Ntu̧ Ntsɔ̧̀ MAK 9:5 - Mundani

⁵ Pità shu abua Yesò nê, “NyɨꞋtà, a bɔ̂ŋ nê ba wu a si ŋàa. À bɨ̧̀ɨ̧̀na, ko maa vəèəè bayò batat adzìꞋ yaa, wemɔ̀Ꞌ abua yê, wemɔ̀Ꞌ abua Musì, nè wekǒ abua Èlȩjà.”

Ntu̧ Ntsɔ̧̀ MAK 9:5 Referans Kwoze

Filìpȩ 1:23

A baãaã am ebà bebe. Maa nchɨ̀ɨ̀ma nkɨ esǎ ngɔ̀ŋ yaa eghǎ kwene ane Yesò Klistò è wû kwàꞋ ànəa ntsɔ̧̀ la.

Matìù 23:7

Mè taꞋa wua nkɔ̀ŋkà bòt aa me nèèta ntsàꞋtè àwɔb àsà̧aã èwen e mě me tɔ awɔb ane bènyɨꞋtà.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

Matìù 17:4

Pità shu abua Yesò nê “Lefɨ̀Ꞌ, a bɔ̂ŋ nê ba wu a si ŋàa. À bɨ̧̀ɨ̧̀na, ko maa vəèəè bayò batat adzìꞋ yaa, wemɔ̀Ꞌ abua yê, wemɔ̀Ꞌ abua Musì, nè wekǒ abua Èlȩjà.”

Matìù 23:8

“Ka è me wu awɨ̧, bɨ̀ ka mbɨ̧̀ɨ̧̀ne bòt e me tɔ awɨ̧ ane bènyɨꞋtà, nkàà nê bɨ̀agème bɨ wu bɔnyɨ, mè mbɔ nyɨꞋtà wuê wemɔ̀Ꞌ.

Ntu̧ Ntsɔ̧̀ MAK 9:4

ÀfɨꞋa mbɔŋ, bɔ me ye Èlȩjà bɔ̂ Musì, e pùùlà a mbì lɔb, me làꞋà bɔ̂ Yesò ba.

Ntu̧ Ntsɔ̧̀ MAK 9:6

Pità bɔ̂ bòt ko bu e li mbɔ̀a tè bɔ̀ ka tsi nko ànəa bɔ̀ɔ shu la.

Lûk 9:33

Mbɨ̀Ꞌɨ̀ bòt bu è tsiꞋa nkɨ esǎ Yesò me ghǎ la, Pità shu abua atò nê, “Tê, a bɔ̂ŋ nê ba wu a si ŋaà. À bɨ̧̀ɨ̧̀na, ko maa vəèəè bayò batat àdzìꞋ yaa, wemɔ̀Ꞌ abua yê, wemɔ̀Ꞌ abua Musì, nè wekǒ abua Èlȩjà.” (Tàà shua ale, tà kà ko àghɨa ye shua la.)

Jɔ̌n 4:31

Bɔkatè Yesò e teꞋa akwèn me shu̧u̧te atò shua nê, “Labȩ̀, lem jɨ àghɨ.”