Tȩtɔ̀s 1:12 - Mundani

¹² Ka wuê ngule wòt Klît wɔb kǒ, è wu wòt àghɨ yeakwì la li nê, “Bòt Klîtan e taꞋa wua fɨ̀ta, ngɨ̀à kàbɔ̀ŋ mbɨ̀Ꞌɨ̀ nyà̧tebàꞋ, nkùa èlɔŋ, mè nkɔ̀ŋkà wuê èghɨjɨ.”

Tȩtɔ̀s 1:12 Referans Kwoze

1 Tɔ̀màtià 4:2

Bòt bu bɔ̀ɔ me nyɨꞋte èwuu mènəè maa la, wu bòt bu bɔ̀ɔ fɨta nê bɔ wu bòt Mbɔ̧ɔ̧mà la. Bɔ bakà tsi nko a ntsɔ̧̀, ngu nê Satàn ghɨ̂ mèntɨ̧ɨ̧ mɔb fene tê è kà tsi ngua fèèlè àwɔb.

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

ÀfaꞋa 17:28

wuê mbɨ̀Ꞌɨ̀ wòt kǒ è làꞋà la nê: ‘Wu mètàŋ tò ka è ghɨ̂ ba wu yû̧, mè me ghȩ̀ȩ̀nè la.’ A wu mbɨ̀Ꞌɨ̀ bɔ̧ màshɨa bɨ̧ ko, e shɨ a si la nê, ‘Bàa mɨ̧̂ e wu bɔ̧ tò.’

2 Pità 2:15

Bɔ sà èlu̧ ntsɔ̧̀ ntsìꞋa nkùŋà èwe kàbɔ̀ŋ. Bɔ tsiꞋi kùŋè wuê tèkate Balààm waã Beò wu tà li nkɔ̀ŋkè e ghɨ a kàbɔ̀ŋ, mbɨ̀Ꞌɨ̀ ebɔ èkab ane àbȩ̀ àzi la.

2 Pità 2:12

Ka bòt baa aa ndàꞋa kàbɔ̀ŋ ane mènəè bɔ̀ baka ko la. Bɔɔ mbɨ̀Ꞌɨ̀ nyaãtebàꞋ kà wua kwàꞋtà ànəê, bɔ bi awɔb wuê mbɨ̀Ꞌɨ̀ eliime la. Bɔ̀ɔ wàa aa li eleme wuê mbɨ̀Ꞌɨ̀ nyaãtebàꞋ tèa ndèma la.

ÀfaꞋa 2:11

Bèjuê nè bòt kà wu Bèjuê, bɔ gheblè tê ntsìꞋa nkùkta Mbɔ̧ɔ̧mà mbɨ̀Ꞌɨ̀ Bèjuê la. ÀbəèꞋ àko ane yɔb li ngu bòt Klît, nê bòt Àlabìà. AfɨꞋa mbɔŋ bòt ngaa e biitè nê, ‘Ghǎ ghɨ̂ ka ba me zə bòt baa bɔ zì mèntɨ̧ɨ̧ mɔb ane Yesò la e tsiꞋa ndàꞋà ane ndɨ̧ ta shua taꞋa mènəè Mbɔ̧ɔ̧mà ghɨ̀ la à’?”

ÀfaꞋa 27:7

Ba me ghȩ̀ȩ̀ne mpiꞋa mpiꞋa ane èli ko tè me laꞋ nê baa nyìa àpfəèa Sidùs ntàꞋa ye ngoꞋ. Àfeme a ghe, tê ànkànuꞋ yu à ka wu ko eghǎ ane abà yu a tsèà la. Ale, ba tsiꞋi me ghȩ̀ȩ̀ne ane àbà yu nkòòlà nàa nkɨ̀à àwa ane àfeme yu la. Nkòòlà yu ko nê ye wu adù̧ àlaꞋ yu a kètsìà èdzî bɔ̀ɔ ntɔ nê Klît la. Ba bɔ̂ nchu ntse a ngèt adzìꞋ yu a səèŋnè nyi a èbem èdzî bɔ me tɔ nê wu Salmòn la.

ÀfaꞋa 27:12

ÀdziꞋ yu bɔ̀ɔ ngɔ̀ɔ̀bà ènkànuꞋ àbȩ la a li à ka wu àyea betsiꞋa bɔ jɨ àbɨ̂ŋ abot la. Ale, àbəꞋa bòt nyaŋ a nê, bɔ̀ nyɔꞋta ngà tè ngu àpfəè yu è wu Finìk la, na bɔ wu ko eghǎ tè enyi abot la. ÀdziꞋa ngaa wu àdziꞋa bɔ̀ɔ ngɔ̀ɔ̀bà ènkànuꞋ a Klît la. À ghɨ̀ ale, àbà ako a me ye àkɔꞋɔ, àbà ako a me ye àtsɔꞋɔ, ŋà èlu̧ ndɨ betsiꞋa bòt e jɨ àbɨ̂ŋ abàꞋ və la.

ÀfaꞋa 27:13

Mbɨ̀Ꞌɨ̀ bàa ngà nè mbì la, awa àfeme kǒ nyaꞋa ndɔ̀Ꞌ nè àtsɔꞋɔ me tsě, bòt bu e tanda nê, betsiꞋa bɔ ghɨ̀ wuê mbɨ̀Ꞌɨ̀ bɔ wua nkwàꞋtà la. Ale, bɔ lɔ̀kè àghɨa lelet yu àa mbà̧aã ànkànuꞋ mbɨ̀Ꞌɨ̀ a gha nè mbì la, mbɔ̂ mbê me ghȩ̀ȩ̀nè wuê a mbɨ̧̀ Klît.

Filìpȩ 3:19

Bɔɔ li nyɔ, nkàà bɔ nɨ èghɨ mbɨ̧te ènyit tɔb tèa nkɔ̀ŋkà la ngɨ̀ e tsiꞋi mbɨ̀Ꞌɨ̀ mbɔ̧ɔ̧mà. Bɔɔ ngɨ̀à tè ngù̧a nkùꞋ tɔb ane àghɨa ètsə bɔb e wu me kɔꞋɔ adù̧ la. Bèŋût aà nkwàꞋtà wuê èghɨ ngɔ̀ŋ yaa.

Tȩtɔ̀s 1:5

E ndi sà awê a Klît nê à taŋke mènəè mu è li mbèle kà ba taŋkè la, mè ngà a èpfəè nɨ̧ ègème, ndzì bɔɔjuŋ àtsəa bòt Yesò mbɨ̀Ꞌɨ̀ e ndi shu awê la.