Ntu̧ Ntsɔ̧̀ MAK 7:21 - Mundani

²¹ Ngu nê àghɨa àa ndzəa nè èbem a èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màpaꞋte wòt kà bɔ̂ tò eyɔꞋ, nè ètsɔŋ, màmbuŋa wɔ̀bȩ̂,

Ntu̧ Ntsɔ̧̀ MAK 7:21 Referans Kwoze

Matìù 15:19

Ngu nê èghɨ àa ndzəa èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màmbuŋa wɔ̀bȩ̂, mànjɨa àbȩ, màpaꞋte wòt kà bɨ tò eyɔꞋ, màntsɔa, màndzia mèfà̧ àtsəa bòt, mè nè màntsoke èlen wòt.

ÀfaꞋa 8:22

È wu ale, kubte èntɨ̧ɨ̧ wê ane ànəa kàbɔ̀ŋ yaa à mɨ̀ɨ̀tè la, mè shù̧ù̧te a Mbɔ̧ɔ̧mà mbɨ̀Ꞌɨ̀ ateko tà wu waꞋa èwuu ànəê yaa à mɨ̀ɨ̀te a èntɨ̧ɨ̧ wê la.

Matìù 9:4

Yesò bê nko àghɨa bɔ mɨ̀ɨ̀tà la, mbììte awɔb nê, “Ghǎ ghɨ̀ ka bɨ me mɨ̀ɨ̀te kàbɔ̀ŋ a mèntɨ̧ɨ̧ mɨ̧ à?

Jimsì 2:4

Bɨ ghɨ̀ ale, ko aa wua nyɨ̀Ꞌta nê, bɨa mbà̧à̧ta bòt a kètsìà wɨ̧ ndȩ̀à mèsi, mè sàꞋa bòt ane èlɨ kàbɔ̀ŋ.

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Lûm 7:8

Kàbɔ̀ŋ e nɨ èlu̧ ane mbɨ̧, ndɔ̀ktè ènyit yaã ngɨ̀ e me kɨ me ghɨ̌ èbɨꞋte ènəê kàbɔ̀ŋ ègème. Mbɨ̧ nàa mbakà wuê kàbɔ̀ŋ kà bɔ mètàŋ.

ÀfaꞋa 5:4

Ka è lè wu yê ka aa fɨ̧̀ɨ̧̀ne à? Mbɨ̀Ꞌɨ̀ à fɨ̧̀ɨ̧̀nè tê ndɔ̀Ꞌ la, èkab mbɔŋ à nɨ la, wu èkab wê. Ale, àghɨ yu a ghɨ̂ ka à kwàꞋte a èntɨ̧ɨ̧ wê ngɨ̀ èwuu ànəê ya la wu ghà à? À kà laꞋà àfɨte abua wɔ̀bȩ̂, à laꞋa abua Mbɔ̧ɔ̧mà.”

Lûm 7:5

È li ngu afɨꞋa bàa ntsèka mbɨ̀Ꞌɨ̀ mbɨ̧te ènyit ta tèa nkɨà la, mbɨ̧ lɔ̀kte a kàbɔ̀ŋ wu a mbɨ̧̀ ènyit ya la, tè èghɨ bàa ngɨ̀à la e nɨ èvə nɨŋ nkɨ̀Ꞌɨ̂ adù̧ ya.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Ntu̧ Ntsɔ̧̀ MAK 7:20

Tà nê, “Àghɨ àa ndzəa ètsəê wòt la, wu àghɨa àa ntsòkà tò e mbì Mbɔ̧ɔ̧mà la.

Ntu̧ Ntsɔ̧̀ MAK 7:22

mànjɨa àbȩ, nè èghoꞋ nè mènəè kàbɔ̀ŋ ègème la. NdàꞋà mèfà̧, ngɨ̀à èbɨꞋte mènəè, ngòꞋnà bòt, ntsòkà tèlente bòt tsa, ŋèꞋa tèkwȩtsə a ègwet, mè ngɨ̧̀ɨ̧̀nà la.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.