Ntu̧ Ntsɔ̧̀ MAK 7:34 - Mundani

³⁴ Yesò ghɨ̀ ale, mbɔ̂ ndɨ̀ŋkè ègwet, ntsà̧ vi ane ètɨ̧̂ shu abua mbê wu nê, “Èfatà”, ngua shua nê, “GhaꞋa!”

Ntu̧ Ntsɔ̧̀ MAK 7:34 Referans Kwoze

Jɔ̌n 11:41

Ale, bɔ bɨŋè èti lu ntsì, Yesò lɔ̀ke àvi ndȩ̀ ègwet nê, “Tê, mâ taꞋa kɔ̀ŋke ndɨ̀ wu à yute èngǎ̧ am la.

Ntu̧ Ntsɔ̧̀ MAK 6:41

Yesò nɨ̀ tètaãaãte bled tu tetà̧â̧ la nè basə bu babe la, ndɔ̀kè a vi ndɨ̀ŋkè ègwet ŋà mènkɔ̀ŋke abua Mbɔ̧ɔ̧mà, mbɔ̂ mbòꞋte bèbled bu ŋa abua bɔkatè bi nê bɔ ghàbte abua bòt bu.

Ntu̧ Ntsɔ̧̀ MAK 5:41

Tà baãaã àbu a waã wu nê, “Tàlità komì”, ngua shua nê “Waàvi tèchɨɨle, mâ laꞋnê lɔ̀Ꞌɔ a si!”

ÀfaꞋa 9:34

Pità shu abua tò nê, “Enìàs, mâ shu awê nê Yesò Klistò naa ghɨ̌ awê aa peme àfɨ̀Ꞌ yaa. È wu ale, lɔ̀Ꞌɔ a si nkààle a matà wê nɨŋ me ghǎ.” Mbɨ̀Ꞌɨ̀ tà shu ale la, ŋut bê ndɔ̀Ꞌ a si.

Jɔ̌n 11:33

ÀfɨꞋa Yesò ye atò ndɨ̀à la, mè ndzəâ ndɨ Bèjuê bu bɔ̂ tò ba e yaã nkɨ̀Ꞌɨ̂ nɔ̂ la, e dɨ̀a yɔb mɨ̧̌ la, a sɔ̀ɔ̀bè èntɨ̧ɨ̧ tò, tèsȩtsə te ku atò kwàꞋ ànyaꞋne.

Ntu̧ Ntsɔ̧̀ MAK 15:34

È me wu ane nyèm tetat, Yesò ŋȩ ane àtɔŋ nɨ̧ nê, “Èli, Èli, làma sàba tàni?” Ngua shua nê “Tǎt am Mbɔ̧ɔ̧mà, Tǎt am Mbɔ̧ɔ̧mà leꞋ, à ghɨ̀ na ka ngwàꞋ am à?”

Ntu̧ Ntsɔ̧̀ MAK 8:12

Yesò lâ ndèmè mbɔ̂ nê, “Ghǎ ghɨ̂ ka bòt laane e me kɨ ànəa kà ye fɨ̀Ꞌ à? ChaꞋ, tsiꞋ è shu awɨ̧ ane nkûŋ nê, è nka nyɨꞋte àlȩê ko abua bòt baa.”

ÀfaꞋa 9:40

Pità fəè bòt bàgème ntsaa àbȩ, mbɔ̂ ntem tènjûŋ ti a si ntsàꞋte a Mbɔ̧ɔ̧mà, mbɔ̂ ngèble avi è shu abua mpfəà wu nê, “Tàbità, lɔ̀Ꞌɔ a si.” Tà ghàꞋa àghɨ azi ndze Pità me lɔ̀Ꞌɔ a si.

Jɔ̌n 11:43

Mbɨ̀Ꞌɨ̀ Yesò tsàꞋte Mbɔ̧ɔ̧mà a èlɨ waa la, tà ŋȩ̂ ane àtɔŋ nɨ̧ nê, “Lazalɔ̀s, dzəa àbȩ!”

Ebùlù 4:15

Àtsəa bèntsìà mèpɨ̧̀ a Mbɔ̧ɔ̧mà yaa ntsě èwuu wòt wu betsiꞋa tà kà ko nkù tèsȩ ta ane mènəè mu bàa njùa adù̧ la. Ka, tà wu wòt bɔ li nkɨke atò ane balu̧ bàgème wuê mbɨ̀Ꞌɨ̀ bàa, ka tà kà ghɨa kàbɔ̀ŋ la.

Jɔ̌n 17:1

Mbɨ̀Ꞌɨ̀ Yesò làꞋà mèngà̧ maa la, tà lɔ̀kè àvi ndȩ̀ ègwet nê: “Tê, àfɨ̀Ꞌ yu a kuêꞋ, ghɨa bòt è ye ènɨ̧ Waã wè, mbɨ̀Ꞌɨ̀ Waã wè naa ghɨ̌ bòt aa ye ènɨ̧ wê mɨ̧̂.

Jɔ̌n 11:38

Tèsȩtsə te mè nku a Yesò kwàꞋ ànyaꞋne tè tà gha àtsəasì yu. Àtsəasì yu li ngu mbəèꞋ bɔ bɨŋe èti nɔ̀ŋe a ètsəê la.

Jɔ̌n 11:35

Yesò dɨ̀.

Lûk 19:41

Mbɨ̀Ꞌɨ̀ Yesò kɨꞋɨ tê me dzə àpfəèà nɨ̧ a Jèlusalèm la, tà lɔ̀kè àvi ndzè àpfəa mbɔŋ, mbùù èdɨ̂ ambo bòt àpfəè və.

Lûk 18:42

Yesò shu abua tò nê, “Me ye èdziꞋ, èntɨ̧ɨ̧ wê wu à zi ane yaã la, e ghɨ̂ à pem.”

Lûk 7:14

Mbɔ̂ nkɔꞋɔ a mbì, mbà̧à̧te àkwàŋkè yu bɔ nɔ̀ŋa mpfəà wu a èbèm la, bòt bu bɔ ŋeꞋe mpfəà wu la bɔ tɨ̧̂. Yesò shu nê, “Waã kèsà, mâ shu awê nê, lɔꞋɔ a si.”

Ntu̧ Ntsɔ̧̀ MAK 1:41

Tèsȩte ŋut te nkua Yesò. Tà nyààbè àbu azi mbà̧à̧te atò, mbɔ̂ shu abua tò nê, “Oò maà nkɔ̀ŋkà, pem!”

Ntu̧ Ntsɔ̧̀ MAK 7:35

KwàꞋ àfɨꞋa mbɔŋ, ètû̧ mbê wu e ghaꞋà, èlɨ̧ tò e yàà, tà bùꞋ me làꞋa ntsɔ̧̀.