Bib sou entènèt

Paj dakèy
Bib sou entènèt
Ntu̧ Ntsɔ̧̀ MAK 16:16

Ntu̧ Ntsɔ̧̀ MAK 16:16 - Mundani

¹⁶ Wòt ègème tà bɨ̧ɨ̧ne Ntu̧ mbɔŋ tè bɔ zì atò a èdzî la, naa bɔ mèmpème. È wu wòt kà bɨ̧̀ɨ̧̀ne, ko aa li ebɨɨ a ŋut.

Gade chapit la Kopi

tounen moute ⬆

Ntu̧ Ntsɔ̧̀ MAK 16:16
36 Referans Kwoze

Jɔ̌n 3:36

Wòt tà zǐ èntɨ̧ɨ̧ vi ane Waã Mbɔ̧ɔ̧mà la è bɔ mèmpème kàlìà, è we tà tu̧ ezǐ èntɨ̧ɨ̧ vi ane tò la ka wu li ebɔ mèmpème, mbɔ̂ ntsǒ Mbɔ̧ɔ̧mà kà wu li elìa, è bele àtsəa tò è nɔ̀ŋkè la.

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Jɔ̌n 8:24

Eyaa wu lə yu mâ yaã shu abua yɨ̧ nê, bɨa pfə ne mènəè kàbɔ̀ŋ mɨ̧ la. Bɨa pfə ne mènəè kàbɔ̀ŋ mɨ̧, na bɨ bakà bɨ̧ɨ̧ne laꞋnê, e ngu wòt è ngu wùà la.”

Jɔ̌n 6:29

Yesò bɨ̀ɨ̀lè nê, “Àghɨa Mbɔ̧ɔ̧mà nàa nkɨà nê bɨ̀ me ghɨ la wu nê, bɨ̀ zì mèntɨ̧ɨ̧ mɨ̧ ane wòt wu ye tsàà la.”

Jɔ̌n 3:5

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà mè mbǐ wòt ane mèleb, Fo Mbɔ̧ɔ̧mà naa mě bi atò, tà kà nyi a kèfɔ̧̀ Mbɔ̧ɔ̧mà.

ÀfaꞋa 10:43

BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Ètsə 20:15

Bɔ nɨ a waa waa èlen tò è le kaꞋa wu a èbem àkata mèmpème yu la, maꞋa a èbem èlemè wu nkòòla la.

Jɔ̌n 6:35

Yesò shu abua yɔb nê, “E ngu èghɨjɨ bu àa ngɨ̀a bòt e bɔ mèmpème la. Wòt tà kɨꞋɨ̀ ndzì èntɨ̧ɨ̧ vi ane yaã la, ndzìtsə tè ka li tsi eku atò a, àtɔŋ tò à ka tsi ndɔ̀Ꞌ àlia nju̧.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

Ntu̧ Ntsɔ̧̀ MAK 1:15

shua nê “Ngule àfɨ̀Ꞌ yu a kùꞋ. Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧. Bɨ̀ waꞋa mènəè kàbɔ̀ŋ mɨ̧, mbɨ̧̀ɨ̧̀ne Ntu̧ Ntsɔ̧̀.”

ÀfaꞋa 22:16

È wu ale, à ka tsi ntsòkè àfɨ̀Ꞌ. Lɔ̀Ꞌɔ a si bɔ zì àwê a èdzî, tà waꞋa a kàbɔ̀ŋ wê mbɨ̀Ꞌɨ̀ àa ntsàꞋtà atò la.’ ”

Jɔ̌n 6:40

Àghɨa Tǎt am nàa nkɨà la wu nê, wòt ègème tà ye Waã vi ndzì èntɨ̧ɨ̧ vi ane tò la, naa li ebɔ mèmpème kàlìà, e mè ngu e ghɨ̌ ŋut naa yu̧u̧me àlia ngɔ̀ŋ nàa lìà la.”

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

ÀfaꞋa 2:41

Tà làꞋa èngǎ̧ mbɔŋ ale, bòt nyaŋ abot və e bɨ̧ɨ̧nè tè bɔ zì àwɔb a èdzî. Bòt mbɔ̀ŋè bètɔsì batat e nkwèꞋnè ane bòt Yesò bu ane àlia ngaa.

Lûk 8:12

Èsaãaãme wu e kwente alu̧ la, wu mbɨ̀Ꞌɨ̀ bòt bu bɔ̀ɔ ngɨ̀ bɔ̀ zə èngǎ̧ Mbɔ̧ɔ̧mà, Satàn wòt kàbɔ̀ŋ kɨ̀Ꞌɨ̂ ntsì wùà a mèntɨ̧ɨ̧ mɔb mbɨ̀Ꞌɨ̀ bɔ bɨ̧ɨ̧nè èngǎ̧ mbɔŋ Mbɔ̧ɔ̧mà ghɨ̀ bɔ pem la.

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

ÀfaꞋa 13:39

Bɨ ko nê, waa waa tà zǐ èntɨ̧ɨ̧ vi ane Yesò la, Mbɔ̧ɔ̧mà naa waꞋa a kàbɔ̀ŋ tò, è wù àghɨa mbɨ̧te Musì te li tè ka wu ko e ghɨ̌ la.

Lûm 4:24

Bɔ li ngua shɨa abua ya mɨ̧̂, bàa wu bàa li tsiꞋi bòt bɔ̀ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà ndɨ̀ wu bàa zì mèntɨ̧ɨ̧ ma ane tò wu tà yu̧u̧me a Tǎt wa Yesò wu

2 Tèsàlonikà 2:12

Àfɨta mbɔŋ aa ghɨ ndɔ̀ Mbɔ̧ɔ̧mà naa nɔ̀ŋke àtsəa yɔb wu bàgème bɔ̀ɔ nkɔ̀ŋkà e me ghɨ a kàbɔ̀ŋ, mbɔ̂ ntù̧u̧ ebɨ̧ɨ̧ne èngǎ̧ nkûŋ la.

2 Tèsàlonikà 1:8

Tà kɨꞋa e ghɨ̌ bòt bu ka nɔ̀ŋe àdziꞋ abua Mbɔ̧ɔ̧mà a èbem mèntɨ̧ɨ̧ mɔb la aa ye ngoꞋ nkàà mènəè kàbɔ̀ŋ mɔb, nè èbu bɔ̀ɔ ka ghɨ mbɨ̀Ꞌɨ̀ Ntu̧ Ntsɔ̧̀ Yesò Lefɨ̀Ꞌ wa wu tà wu Tǎt wa la nàa shua la.

ÀfaꞋa 13:46

Ale, Pɔ̂l bɔ̂ Bànabasì e bê mpàa ndàꞋ kà bɔɔ̀. “À nyɨꞋtè nê bà bɨa ndàꞋ èngǎ̧ Mbɔ̧ɔ̧mà abua yɨ̧. Ka ndɨ̀ wu bɨ tu̧ èngǎ̧ wu la, bɨ̀ ka meè nɨ awɨ̧ mbɨ̀Ꞌɨ̀ bòt betsiꞋa bɔ̀ ka bɔ mèmpème kàlìà la, baa sà àwɨ̧ etsiꞋi eghǎ me tsɔ̀te ntu̧ yaa abua bòt kà wu Bèjuê.

Lûm 3:6

A mbê ntsě ale. Mbɔ̧ɔ̧mà bakà wua saꞋa mènəè ndɨŋndɨ̀ŋ, ko tàa saꞋa ngɔ̀ŋ naa?

Swiv nou:

Lyen patwone

Piblisite

Piblisite