Mbɔ̧ɔ̧mà wu tà wu Mpemnà wa la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

1 Tɔ̀màtià 4:10

Eyaa wu àghɨ a ghɨ̀ ba me nyɔ̀Ꞌta fàꞋà nyaŋ nkàà nê ba zǐ ntɨ̀ ya ane Mbɔ̧ɔ̧mà wu tà wu eyû̧ la. Tà wu Mpemnà wɔ̀bȩ̂ ègème, mbɔ̂ mèmpème mbɔŋ wu abua bòt bu bɔ zì mèntɨ̧ɨ̧ mɔb ane Yesò la.

1 Tɔ̀màtià 2:3

Àyaa aà mbɔ̀ a Mbɔ̧ɔ̧mà wu tà wu Mpemnà wa la,

1 Tèsàlonikà 2:4

Bàa ngɨ̀ ba wua ndàꞋà wuê mènəè Mbɔ̧ɔ̧mà nàa nkɨà nê bà laꞋa la, nkàà nê tà lɨ̀ŋkè àwa ba kùꞋù èbe tàa zǐ Ntu̧ Ntsɔ̧̀ yu a tèkitebu ta la. Bà ka laꞋà àghɨa bɔbȩ àa nkɨà la. Baa ndàꞋà wuê ndɨ àa bɔ̌ abua Mbɔ̧ɔ̧mà wu tà ko mèntɨ̧ɨ̧ ma la.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Kɔ̀losìà 1:6

Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.

Efesɔ̀s 2:17

Tà li nkɨ̀Ꞌɨ̂ ndàꞋà Ntu̧ Ntsɔ̧̀ yu nàa ngɨ̀à bòt e wu ane àlàŋkè la, abua yɨ̧ bɨ̀a bòt kà wu Bèjuê bu bɨ li ngu a endɨ̌ ane Mbɔ̧ɔ̧mà la. Tà li ndàꞋ fɔ̀ɔ̀le abua Bèjuê bu bɔ li ngu nè Mbɔ̧ɔ̧mà la.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

1 Kɔlìn 9:17

Mâ ghɨ̀ ale, ngua ngɨ̀à àyaa ane mènkɔ̀ŋke mɔ̧, ko maa bɔ àbȩ̀, ka ndɨ̀ wu màa ka ghɨ ane mènkɔ̀ŋke mɔ̧ la, ko wu Mbɔ̧ɔ̧mà ka tà zǐ àfaꞋa mbɔŋ a tèkitebu taã nê è me ghɨ̀ la.

Filìpȩ 1:13

Àghɨa a ghɨ̀ la wu nê, mbɨ̀Ꞌɨ̀ è ngu a tèfȩ a èbem ntɔꞋ anè la, a ghɨ̂ bèshujà bu mbààba ntɔꞋ mbɔŋ la, nè wòt ègème a si ŋàa e ko nê bɔ kȩ̀ am nkàà ànəa Yesò Klistò.

Lûm 16:26

Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

Lûm 15:19

Mâ ghɨ̂ èlȩê e ghe la, nè mènəè ngɨŋa Fo Kèfə è ŋa mètàŋ e ngɨ̀ la. Ale, ebuꞋu a Jèlusalèm e ghǎ wua Èlikùm, mâ tsɔ̀te Ntu̧ Ntsɔ̧̀ Yesò Klistò a èdziꞋ ègème.

Lûm 5:6

È li ngu àfɨꞋa bàà bele ka bɔ ètɨŋe la, Yesò Klistò è kɨ̀Ꞌɨ̂ kwàꞋ àfɨ̀Ꞌ yu Mbɔ̧ɔ̧mà li nɔ̀ŋè la, mpfə ambo bòt kàbɔ̀ŋ.

ÀfaꞋa 17:26

Tà li mbɨ̀ ngɨ̀ mbâ̧ yemɔꞋ mbɔ̂ ndɔ̀Ꞌ nɨ atò ngɨ̀ tèwuute bòt àlaꞋ ègème àa ngɔ̀ŋ ŋaa la. Tà li me laꞋ nê yea ngɨ̀ àwɔb, ndzaŋe nɔ̀ŋè ngule èfɨ̀Ꞌ nè mèlɨ̀ èdziꞋi bɔ̀ɔ li me tseke la.

ÀfaꞋa 10:36

Bɨ koê ntu̧ yu tà lè tsaa abua bòt Izəèlȩê la. Ntu̧ Ntsɔ̧̀ mbɔŋ nàà shua ndɨ baa bɔ àlàŋkè nè Mbɔ̧ɔ̧mà mbɨ̀Ꞌɨ̀ ba zì mèntɨ̧ɨ̧ ma ane Yesò Klistò wu, tà wu Fɔ̧̀ àtsəa bòt bàgème a sitsǎꞋ ŋàa la.

Lûk 1:47

MèngùꞋte è lu̧u̧ a èbem èntɨ̧ɨ̧ am ane Mbɔ̧ɔ̧mà wu tà wu Mpemnà am la.

Ntu̧ Ntsɔ̧̀ MAK 16:15

Tà li shu abua yɔb nê, “Bɨ̀ ghǎ a ngɔ̀ŋ ègème ntsɔ̀tè Ntu̧ Ntsɔ̧̀ abua waa waa.

Ntu̧ Ntsɔ̧̀ MAK 13:10

Ngɔ̀ŋ naa li me laꞋ nê yea ndìà, bɔ yaã mbɨ̀ ntsɔ̀tè Ntu̧ Ntsɔ̧̀ kèfɔ̧̀ Mbɔ̧ɔ̧mà a èlaꞋ ègème.

Ètsə 14:16

Ale, wòt wu tà tseke a ègwet mbàꞋ yu la mì nyi zi fuꞋu èghɨ bu a sitsǎꞋ ègème.

Efesɔ̀s 1:10

Tà li ngua ntàŋka nê àfɨꞋa ngaa aa ghɨ̌ nkùꞋ ye fète èghɨ ègème è wu a ègwet nè sitsǎꞋ la ndzi a èten Yesò Klistò.

Ntu̧ Ntsɔ̧̀ MAK 1:15

shua nê “Ngule àfɨ̀Ꞌ yu a kùꞋ. Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧. Bɨ̀ waꞋa mènəè kàbɔ̀ŋ mɨ̧, mbɨ̧̀ɨ̧̀ne Ntu̧ Ntsɔ̧̀.”

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

2 Tɔ̀màtià 4:17

Ka Mbɔ̧ɔ̧mà li ngu nè nà̧, ŋa am mètàŋ, e nɨŋ ntsɔ̀tè Ntu̧ Ntsɔ̧̀ yu ègème tè bòt kà wu Bèjuê bàgème e zə. Mbɔ̧ɔ̧mà li ntɨ̀ŋe ngɨ̀ e mpem èvə mbɨ̀Ꞌɨ̀ wòt bɔ fàa tò a ètsəê sambàŋ la.