Ntu̧ Ntsɔ̧̀ MAK 12:29 - Mundani

²⁹ Yesò nê, mbɨ̧ mbì wu yaa, “Bòt Izəèlȩê, bɨ̀ zə! Tǎt wa Mbɔ̧ɔ̧mà wu ndàꞋà Mbɔ̧ɔ̧mà.

Ntu̧ Ntsɔ̧̀ MAK 12:29 Referans Kwoze

Lûk 10:27

NyɨꞋtà wu bɨ̀ɨ̀lè nê, “Me kɔ̀ŋke a tǎt wè Mbɔ̧ɔ̧mà nè èntɨ̧ɨ̧ wê ègème, ŋǎ wê nènkèm abua tò, nè mètàŋ mê ègème, mè me mɨ̀ɨ̀tè wuê atò, mbɔ̂ me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ.”

Gàlashìà 3:20

Bɔ̀ɔ ngɨ̀ bɔ̀ me laꞋnê wòt wu a kètsìà, a wu nê tà wu a kètsìà bòt babe, ka è me wu mènkàꞋa mu ko Mbɔ̧ɔ̧mà li nkàꞋ zìa ndziꞋne.

Lûm 3:30

ndɨ̀ wu Mbɔ̧ɔ̧mà nàa wemɔ̀Ꞌ la. Tàa nɨ wòt ègème tà zi èntɨ̧ɨ̧ vi ane Yesò la mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, kò ŋut wu wòt Juê, kò wòt kà wu Juê leꞋ.

Jûd 1:25

Maà shù̧ù̧ta nê Yesò Klistò Lefɨ̀Ꞌ wa ghɨa bòt è ŋa mèngùꞋte abua tò wu tà wu ndàꞋ Mbɔ̧ɔ̧mà mè ngu Mpemnà wa la. Ètɨ̧̂ ègème, nè mètàŋ ègème e wu abua tò. Kèfɔ̧̀ wu we tò, e bùꞋù tê àfɨꞋa mbì, mè mbèle àfɨ̀Ꞌ yaa, mè ngu ewu ane àlia nè àlia. Àmèn.

1 Kɔlìn 8:4

Ale, è me wu ànəa mànjɨa èghɨ bɔ nɨŋ njɨ̀a bènàmbəa la, ko baà ko nê, “Àghɨa ko a mbê ndâ ntsě mbɨ̀Ꞌɨ̀ nàmbəa,” mè nko nê, “Mbɔ̧ɔ̧mà nàà ndàꞋ wemɔ̀Ꞌ.”

Jimsì 2:19

Bɨ bɨ̧ɨ̧ne nê Mbɔ̧ɔ̧mà nàà wemɔ̀Ꞌ ale nko nê bɨ ghɨ ntsɔ̧̀. Ka wuê fote kàbɔ̀ŋ tè bɨ̧ɨ̧ne ayɔb mɨ̧̂, tè me benta mbɔ̀ɔ.

1 Tɔ̀màtià 2:5

Aa ale nkàà nê Mbɔ̧ɔ̧mà nàà wemɔ̀Ꞌ, wòt tàa ntsəèꞋna àyɔ̀ŋ a kètsìà Mbɔ̧ɔ̧mà bɔ̂ bɔbȩ la mè ngu wemɔ̀Ꞌ. Ŋut wu Yesò Klistò à.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

Matìù 23:9

Bɨ ka ntɔ wòt kǒ a sitsǎꞋ ane tǎt wɨ̧, nkàà nê bɨ bɔ a tǎt wuê wemɔ̀Ꞌ, wu tǎt wɨ̧ wu a ègwet la.

Matìù 10:37

“Wòt tà kɔ̀ŋkè tǎt vi nè nyɨ̌ vi tè ntsè am la, bakà kuꞋu ewe tàa wu wɔ̧ la. Wòt tà kɔ̀ŋkè wambâ̧ vi kò waàvi vi leꞋ tè ntsè am la ka meè kùꞋu ewe tàa wu wɔ̧ la.