Ntu̧ Ntsɔ̧̀ MAK 11:33 - Mundani

³³ Ale, bɔ tsɔꞋɔ èngǎ̧ Yesò nê “Baa bakà ko.” Tà shu abua yɔb nê “Ale betsiꞋa è nka shu awɨ̧ àdziꞋa mâ nɨ àtɔŋ ka me ghɨ̌ èghɨ bàa la.”

Ntu̧ Ntsɔ̧̀ MAK 11:33 Referans Kwoze

2 Kɔlìn 3:15

Fɔɔle laane bɔ̀ɔ ngɨ̀ bɔ̀ tɔ mbɨ̧ Musì yaa ètsə bɔb è ka ghaꞋtè bɔɔ ko.

Lûm 1:28

Ndɨ̀ wu bòt mbɔŋ e tu̧u̧ zì mèntɨ̧ɨ̧ mɔb ane mènəè nkûŋ mu nàa nyɨ̀Ꞌta wòt Mbɔ̧ɔ̧mà wu wùà la, Mbɔ̧ɔ̧mà sà àwɔb bɔ tsiꞋi zì mèntɨ̧ɨ̧ mɔb ane èbɨꞋte èghɨ àa ŋa àtsəa kɔꞋɔ la.

Jɔ̌n 9:27

Tà bɨ̀ɨ̀lè nê “Mâ shua wɨ̧ tè ndɔ̀Ꞌ ka bɨ̀ ka wua nkɨ eyute. Bɨ̀ meè nkɨ zə ghàà? Bɨa nkɨ wu bɔkatè tò mɨ̧̂?”

Jɔ̌n 3:10

Yesò bììte atò nê, “Àa ngɨ̀ à wu nyɨꞋtà kèkweele ayɔɔ bòt Izəèlȩê, à kà ko ànəê ya à?

Matìù 21:27

Ale, bɔ tsɔꞋɔ èngǎ̧ Yesò nê “ChaꞋ, baa bakà ko.” Tà shu abua yɔb nê “Ale betsiꞋa è nka shua wɨ̧ àdziꞋa mâ nɨ àtɔŋ ka me ghɨ̌ èghɨ bàa la.”

Matìù 16:4

Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨà nkɨà nê è nyɨꞋte awɨ̧ àlȩê ka bɨ̀ ka wu eye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la.” Tà ghɨ̀ ale, sà àwɔb me ghǎ.

Matìù 15:14

È wu ale, bɨ sà wɔb a si, bɔ wu bòt àghɨ àleme nkɨ enyɨꞋte beko èlu̧ la. Wòt àghɨ àleme baãaã àbu wòt àghɨ àleme ko bɔ̀ɔgème aa chɨ̧ɨ̧ a èbem èbɨ.”

Ntu̧ Ntsɔ̧̀ MAK 11:32

Ka bà nê ‘abua bɔbȩ’.” (Bɔ li ngua mbɔ̀a ènɔ̧̂ bòt bu nkàà nê bɔ li mbɨ̧̀ɨ̧̀ne bàgème nê Jɔ̌n li ngu ndàꞋàtɔŋ Mbɔ̧ɔ̧mà).

Ntu̧ Ntsɔ̧̀ MAK 12:1

Yesò bùꞋ me làꞋa abua bòt bu ane mèngà̧teme nê, “Wòt ko li ndɔ̀Ꞌ ndìꞋi èyɨt vȩn a mbȩ zi, nkùùlè àkaã nɨŋ ngààle mbȩ yu, ntu àdziꞋa màngɨa mèlùꞋ mi, mbɔ̧ àdziꞋa bɔ̀ɔ me tɨ̧ɨ̧ a ègwet mbààba èbaꞋ lu la, ŋǎ abua bòt bɔ̀ɔ me fàꞋa la, mbɔ̂ ndzəè ngà àvi àlaꞋ a ko tsa.