Ntu̧ Ntsɔ̧̀ MAK 6:41 - Mundani

⁴¹ Yesò nɨ̀ tètaãaãte bled tu tetà̧â̧ la nè basə bu babe la, ndɔ̀kè a vi ndɨ̀ŋkè ègwet ŋà mènkɔ̀ŋke abua Mbɔ̧ɔ̧mà, mbɔ̂ mbòꞋte bèbled bu ŋa abua bɔkatè bi nê bɔ ghàbte abua bòt bu.

Ntu̧ Ntsɔ̧̀ MAK 6:41 Referans Kwoze

Matìù 14:19

Bɔ̀ nɨŋ bɔ̀ kɨꞋɨ, tà ghɨ̀ bòt bu e tsekte a si a ègwet mèfəèꞋ, tà nɨ̀ tètaãaãte bled tu tetà̧â̧ la nè basə bu babe la, ndɔ̀kè àvi ndɨ̀ŋkè ègwet ŋà mènkɔ̀ŋke abua Mbɔ̧ɔ̧mà, mbɔ̂ mbòꞋte bèbled bu ŋa abua bɔkatè bi, bɔ ghàbte abua bòt bu.

Ntu̧ Ntsɔ̧̀ MAK 7:34

Yesò ghɨ̀ ale, mbɔ̂ ndɨ̀ŋkè ègwet, ntsà̧ vi ane ètɨ̧̂ shu abua mbê wu nê, “Èfatà”, ngua shua nê, “GhaꞋa!”

Lûk 24:30

Bɔ lɔ̀Ꞌ tê bɔ̀ tseke a si Yesò nɨ a bled ŋà mènkɔ̀ŋke abua Mbɔ̧ɔ̧mà, mbɔ̂ mbòꞋtê ŋa abua yɔb,

Lûk 9:16

Yesò nɨ̀ tètaãaãte bled tu tetà̧â̧ la nè basə bu babe la, ndɔ̀kè àvi ndɨ̀ŋkè ègwet ŋà mènkɔ̀ŋke abua Mbɔ̧ɔ̧mà, mbɔ̂ mbòꞋte bèbled bu ŋa abua bɔkatè bi, nê bɔ ghàbte abua bòt bu.

1 Kɔlìn 10:31

Ale, ghàa ghàa wòt nàa ngɨ̀à la, kò wu àghɨa tà jɨa la, kò àyea tà nua la leꞋ, tà me ghɨ̀ àghɨa bòt àa ye me kukta Mbɔ̧ɔ̧mà la.

Jɔ̌n 17:1

Mbɨ̀Ꞌɨ̀ Yesò làꞋà mèngà̧ maa la, tà lɔ̀kè àvi ndȩ̀ ègwet nê: “Tê, àfɨ̀Ꞌ yu a kuêꞋ, ghɨa bòt è ye ènɨ̧ Waã wè, mbɨ̀Ꞌɨ̀ Waã wè naa ghɨ̌ bòt aa ye ènɨ̧ wê mɨ̧̂.

Jɔ̌n 11:41

Ale, bɔ bɨŋè èti lu ntsì, Yesò lɔ̀ke àvi ndȩ̀ ègwet nê, “Tê, mâ taꞋa kɔ̀ŋke ndɨ̀ wu à yute èngǎ̧ am la.

Ntu̧ Ntsɔ̧̀ MAK 14:22

Mbɨ̀Ꞌɨ̀ bɔ̀ɔ njɨ̀a èghɨjɨ bu la, Yesò nɨ̀a bled, ŋà mènkɔ̀ŋke abua Mbɔ̧ɔ̧mà, mboꞋ, ŋǎ abua bɔkatè bi nê, “Bɨ̀ nɨŋ, eyaa wu mbɨ̧̀ ènyit yaã.”

