Ntu̧ Ntsɔ̧̀ MAK 2:12 - Mundani

¹² Ŋut bê ndɔ̀Ꞌ a si ŋèꞋe àkwàŋkè zi yu me ghà àbȩ a mbì lɔb bàgème. A tsè ènɔ̧̂ bòt bu, bɔ tsiꞋi me wùꞋte a Mbɔ̧ɔ̧mà shua nê, “Ba te bakà ye ànəê àko anè!”

Gade chapit la Kopi

« Previous

tounen moute ⬆

Matìù 9:33

Mbɨ̀Ꞌɨ̀ tà fəè fo kàbɔ̀ŋ yu la, mbûꞋ yu bùꞋ me làꞋa. Ànəa mbɔŋ a ntsè wòt ègème. Bɔ tsiꞋi me shu nê, “Ba te bakà ye èwuu ànəê yaa a Izəèlȩê.”

Gade chapit la

Matìù 9:8

Mbɨ̀Ꞌɨ̀ ènɔ̧̂ bòt bu e ye ale la, kèbɔɔ ke baãaã wɔb, bɔ tsiꞋi me wùꞋte a Mbɔ̧ɔ̧mà wu tà ŋa èwuu àtɔŋ yàa abua wɔ̀bȩ̂ la.

Gade chapit la

Lûk 7:16

Kèbɔɔ ke baãaã awɔb bàgème, bɔ kɔ̧ ngùꞋtè a Mbɔ̧ɔ̧mà nê, “TaꞋà ndàꞋàtɔŋ Mbɔ̧ɔ̧mà è saꞋa a kètsìà wa. Mbɔ̧ɔ̧mà è kɨꞋɨ̀ etɨŋe bòt bi.”

Gade chapit la

Bòt èsaꞋa bu e shu awɔb nê, bɔ mè ndàꞋ ànəê ane ànəa Yesò, ko aa bɨɨ abà yɔb. Mbɨ̀Ꞌɨ̀ bɔ ŋȩte awɔb ale la, bɔ bɔ̂ sà àwɔb bɔ me ghǎ. Bɔ ghɨ̀ ale, bɔ̀ ka ye èlu̧ bɔ̀ɔ ŋa awɔb ngoꞋ la, ngu ndɨ wu waa waa nàa ngùꞋtà a Mbɔ̧ɔ̧mà ane ànəa a ghɨ̀ la.

Gade chapit la

Jɔ̌n 9:32

Mbɨ̀Ꞌɨ̀ ngɔ̀ŋ li ndɔ̀Ꞌ mbùꞋ la bɔ te bakà zə nê wòt kǒ ghaꞋa àghɨ a wòt bɔ me bia tò a lem la.

Gade chapit la

Jɔ̌n 7:31

Ka bòt nyaŋ ayɔɔ ènɔ̧̂ bòt bu e ghɨ̀ ale ndzì mèntɨ̧ɨ̧ mɔb ane tò tè me làꞋa shua nê, “Tè Fɔ̧̀ wu Mbɔ̧ɔ̧mà li ndzɔꞋ etsàà la naa li kɨꞋɨ e ghɨ̀ tèwuute ènəê kà ye fɨ̀Ꞌ te tsè è taa mbê waa ghɨ̀ la à?”

Gade chapit la

Lûk 17:15

Wòt kǒ ane yɔb ye ndɨ ye peme la, ngèble avi mbùꞋ me ŋȩa ngùꞋtè a Mbɔ̧ɔ̧mà.

Gade chapit la

Lûk 13:13

Yesò ghɨ̀ ale, nɔ̀ŋè àbu azi àtsə atò, kɔ̧̀ tò yu bê ndɔ̀Ꞌ tè àvi wu tɨ̧ɨ̧ ndɨŋndɨ̀ŋ, mbɔ̂ ngùꞋtè a Mbɔ̧ɔ̧mà.

Gade chapit la

Lûk 5:26

A tsè àwɔb bàgème, kèbɔɔ ke baãaã awɔb, bɔ tsiꞋi me wùꞋte a Mbɔ̧ɔ̧mà shua nê, “Baa ye nkɨ̀Ꞌnè ènəê laane.”

Gade chapit la

Ntu̧ Ntsɔ̧̀ MAK 1:27

Ànəa ngaa a bê ntsè bòt bu abot la tè bɔ bùꞋ ntsiꞋa mbììta a kètsìà wɔb nê, “Eyaa wu ghà à? Wu àghɨa fi tà nyɨ̀Ꞌta la à? Mbê waa e bɔ àtɔŋ tè tàa ngɨ̀ tà shu ànəê abua fote kàbɔ̀ŋ, te bê ngɨ̀ wuê mbɨ̀Ꞌɨ̀ tà shu la!”

Gade chapit la

Matìù 15:31

Ènɔ̧̂ bòt bu e ye ndɨ mbûꞋtsə te ntsiꞋa ndàꞋà, bòt bɔ̀ɔ ŋɔ̧ɔ̧ma a si la e lɔ̀Ꞌtè tsìꞋa ngȩ̀ȩ̀nà àtetsi, èka bòt e li ŋɔꞋte la, e tsiꞋi tɨ̧ɨ̧ ndɨŋndɨ̀ŋ, mè ndze ndɨ àghɨ a bòt àghɨ àleme, a ghaꞋtè la ànəa mbɔŋ a bê ntsè àwɔb, bɔ tsiꞋi me ŋa mèngùꞋte abua Mbɔ̧ɔ̧mà bòt Izəèlȩê.

Gade chapit la