Biblia Todo Logo
Bib sou entènèt

- Piblisite -




Ntu̧ Ntsɔ̧̀ MAK 9:43 - Mundani

43 Ale, àbu ayê à ghɨ̀ à tsì èntɨ̧ɨ̧ wê ane Mbɔ̧ɔ̧mà, a lo ngwaꞋ. A bɔ̂ŋ nê à bɔ àbu yeamɔꞋ mbɔ̀ mèmpème kàlìà, tè ntsè ndɨ àa bɔ èbu bebe bɔɔ màꞋà wê a èbem èwet Satàn wu kà wu li lema la.

Gade chapit la Kopi




Ntu̧ Ntsɔ̧̀ MAK 9:43
23 Referans Kwoze  

“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.


È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.


Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.


Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.


Ankì tò wu àbu atò, tàa nɨ foa ntsəè ti la. Taa foa ntsəè tu, efete nɔ̀ŋe a ète li, ka è me wu èfaa, tà maꞋa a èbem èwet kà wu li elema.”


Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.


Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.


Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.


Ka à me ghɨ̌ èpǎ̧ wè, à kàꞋà wuê bòt ntseb, bɔ̂ bòt bɔ̀ɔ ŋɔ̧̀ɔ̧̀mà la, nè bòt èka bɔb e ŋɔꞋte la, nè bòt àghɨ ayɔb a leme la,


Mbɨ̀Ꞌɨ̀ àa nè la, bɨ̀ waꞋa mènəè kàbɔ̀ŋ ègème bɨ̀a ngɨ̀à la. Bɨ̀ ka tsi ndàꞋ mèfà̧; bɨ̀ ka me ghɨ̀ mènəè nɨa mvəèəèlà àghɨ a bòt; bɨ̀ ka tsi ngòꞋnè bòt; bɨ̀ ka tsi me làꞋa ntsò̧ò̧tà bòt mɨ̧̂.


Ka màa ngɨ̀ e me kuule mbɨ̧̀ ènyit yaã, ŋwèèlà èghɨ èntɨ̧ɨ̧ am e kɨa la ndzia a si, màa ngɨa ale mbɨ̀Ꞌɨ̀ ka e ndàꞋà èngǎ̧ Mbɔ̧ɔ̧mà abua bòt ko, a ghà me lìa Mbɔ̧ɔ̧mà nê e mbakà kùꞋ la.


“WafàꞋ wu kua akwèn ngà è shu a tǎt vi. A saa tǎt tò wu, tà shu abua tò nê, ‘Luula ngà a balu̧ nè bɔbɔlu̧ a èbem àpfəè, ntɔ bòt ntseb, bòt bɔ̀ɔ ŋɔ̧̀ɔ̧̀mà la, bòt àghɨ àleme nè bòt èka bɔb e toŋke la nê bɔ̀ kɨꞋɨ.’


Ka la, baa ka kɨ etsòkè mèntɨ̧ɨ̧ bòt bu bɔɔ fèta èkab wàà la. È wu ale, ghǎ *èdzî, màꞋà fȩ, asəâ mbì è kɔꞋɔ la, à ghaꞋa ètsəê tò, ko aa ye àkwȩkab a kùꞋu awa ba nè la, enɨ ghǎ eŋa abua yɔb.”


[Abot, tègwèt tɔb teà kà li mpfəèꞋte, bɔ̀ ka meè ngua ndìa ndììma èwet wu.]


Ankì tò wu abua tò, tàa nɨ foa ntsəè ti la. Taa foa ntsəè tu, efete nɔ̀ŋe a ète li, ka è me wu èfaa, tà maꞋa a èbem èwet kà wu li elema.”


Swiv nou:

Piblisite


Piblisite