Ntu̧ Ntsɔ̧̀ MAK 11:25 - Mundani

²⁵ À tɨ̧ me tsàꞋte a Mbɔ̧ɔ̧mà, à waꞋa kàbɔ̀ŋ bòt e ghɨ ane yê la, mbɨ̀Ꞌɨ̀ Tǎt wè wu a ègwet la naa waꞋa kàbɔ̀ŋ wê mɨ̧̂. [

Ntu̧ Ntsɔ̧̀ MAK 11:25 Referans Kwoze

Kɔ̀losìà 3:13

Bɨ̀ me baãaã mèntɨ̧ɨ̧ mɨ̧, mè ngwaꞋà bèkàbɔ̀ŋ bɔnyɨ bɨ̧ ane àghɨ àgème bɔ ghɨ̂ bɨ me fèèlè àwɔb adù̧ la. Bɨ̀ me waꞋa bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò Lefɨ̀Ꞌ waꞋa è bɨ̧ la.

Efesɔ̀s 4:32

Ka bɨ̀ me ghɨa ntsɔ̧̀ ane bɔnyɨ bɨ̧, njùa ane mènəè mɨ̧ mè ngwaꞋà bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò ghɨ̂ Mbɔ̧ɔ̧mà me waꞋa bɨ̧ la.

Lûk 6:37

“À ka me zəâ èfaãnəè bòt mbɨ̀Ꞌɨ̀ Mbɔ̧ɔ̧mà li ndzəèəè è bê mɨ̧̂; à ka nê à ye wòt à bɨ mbɨ̀Ꞌɨ̀ Mbɔ̧ɔ̧mà li nê àyê a bɨ mɨ̧̂; waꞋa kàbɔ̀ŋ bòt mbɨ̀Ꞌɨ̀ Mbɔ̧ɔ̧mà naa li waꞋa è bê mɨ̧̂.

Matìù 6:12

WaꞋa èfaãnəè ba mbɨ̀Ꞌɨ̀ bàambɔŋ e waꞋa èfaãnəè bɔnyɨ ba la.

Matìù 5:23

“È wu ale, wòt me kɨ eŋa àghɨ enɨ ekɔ̀ŋke a Mbɔ̧ɔ̧mà, ngà tè ngu àdziꞋa màŋa, nkù̧ù̧te nê, tà ghɨ̀ ànəa ko a me bɨɨ wanyɨ vi,

Jimsì 2:13

Aa ale nkàà nê, Mbɔ̧ɔ̧mà naa li saꞋa bòt bu bɔ̀ɔ ka ku tèsȩ la kà ku tèsȩ. Ka bòt bu bɔ̀ɔ nkua tèsȩ la e bakà tsi mbɔ̌ ndɨ bɔ̀ɔ mèe me bɔɔ èsaꞋa Mbɔ̧ɔ̧mà la.

Matìù 6:5

“Àfɨ̀Ꞌ àgème bɨ̀a ntsàꞋta Mbɔ̧ɔ̧mà la bɨ̀ ka ngɨ̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨ̀à la. Bɔ̀ɔ ngɨ̀ bɔ̀ me tsàꞋte a Mbɔ̧ɔ̧mà, bɔ me kɔ̀ŋkè etɨ̧ɨ̧ àtatsi a èbem lobte Mbɔ̧ɔ̧mà, mè me kɔ̀ŋkè etɨ̧ɨ̧ a tèngète balu̧ mbɨ̀Ꞌɨ̀ bòt aa me ye awɔb. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Lûk 18:11

Wòt Falèsiì wu lɔ̀Ꞌɔ a si ntɨ̧ɨ̧ a mbì ntsàꞋtè a èntɨ̧ɨ̧ vi nê, ‘Tǎt wa Mbɔ̧ɔ̧mà leꞋ, mâ taꞋa kɔ̀ŋkè àwê na màa ka ghɨ èghoꞋ, mènəè mɔ̧ ka toŋke mbɨ̀Ꞌɨ̀ me bòt ko, è nka mèe ngua njɨ̀a àbȩ la. Mâ kɔ̀ŋkè àwê na à ghɨ̂ è nka wu mbɨ̀Ꞌɨ̀ fetà èkab taksì via la.

Ètsə 11:4

Bòt baa babe ndàꞋà èngǎ̧ Mbɔ̧ɔ̧mà la wu èyɨt olìf bu bebe nè èghɨ bu bebe bɔ̀ɔ ntsìta mèkàꞋà adù̧, e tɨ̧ɨ̧te a mbì Tǎt wa Mbɔ̧ɔ̧mà wu tàa mbà̧aã sitsǎꞋ la.

Lûk 18:13

“È me wu a fetà èkab taksì wu, tà tɨ̧ɨ̧ a endɨ̌, tà kà lem ndɔ̀kè àtsə azi a ègwet, mbɔ̂ màꞋà èbu bi a tèkwȩ ti shuê nê, ‘Mbɔ̧ɔ̧mà, ku tèsȩ taã, e ngu wòt kàbɔ̀ŋ.’ ”