Ntu̧ Ntsɔ̧̀ MAK 5:23 - Mundani

²³ me dɨ̀a shua abua tò nê, “Waã am, waàvi tèchɨɨle nàà ngò̧ò̧nà ànyaꞋne tè ntsìꞋa nkɨ epfə. Lefɨ̀Ꞌ, kɨꞋɨ a lob yaã nɔ̀ŋè èbu bê adù̧ tò mbɨ̀Ꞌɨ̀ taa peme!”

Ntu̧ Ntsɔ̧̀ MAK 5:23 Referans Kwoze

Lûk 13:13

Yesò ghɨ̀ ale, nɔ̀ŋè àbu azi àtsə atò, kɔ̧̀ tò yu bê ndɔ̀Ꞌ tè àvi wu tɨ̧ɨ̧ ndɨŋndɨ̀ŋ, mbɔ̂ ngùꞋtè a Mbɔ̧ɔ̧mà.

Lûk 4:40

Nyèm me fene, bòt bàgème bɔ bɔ bèshu̧ bɔ̀ɔ ngò̧ò̧nà èghɔ̧ nèmbuꞋ la, bɔ nɨ awɔb nkɨ̀Ꞌɨ̂ abua Yesò. Yesò nɔ̀ŋè àbu azi àtsə wòt ègème tà pem.

Ntu̧ Ntsɔ̧̀ MAK 16:18

Wòt ane yɔb baãaã wuê nyà̧kàbɔ̀ŋ kò nù wuê èghɨbə kàbɔ̀ŋ leꞋ, àghɨ à ka ghɨa tò. Wòt bɨ̧̀ɨ̧̀ne èngǎ̧ am, nɔ̀ŋè èbu bi adù̧ wòt tàa ngò̧ò̧nà la, ko ŋut naa peme.”

ÀfaꞋa 28:8

Tǎt Publiɔ̀s wu ko nê ye wu a ègwet èku̧ ngò̧ò̧nà sɔ̧̀ɔ̧̀nà nè tèlɨ̀btsə. Pɔ̂l è ghà a èbem àtsəalob tò, ntsàꞋte a Mbɔ̧ɔ̧mà, nɔ̀ŋè èbu bi adù̧ tò, mbə atò.

Lûk 4:38

Yesò sà lob Mbɔ̧ɔ̧mà yu ngà a lob Simùn. Me kɨꞋɨ nyɨ̌ vi Simùn, wua ngò̧ò̧nà sɔ̧̀ɔ̧̀nà kèkweelè. Bɔ shu ànəa àghɔ̧ ngaa abua Yesò.

Ntu̧ Ntsɔ̧̀ MAK 8:23

Yesò baãaã wòt àghɨ àleme wu ane àbu atò nɨŋ ndzəè a èbem àpfəè və. Yesò dzəè ale, tà tsəè mat ane àghɨ a mbê wu, nɔ̀ŋè èbu bi ane tò, mbɔ̂ mbììte atò nê, “Tè à ye èdziꞋ?”

Ntu̧ Ntsɔ̧̀ MAK 7:32

Tà ghǎ abot ale, bɔ nɨ wòt kǒ ètû̧ tò e lem, tà kà meè ngua nkoà ndàꞋà la, nkɨ̀Ꞌɨ̂ shù̧ù̧te a Yesò nê tà nɔ̀ŋè èbu bi adù̧ ŋut mbəâ atò.

Lûk 7:12

Bɔ kɨꞋɨ tê bɔ̀ wu àtsəkaã, bɔ bù̧ ndzɔ̀ŋ bɔbȩ è ŋeꞋe a mpfəà la. Mpfəà wu wu ndàꞋ wambâ̧ nempfə kǒ, taꞋa ndzɔ̀ŋ bɔbȩ wu alu̧ bɔ̂ tò ba bɔ dzə a èbem àpfəèà nɨ̧ yu la.

Ntu̧ Ntsɔ̧̀ MAK 6:13

Bɔ li ntaꞋa fə fote kàbɔ̀ŋ ane bòt, mè ndzɔ̀Ꞌɔ mèwet ane èbeko ngò̧ò̧nà la mbɔ̂ mbəè àwɔb.

Matìù 8:3

Yesò nyààbè àbu azi mbà̧à̧te atò nê, “Oo maà nkɔ̀ŋkà, pem.” KwàꞋ àfɨꞋa mbɔŋ, tà bê mpem ane àghɔ̧atsɔꞋɔ yu.

ÀfaꞋa 9:17

Mbɨ̀Ꞌɨ̀ tà shu ale la, Ànàniàs è gha a lob və, ndze a Sɔ̂l, nɔ̀ŋè èbu bi àtsə atò. Mbɔ̂ shu nê, “Wanɔ̧ Sɔ̂l, Yesò Lefɨ̀Ꞌ wu tà lè saꞋa a mbì lê a alu̧ mbɨ̀Ꞌɨ̀ à lè wua nkɨ̀Ꞌa abàꞋ ŋaa la è tsàà am. Tà tsàà am mbɨ̀Ꞌɨ̀ aa mě me ye edziꞋ, Fo Kèfə naa mě nyi a èntɨ̧ɨ̧ wê.”

ÀfaꞋa 6:6

Bɔ làa ale nkɔ̀ke àwɔb a mbì bɔntu̧ bu, bɔ nɔ̀ŋè èbu bɔb adù̧ yɔb, ntsàꞋte a Mbɔ̧ɔ̧mà àtsə ayɔb.

Jɔ̌n 11:3

Màlià bɔ̂ Màta e tsàà ntu̧ abua Yesò nê, “Tê, wòt wê wu à taꞋa wua nkɔ̀ŋkà la, nàà ngò̧ò̧nà.”

Ntu̧ Ntsɔ̧̀ MAK 5:24

Yesò zə ale, ndɔ̀Ꞌ a si bɔ̂ tò e me ghǎ. Mbɨ̀Ꞌɨ̀ bɔ̀ɔ ngà la, ènɔ̧̂ bòt a me nkùŋe atò ŋweela atò a èba èbà.

ÀfaꞋa 8:17

Pità bɔ̂ Jɔ̌n e nɔ̀ŋè èbu bɔb àtsəa bèŋût, àfɨꞋa mbɔŋ Fo Kèfə nyi a mèntɨ̧ɨ̧ mɔb.

ÀfaꞋa 9:12

Tà ye àtsə, wòt kǒ èlen tò wu Ànàniàs la kɨꞋɨ̀ nɔ̀ŋè èbu bi àtsə atò mbɨ̀Ꞌɨ̀ e ghɨ̌ taa mě me ye èdziꞋ.”