Ntu̧ Ntsɔ̧̀ MAK 9:29 - Mundani

²⁹ Tà tsɔꞋɔ èngǎ̧ wɔb nê, “Wu màntsaꞋta Mbɔ̧ɔ̧mà ka nàa fəè èwuu yaa nè fo kàbɔ̀ŋ la. Àghɨa ko tsa a ntsě.”

Ntu̧ Ntsɔ̧̀ MAK 9:29 Referans Kwoze

Jimsì 5:15

Bɔ me tsàꞋte ale, ndzì èntɨ̧ɨ̧ wɔb ane Mbɔ̧ɔ̧mà ko aa ghɨ̌ ngò̧ò̧nà wu naa kweele. Bɔ ghɨ ale ko Mbɔ̧ɔ̧mà naa lɔ̀ke atò, e mèe waꞋa a kàbɔ̀ŋ tò, na è wu nê tà ghɨ̀à kàbɔ̀ŋ la.

Matìù 17:20

Yesò bɨ̀ɨ̀lè nê, “Wu ndɨ̀ wu bɨ̀ baka zi èntɨ̧ɨ̧ wɨ̧ ane Mbɔ̧ɔ̧mà ntsɔ̧̀ la.” Ane nkûŋ, tsiꞋ è shua wɨ̧ nê, bɨ ghɨ̀ ale, mbɔ ntɨ̀, ka è màa nkoa ngu wuê mbɨ̀Ꞌɨ̀ èsaãaãme maŋkaŋa, ko betsiꞋa bɨ shu abua èbȩ làa nê, “LɔꞋɔ adzìꞋ yaa nga àzia, e ghà. Àghɨa ko à ka meè ngu tsè àwɨ̧.”

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

2 Kɔlìn 12:8

E ndi shù̧ù̧te a Tè Yesò ngò̧ tetat nê tà tsi àghɨ yaa.

2 Kɔlìn 11:27

Mâ fâꞋ mbɔ̀ tèbəꞋtsə, ndì àtatsi ngò̧ nyaŋ, ntsèka kà ye èghɨjɨ ejɨ kò mèleb enu leꞋ. Mâ tsèke ngò̧ nyaŋ kà jɨ àghɨ, è nka mê ndzè lob e tseke a èbèm, è nka mê ndzè ndǐ ekwaãaã a èfɨ̀Ꞌ ko.

Lûk 11:26

è mè ngà nɨ fote kàbɔ̀ŋ ko tesà̧à̧mbe te bɨɨte ntsè yùà la, nɨŋ kɨ̀Ꞌɨ̂ bɔ tseke a èbèm. À gha a me lìa, ŋut bê bɨɨ tê ntsè ndɨ tà ghɨ̂ ndzaã ngu la.”

1 Kɔlìn 9:27

Ka màa ngɨ̀ e me kuule mbɨ̧̀ ènyit yaã, ŋwèèlà èghɨ èntɨ̧ɨ̧ am e kɨa la ndzia a si, màa ngɨa ale mbɨ̀Ꞌɨ̀ ka e ndàꞋà èngǎ̧ Mbɔ̧ɔ̧mà abua bòt ko, a ghà me lìa Mbɔ̧ɔ̧mà nê e mbakà kùꞋ la.

ÀfaꞋa 14:23

AdzìꞋ àgème bɔ ghà la, bɔ yɔꞋɔ bɔɔjuŋ àtsəa bòt chɔsì bu. Bɔ ghɨ̀ ale, bɔ tsaꞋte a Mbɔ̧ɔ̧mà kà jɨ èghɨjɨ mbɔ̂ ndzì bòt mbɔŋ a tèkitebu Yesò wu bɔ zì mèntɨ̧ɨ̧ mɔb ane tò la.

Matìù 12:45

è mè ngà nɨ fote kàbɔ̀ŋ ko tesà̧à̧mbe te bɨɨtè ntsè yùà la nɨŋ kɨꞋɨ bɔ tseke a èbèm. À ghǎ a me lìa ŋut bê bɨɨ tê ntsè ndɨ tà ghɨ̂ ndzaã ngu la. Eyaa wu ndɨ àa li wu ane àndǎ̧ kàbɔ̀ŋ yaa laane la.”

2 Kɔlìn 6:5

Bɔ shu̧a wa, ndzì awa a tèfȩ, banɔ̧̀ e lɔ̀kè mèbet ambo ya, ba fàꞋà nkà̧aã, ndia àtatsi, mè ntsèka ndzìtsə.

Matìù 17:21

[Ka è bakà wu nê, wòt naa me tseke kà jɨ àghɨ mè ntsàꞋta Mbɔ̧ɔ̧mà tà kà ko fəè èwuu yaa nè fo kàbɔ̀ŋ.]

Ntu̧ Ntsɔ̧̀ MAK 9:28

ÀfɨꞋa Yesò lɔ̀Ꞌɔ tê nyi a lob la, bɔkatè tò bu e biite atò nê, “Ghǎ a yaãaã ngɨ̀ ka bà ka ko fəè fo kàbɔ̀ŋ yu à?”

Ntu̧ Ntsɔ̧̀ MAK 9:30

Yesò bɔ̂ bɔkatè bi e li ndɔ̀Ꞌ ntsè a Galìlî ngà nè mbì. Yesò lè kaꞋa wua nkɨà nê bòt èko àdziꞋa yè wu abot la,