Ntu̧ Ntsɔ̧̀ MAK 9:9 - Mundani

⁹ Bɔ̀ lɔ̀Ꞌɔ a ègwet èbȩ lu bɔ̀ me chu, Yesò səèŋkè ètû̧ bɔb nê, “Ko mbɨ̀Ꞌɨ̀ wòt wɨ̧ shu wòt àghɨa bɨ ye la tè Waã Wòt ghɨ̀ mpfə mè njù̧ù̧me.”

Ntu̧ Ntsɔ̧̀ MAK 9:9 Referans Kwoze

Ntu̧ Ntsɔ̧̀ MAK 5:43

Yesò bɔ̂ səèŋkè ètû̧ bɔb nê bɔ̀ ka shu wòt ànəa a ghɨ̀ la, mbɔ̂ nê “Bɨ̀ ŋa tò àghɨ tà jɨ.”

Matìù 12:40

Ndɨ Jɔnà li ntsèke a èbem taꞋa asəâ ènɨ̧ ane èlibȩ betat la, wu ndɨ Waã Wòt nàa li tseke azi a èbem èntɨ̧ɨ̧ sitsǎꞋ ane èlibȩ betat la.

Lûk 24:46

Mbɔ̂ shuê abua yɔb nê, “Eyaa àghɨa bɔ shɨ la, nê, Fɔ̧̀ wu Mbɔ̧ɔ̧mà li ndzɔꞋ etsàà la è bɔ ndɨ tàa ye ngoꞋ ebɔ epfə, ka naa me wu ane èlibȩ betat taa yu̧u̧me la.

Matìù 27:63

nê “Tê, ba ku̧u̧te ndɨ wòt mèfà̧ waa li mbèle yû̧ nê, yea li mpfə è me wu ane èlibȩ betat ye yu̧u̧mè la.

Matìù 16:21

E buꞋu àfɨꞋa mbɔŋ e ghà nè mbì, Yesò bùꞋ me shu bɔkatè bi ndɨ yèa ghǎ a Jèlusalèm e tàꞋa ye ngoꞋ a tèkitebu bɔɔjuŋ nè bètǎt bèntsìà mèpɨ̧̀ Mbɔ̧ɔ̧mà ndɔ̀Ꞌ nè bènyɨꞋtà mbɨ̧te Musì la. Nè, bɔɔ̀ li ebùŋè àvi ka naa me wu ane èlibȩ betat yea yu̧u̧me.

Matìù 12:19

Bɔ̂ wòt è ka yɔ̌a, tà kà wu ŋȩ, Wòt kà wu ezə àtɔŋ tò a èbuꞋ èlu̧,

Matìù 8:4

Yesò bɔ̂ shu abua tò nê, “Ko mbɨ̀Ꞌɨ̀ à shu wòt àghɨa a ghɨ̀ la, ka ghǎ nyɨ̀Ꞌte awê abua ntsìà mèpɨ̧̀ Mbɔ̧ɔ̧mà. À me ghǎ à nɨ èghɨ àa nɨ kɔ̀ŋke a Mbɔ̧ɔ̧mà mbɨ̀Ꞌɨ̀ Musì li shu la, enɨ ghɨ̌ waa waa naa ko nê à pem.”

Ntu̧ Ntsɔ̧̀ MAK 7:36

Yesò bɔ̂ səèŋkè ètû̧ bòt bàgème nê bɔ̀ ka shu ànəa mbɔŋ abua wòt. Mbàte səèŋkè ètû̧ bɔb ale, ka bɔ paà ndàꞋtè.

Ntu̧ Ntsɔ̧̀ MAK 9:8

Àfɨ̀Ꞌ a bakà wù̧ù̧nè, bɔ̀ ka tsi ndzě wòt, bɔ tsiꞋi eye wua Yesò zia ndziꞋne.

Ntu̧ Ntsɔ̧̀ MAK 9:10

Bɔ zə ànəa tà shu la, mbɔ̂ ntsìꞋi me làꞋa a kètsìà wɔb shua nê, “Tàa shuà nê yea li yu̧u̧me ale ngua shua nê ghà à?”

Lûk 9:36

Àtɔŋ yu à buŋ, Yesò tsiꞋi zia ndziꞋne. Bɔkatè bu ye ale, mbuŋ ntsèke awɔb. Bɔ̀ ka shu wòt ànəa èghɨ bu bɔ ye la, àfɨꞋa mbɔŋ.