Kɔ̀losìà 3:17

Bɨ̀ me ghɨ̌ àghɨ àgème, mè ndàꞋà ànəê àgème wuê ane èlen Yesò Lefɨ̀Ꞌ, mbɨ̀Ꞌɨ̀ bɨ̀a ntsea ane tò ŋǎ mènkɔ̀ŋke abua Tǎt wa Mbɔ̧ɔ̧mà la.

Lûm 14:6

Wòt tàa nɔ̀ŋà àlia ko mbɨ̀Ꞌɨ̀ àlia nɨ̧ la wua nɔ̀ŋà nkùkta Lefɨ̀Ꞌ. Wòt tàa njɨ̀a àghɨ kà wòt tsa wua njɨ̀a la mè ngua njɨ̀a nkùkta Lefɨ̀Ꞌ, ndɨ̀ wu tà kɔ̀ŋka Mbɔ̧ɔ̧mà adù̧ la. Wòt tà meè ntu̧u̧ e jɨ àghɨ la, wua ntù̧a nkùkta Lefɨ̀Ꞌ, mè nkɔ̀ŋkà Mbɔ̧ɔ̧mà adù̧.

Jɔ̌n 6:23

Bɔ bele abot, ènkànuꞋ ko e bê ndɔꞋɔ àbâ àlaꞋ a Tìbelìàs, nkɨ̀Ꞌɨ̂ a ngèt adzìꞋ yu bɔɔ̀ jɨ̀a bled wu Yesò nàà ŋà mènkɔ̀ŋke adù̧ la.

Jɔ̌n 6:11

Yesò nɨ̀ tètaãaãte bled tu, ŋà mènkɔ̀ke abua Mbɔ̧ɔ̧mà, mbɔ̂ ngàbtè abua bòt bu bɔ tseke a si la. Tà ghɨ̀ ale, mè nɨ basə bu ngɨ̀ wuê a èlɨ mbɔŋ, tè wòt ègème jɨ mbɨ̀Ꞌɨ̀ ye kɔ̀ŋke la.

Matìù 26:26

Mbɨ̀Ꞌɨ̀ bɔ̀ɔ njɨ̀a èghɨjɨ la, Yesò nɨ kètaã bled ŋà mènkɔ̀ŋke abua Mbɔ̧ɔ̧mà, mbɔ̂ mboꞋ ŋǎ abua bɔkatè bi nê, “Eyaa wu mbɨ̧̀ ènyit yaã, bɨ̀ nɨŋ nkwet.”

Matìù 15:36

tà nɨ̀ tètaãaãte bled tu tesà̧à̧mbe la, nè basə bu, ŋà mènkɔ̀ŋke abua Mbɔ̧ɔ̧mà mbɔ̂ mbòꞋte ŋǎ abua bɔkatè bi, bɔ ghàbte abua ènɔ̧̂ bòt bu.

ÀfaꞋa 27:35

Mbɨ̀Ꞌɨ̀ Pɔ̂l è làꞋa èngà̧ waa la, tà nɨ a bled kǒ, ŋà mènkɔ̀ŋke abua Mbɔ̧ɔ̧mà a mbì lɔb bàgème, mbɔ̂ mboꞋ, mbùꞋ me kwele.

Ntu̧ Ntsɔ̧̀ MAK 6:40

Ale, bɔ tseke a si ane ènkɨ̀ ènkɨ̀ nè èghem yetà̧â̧ yetà̧â̧ ane ndzɔ̀ŋ.

Ntu̧ Ntsɔ̧̀ MAK 6:42

Wòt ègème jɨ ndzet.

Ntu̧ Ntsɔ̧̀ MAK 8:19

àfɨ̀Ꞌ yu e ndi mbòꞋte tetaãaãte bled tu tetà̧â̧ ŋǎ abua bòt bètɔsì batà̧â̧ la à? Bɨ li fete bankì basòꞋa? Bɔ tsɔꞋ nê “Èghem ntsɔ̀b babe.”