Ntu̧ Ntsɔ̧̀ MAK 13:32 - Mundani

³² “Ka wòt kǒ ntsě tà ko àlia èghɨ bàà àa ghɨ̀ la, ka wuê bɔntu̧ Mbɔ̧ɔ̧mà bu a ègwet la, kò Waã Wòt leꞋ. Wu ndàꞋ Mbɔ̧ɔ̧mà ka tà ko la.

Ntu̧ Ntsɔ̧̀ MAK 13:32 Referans Kwoze

ÀfaꞋa 1:7

Yesò tsɔ̀Ꞌɔ èngǎ̧ wɔb nê, “Wu Tǎt am zìambɔŋ ka tàa nyɨꞋte àfɨꞋa èghɨ bàa àa li me ghɨ̀ la. BetsiꞋa bɨ̀ ka koê.

Matìù 25:13

“Yesò lìà nê, bɨ̀ tseke me lȩ̂ ntsɔ̧̀ nkàà nê bɨ bakà ko àlia, kò àfɨꞋa màa mě kɨꞋɨ la.

Ètsə 3:3

Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.

Matìù 25:6

“È tseke tè me wu a èntɨ̧ɨ̧ ètsəꞋ, wòt kǒ letè èngùŋ nê ‘Lu̧ ndzà yu kɨꞋɨ̀; Bɨ̀ dzəa àbȩ sèè atò.’

2 Pità 3:10

Ka àli yu Tè Yesò Klistò nàa kɨꞋɨ la, aa li kɨꞋɨ kà wòt koê, wuê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la. Naa li ngu ane àlia mbɔŋ ègwet e jùꞋ ane ètɨ̧̂ nyɔ̂, àghɨ àgème àa ègwet və la, a ghɔ̀Ꞌ ndzàne, sitsǎꞋ nè àghɨa àgème àa adù̧ la è ghɔ̀Ꞌ nyɔ̂ mɨ̧̂.

Matìù 25:19

“Àfɨ̀Ꞌ a tseke tè me wu tǎt bɔfàꞋ bu kua nê bɔ̂ tò ba è tseke a si nkwàꞋtè èkab wu.

Ètsə 1:1

Àkatè yaa a làꞋà ànəa ètsə Yesò Klistò li nyɨ̀Ꞌte abua bɔfàꞋa Mbɔ̧ɔ̧mà, ane èghɨ è bele yaŋe e ghɨ̀ la. Wu Mbɔ̧ɔ̧mà ka tà li ngɨ̀ Yesò koê èghɨ ngaa la. Yesò li ntsàa wantu̧ vi, tà nyɨ̀Ꞌte èghɨ ngaa abua wɔ̀fàꞋ vi Jɔ̌n.

Ntu̧ Ntsɔ̧̀ MAK 13:31

SitsǎꞋ bɔ̂ ègwet naa li lɔ̀Ꞌɔ lìa, ka àghɨ à ka wuê li ekubte ane èngǎ̧ am.