Ntu̧ Ntsɔ̧̀ MAK 7:23 - Mundani

²³ Èghɨ baa ègème aà ndzəèà nè èntɨ̧ɨ̧ wòt ka tsòka tò.”

Ntu̧ Ntsɔ̧̀ MAK 7:23 Referans Kwoze

Ntu̧ Ntsɔ̧̀ MAK 7:15

Àghɨa ko a ntsě àa ndzəèà nàbȩ̂ è nyi ane wòt ntsòka atò a mbì Mbɔ̧ɔ̧mà la. Àghɨa àa ndzəa ètsəê wòt la, ka àa ntsòke tò la.”

Tȩtɔ̀s 1:15

Wòt bɔ èntɨ̧ɨ̧ kefə, ko àghɨ àgème aa me fəə àghɨ atò. Ka è wu bòt bu kà mèntɨ̧ɨ̧ mɔb wua fəèa, bɔ̀ ka meè mbɨ̧̀ɨ̧̀ne mènəè Mbɔ̧ɔ̧mà la, ko àghɨa ko àà fəə abua yɔb la a ntsě. Bɔɔ̀ ndzìa nkwàꞋtà wuê mènəè kàbɔ̀ŋ, tè bɔ̀ ka tsi ngua nkòa nê, àghɨa ko wu ntsɔ̧̀ kò kàbɔ̀ŋ leꞋ.

1 Kɔlìn 3:17

Ale, wòt tsòkà lob Mbɔ̧ɔ̧mà ko Mbɔ̧ɔ̧mà naa li tsoke atò mɨ̧̂, nkàà nê lob Mbɔ̧ɔ̧mà wu abua tò zìambɔŋ, bɨ bɔ̂ ngu lob Mbɔ̧ɔ̧mà mbɔŋ.

Jûd 1:8

Eyaa wu ndɨ bènyɨꞋtà àfɨte bàà àa ngɨ̀à la. Bɔɔ shua nê, ndzò̧tsə tea shua wɔb mènəè, nɨa mbɨ̧te ènyit tɔb ngɨa kàbɔ̀ŋ, ntù̧a enyi a èten Mbɔ̧ɔ̧mà mè ndàꞋa kàbɔ̀ŋ adù̧ èghɨ bu a ègwet la.

Ntu̧ Ntsɔ̧̀ MAK 7:18

Yesò shu abua yɔb nê, “Bɨ̀a mbɔŋ e nyaã mbèle kà bɔ èyì mbɨ̀Ꞌɨ̀ bòt koê? Bɨ bakà ko nê àghɨ àa ndzəèà nàbȩ̂ nyia ètsəê wòt la, aà kà tsòka atò a mbì Mbɔ̧ɔ̧mà à?

Ntu̧ Ntsɔ̧̀ MAK 7:20

Tà nê, “Àghɨ àa ndzəa ètsəê wòt la, wu àghɨa àa ntsòkà tò e mbì Mbɔ̧ɔ̧mà la.

Ntu̧ Ntsɔ̧̀ MAK 7:22

mànjɨa àbȩ, nè èghoꞋ nè mènəè kàbɔ̀ŋ ègème la. NdàꞋà mèfà̧, ngɨ̀à èbɨꞋte mènəè, ngòꞋnà bòt, ntsòkà tèlente bòt tsa, ŋèꞋa tèkwȩtsə a ègwet, mè ngɨ̧̀ɨ̧̀nà la.

Ntu̧ Ntsɔ̧̀ MAK 7:24

Yesò lɔ̀Ꞌ abot nga àbâ àlaꞋ a Tȩê nè Sidɔ̀n, nyi a èbem lob kǒ, ka tà kà wua nkɨà nê wòt kǒ nê ye wu abàꞋ və. Ka tà kà wu eko lò̧ò̧te.