Ntu̧ Ntsɔ̧̀ MAK 10:32 - Mundani

³² Yesò bