Biblia Todo Logo
Bib sou entènèt

- Piblisite -




Ntu̧ Ntsɔ̧̀ MAK 16:15 - Mundani

15 Tà li shu abua yɔb nê, “Bɨ̀ ghǎ a ngɔ̀ŋ ègème ntsɔ̀tè Ntu̧ Ntsɔ̧̀ abua waa waa.

Gade chapit la Kopi




Ntu̧ Ntsɔ̧̀ MAK 16:15
27 Referans Kwoze  

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,


Ngɔ̀ŋ naa li me laꞋ nê yea ndìà, bɔ yaã mbɨ̀ ntsɔ̀tè Ntu̧ Ntsɔ̧̀ kèfɔ̧̀ Mbɔ̧ɔ̧mà a èlaꞋ ègème.


È me wu awɨ̧ ko Fo Kèfə naa zǐ mètàŋ ane yɨ̧, bɨa ghǎ e me shu ànəa bɨ ye mè nko ane yaã la abua bòt Jèlusalèm, nè bòt àlaꞋ a Jùdià nè Sàmalìà, mè nè bòt èlaꞋ ko tsa a sitsǎꞋ ŋàa.”


Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.


È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.


Yesò mè shu abua yɔb nê, “Àlàŋkè à wu nè nɨ̧̀. Mbɨ̀Ꞌɨ̀ Tǎt am li ntsàà am a ngɔ̀ŋ la, wuê wu a èlɨ mbɔŋ mâ tsàà wɨ̧ àfɨ̀Ꞌ yaa la.”


Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.


Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.


Ka tsiꞋ è mbììtè nê tè bɔ bakà zəəè? Ane nkûŋ, bɔ zə, nkàà nê Àkata Mbɔ̧ɔ̧mà a laꞋnê, “Ànəa bɔ̀ làꞋà la, a gha a èdziꞋ ègème a sitsǎꞋ, Mèngǎ̧ mɔb mè nga a bètɔ̀Ꞌa ngɔ̀ŋ bàgème.”


ÀfɨꞋa mbɔŋ, e mèè ndze wantu̧ Mbɔ̧ɔ̧mà kǒ ndèa a ègwet la. Tà nɨ Ntu̧ Ntsɔ̧̀ kà wu elìa me nɨa nkɨ̀Ꞌa elàꞋa abua bòt bu bɔ̀ɔ ntsèka a sitsǎꞋ la, bòt èlaꞋ ègème, nè èndà̧ ègème, nè ndɨ̧ tègème, mè nè tèwuute bòt tègème.


Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.


Tà li nkɨ̀Ꞌɨ̂ ndàꞋà Ntu̧ Ntsɔ̧̀ yu nàa ngɨ̀à bòt e wu ane àlàŋkè la, abua yɨ̧ bɨ̀a bòt kà wu Bèjuê bu bɨ li ngu a endɨ̌ ane Mbɔ̧ɔ̧mà la. Tà li ndàꞋ fɔ̀ɔ̀le abua Bèjuê bu bɔ li ngu nè Mbɔ̧ɔ̧mà la.


eghǎ wu ane àlia Mbɔ̧ɔ̧mà li nɨ atò ngà a ègwet la a èbem àkata mbì am. Mbɔ̧ɔ̧mà li me laꞋ nê yea nɨ atò nga ègwet ale, tà nɨ̌ èyǐ Fo Kèfə nkɨ̀ɨ̀te bòt bu tà li ndàà àwɔb ane bɔntu̧ bi la.


Swiv nou:

Piblisite


Piblisite