Ntu̧ Ntsɔ̧̀ MAK 2:16 - Mundani

¹⁶ BènyɨꞋtà mbɨ̧te Musì ko è wu Bèfalèsiì la e ye ndɨ tà fɔta èghɨjɨ bɔ̂ bènɨa èkab taksì nè bòt kàbɔ̀ŋ la, mbììtè bɔkatè Yesò bu nê, “Tà ghɨ̀ na ka me fɔte èghɨjɨ bɔ̂ èwuu bòt ba à?”

Ntu̧ Ntsɔ̧̀ MAK 2:16 Referans Kwoze

Lûk 19:10

Aa ale nkàà nê, Waã Wòt kɨꞋa ekɨ bòt bu bɔ nyɔ la, etsì àwɔb a èbem kàbɔ̀ŋ wɔb.”

Lûk 18:11

Wòt Falèsiì wu lɔ̀Ꞌɔ a si ntɨ̧ɨ̧ a mbì ntsàꞋtè a èntɨ̧ɨ̧ vi nê, ‘Tǎt wa Mbɔ̧ɔ̧mà leꞋ, mâ taꞋa kɔ̀ŋkè àwê na màa ka ghɨ èghoꞋ, mènəè mɔ̧ ka toŋke mbɨ̀Ꞌɨ̀ me bòt ko, è nka mèe ngua njɨ̀a àbȩ la. Mâ kɔ̀ŋkè àwê na à ghɨ̂ è nka wu mbɨ̀Ꞌɨ̀ fetà èkab taksì via la.

1 Kɔlìn 2:15

Wòt tà bɔ Fo Mbɔ̧ɔ̧mà la nàà mbàŋà mènəè ègème, ka wɔ̀bȩ̂ kà wuê tàa bàŋa tò la.

ÀfaꞋa 23:9

Àŋȩte yu a me kɔꞋɔ ngà wuê nè ègwet, tè bènyɨꞋtà mbɨ̧te Musì ko bɔ̀ le wu akwene Bèfalèsiì bu la, e lɔ̀Ꞌɔ a si me ŋȩa ntù̧a àyɔb mɨ̧̂, shua nê, “Ba bakà ye ànəa kàbɔ̀ŋ ako mbê waa è ghɨ̀ la. Ateko wantu̧ Mbɔ̧ɔ̧mà kǒ, kò wuê fo kǒ leꞋ, è làꞋa abua tò ane nkûŋ.”

Lûk 19:7

Bòt bu bàgème bɔ wu abot la, bɔ bùꞋ me lèmte shùa nê, “Tà gha eli a lob wòt mènəè kàbɔ̀ŋ?”

Ebùlù 12:3

Bɨ̀ ye ànəa a li ndze atò la. Bòt kàbɔ̀ŋ e li ngɨ̧ɨ̧ne atò, ka tà bɔ̂ nkùùle wuê èntɨ̧ɨ̧ vi. È wu ale, bɨ̀ambɔŋ è ka nkaã ntsì mèntɨ̧ɨ̧ mɨ̧ ane Mbɔ̧ɔ̧mà.

Ntu̧ Ntsɔ̧̀ MAK 2:7

“Mbê waa ghɨ̀ na ka me làꞋa anè à? Tàa fɨ̀Ꞌnà àvi ane Mbɔ̧ɔ̧mà! Wàa tsa nàa ngwàꞋa kàbɔ̀ŋ ka nè Mbɔ̧ɔ̧mà à?”

Matìù 18:17

Bɨ làꞋ ale tà bakà mè mbɨ̧̀ɨ̧̀ne, bɨ ghà shu ànəa àgème abua chɔsì, tà bakà mè njùte ànəa chɔsì è shu abua tò la, bɨ tsì àwɨ̧ ane tò mbɨ̀Ꞌɨ̀ bɨ̀a ntsìà ane wòt tàa nɨa èkab taksì nè wòt kà ko a Mbɔ̧ɔ̧mà la.

Matìù 9:11

Mbɨ̀Ꞌɨ̀ Bèfalèsiì e ye ndɨ tà jɨa èghɨjɨ bɔ̂ bòt baa la, bɔ biitè bɔkatè tò nê, “NyɨꞋtà wɨ̧ è ghɨ̀ na ka me jɨ bɔ̂ bòt bɔ̀ɔ nɨa mèkab taksì la, nè bòt kàbɔ̀ŋ ko à?”

Matìù 5:46

Bɨ me kɔ̀ŋkè wuê bòt bu bɔ̀ɔ nkɔ̀ŋkà àwɨ̧ la, ko àbȩ̀ yɨ̧ wu ghà à? Ka wuê bòt bu bɔ̀ɔ nɨ̀a èkab taksì la a ngɨ̀à wuê a èlɨ mbɔŋ à?

Ntu̧ Ntsɔ̧̀ MAK 2:15

Mbɨ̀Ꞌɨ̀ Yesò tsekè me jɨ èghɨ a lob Levì la, bòt nyaŋ bɔ̀ɔ nɨ̀a èkab taksì la nè bòt kàbɔ̀ŋ e tsekè a si bɔ̂ Yesò ba nè bɔkatè tò me jɨ èghɨjɨ. A li ngu anè nkàà nê èwuu bòt bàa e li ntàꞋa wua nkuŋa tò.

Lûk 5:30

Bèfalèsiì nè bènyɨꞋtà mbɨ̧te Musì bɔb e biite bɔkatè Yesò nê, “Ghǎ ghɨ̂ ka bɨ me jɨ mè nua bɨ bènɨa èkab taksì nè bòt kàbɔ̀ŋ à?”