Ntu̧ Ntsɔ̧̀ MAK 2:17 - Mundani

¹⁷ Yesò zə ale, mbɨ̀ɨ̀lè nê, “Bòt kekweelè aà kà kɨ ngàŋ. Bèngɔ̧̀ ka bɔ̀ɔ nkɨà ngàŋ la. È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨꞋa etɔ bòt kàbɔ̀ŋ.”

Ntu̧ Ntsɔ̧̀ MAK 2:17 Referans Kwoze

Lûk 15:7

Ale, kwàꞋ ane nkûŋ tsiꞋ è shu awɨ̧ nê wu wuê èlɨ mèngùꞋte nàa wu a ègwet ane wòt kàbɔ̀ŋ wemɔ̀Ꞌ tà kubte èntɨ̧ɨ̧ vi, ngwàꞋà mènəè kàbɔ̀ŋ mi la, tè ntsè me nàa ane bòt èghem yebəèꞋa ntsɔ̀b babəèꞋa bɔ̀ wu bòt ntsɔ̧̀ kà tsi mbɔ̌ ndɨ bɔ̀ɔ kubte mèntɨ̧ɨ̧ mɔb la.”

Lûk 19:10

Aa ale nkàà nê, Waã Wòt kɨꞋa ekɨ bòt bu bɔ nyɔ la, etsì àwɔb a èbem kàbɔ̀ŋ wɔb.”

Jɔ̌n 9:40

Bèfalèsiì ko be wu a ngèt tò la e zə mbììte atò nê, “Àghɨ a ya a lem mɨ̧̂?”

Lûk 15:10

Yesò ghɨ̀ ale, mè nê, “E ngu a si è shu awɨ̧ nê, ndɨ àvi wàa le lɔ̂Ꞌ ngùꞋtè àvi la, wu wuê èlɨ mbɔŋ bɔntu̧ Mbɔ̧ɔ̧mà àa ngùꞋtà àwɔb ane wòt kàbɔ̀ŋ wemɔ̀Ꞌ tà kubtè èntɨ̧ɨ̧ vi èsà mènəè kàbɔ̀ŋ mi la.”

Lûk 15:29

Tà shu abua tǎt vi nê, ‘Ye, mâ faꞋa abua yê ane mèngùꞋ maa ègème kà tu̧ àghɨa à shu nê è ngɨ̀à la. Ka à te bakà ŋa mbɔ̀ŋè wadzə maa nɨ wùꞋte am bâ bèshu̧ bɔ̧.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Matìù 18:10

“Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

ÀfaꞋa 26:20

E ndi mbɨ̀ ndàꞋ èngǎ̧ Yesò a Dàmaskɔ̀s, me tsɔꞋɔ ndaꞋa a Jèlusalèm, mè ndaꞋa àlaꞋ a Bèjuê àgème, ka mbɔ̂ ndaꞋa abua bòt kà wu Bèjuê. E ndi ngua ndaꞋa shua nê, bɔ̀ ghɨ̀ mènəè mu è nyɨꞋtè nê, bɔ waꞋa mènəè kàbɔ̀ŋ mɔb la, mbɨ̀Ꞌɨ̀ etsiꞋi bòt bɔ̀ɔ nkuŋa a Mbɔ̧ɔ̧mà la.

Jɔ̌n 9:34

Bɔ shu abua tò nê, “Bɔ li mbia wê kwàꞋ a èbem mènəè kàbɔ̀ŋ, ngule si àghɨ yu à ko te enyɨꞋte awa la wu ghà à?” Bɔ ghɨ̀ ale mbɔ̂ ntsi atò ayɔɔ bòt lob Mbɔ̧ɔ̧mà.