Ntu̧ Ntsɔ̧̀ MAK 4:8 - Mundani

⁸ Ka è weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le, me nkwèꞋne tè nkɔ̀ɔ̀la tètaã èghem yetat, èghem yentùa, nè ènkɨ̀.”

Ntu̧ Ntsɔ̧̀ MAK 4:8 Referans Kwoze

Jɔ̌n 15:5

“E ngu àyɨt vȩn, bɨ wu mèntaãaã. Wòt tà wu àghɨ yeamɔꞋ nè nà̧, e mè ngu àghɨ yeamɔꞋ nè tò la, wu mbɨ̀Ꞌɨ̀ èntaãaã àyɨt àa nkɔ̀ɔ̀la ntsɔ̧̀ la. Tà bakà wu nè nà̧ tà kà koê ngɨ̀ àghɨ.

Kɔ̀losìà 1:6

Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.

Ntu̧ Ntsɔ̧̀ MAK 4:20

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu e nyi àtsəa yɔb bɔ me ghɨ̀ àghɨa e shua la, tè bɔ tsiꞋi mbɨ̀Ꞌɨ̀ èsaãaãme wu e kɔɔle tetaã èghem yetat, weko èghem yentùa nè weko ènkɨ̀ la.

ÀfaꞋa 17:11

Bèjuê bu adzìꞋ yaa la e li ngu bòt bɔ̀ɔ nkɨ eyute èngǎ̧ Mbɔ̧ɔ̧mà la, tè ntsè bòt Tèsàlonikà. Bɔ̀ɔ ngɨ̀, bɔ me nèèta njùta èngǎ̧ Mbɔ̧ɔ̧mà wu, tè è ghɨ̀ è wu àli àgème, bɔ me ghaꞋte èdziꞋ èkatè Mbɔ̧ɔ̧mà ndɨ̀ŋkà nê tè èngǎ̧ wu Pɔ̂l è làꞋa la lâ ngu nkûŋ leꞋ.

Matìù 13:8

Ka è weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le, è weko tètaã ènkɨ̀, è weko èghem yentùa, è weko èghem yetat.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Jɔ̌n 7:17

Wòt tàa nkɨ e ghɨ̀ àghɨa Mbɔ̧ɔ̧mà nàa nkɨà la, wu tòà ka tàa ko nê èghɨ bàa e nyɨꞋtà la e dzəa abua Mbɔ̧ɔ̧mà ko abua am leꞋ la.

Lûk 8:15

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”

Lûk 8:8

È weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le tètaã ènkɨ̀ ènkɨ̀.” Yesò làꞋ ale ndìà nê, “Wòt bɔ ètû̧, tà yute èngà̧ waa.”

Matìù 13:23

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu e nyi àtsəa yɔb bɔ me ghɨ̀ àghɨa e shua la tè ntsìꞋi mbɨ̀Ꞌɨ̀ èsaãaãme wu e kɔɔle tètaã ènkɨ̀, è weko èghem yentùa nè weko èghem yetat la.

Ntu̧ Ntsɔ̧̀ MAK 4:7

È weko e kwente a èbèm àdzɔ̧, a kɔꞋ nɨŋ tè è ka kɔɔle tètaãaãtsə.

Ntu̧ Ntsɔ̧̀ MAK 4:9

Yesò me lìà nê, “Wòt bɔ̌ ètû̧, tà yùte èngà̧ waa.”

Efesɔ̀s 2:21

Wu Yesò waa ka tà ghɨ̂ lob ngaa fete nènkèm ntɨ̧̀ɨ̧, ngɨ̀ è me kwèꞋnè tê ntsìꞋi lob kèfə Mbɔ̧ɔ̧mà bɔ nɔ̀ŋè wuê abua tò la.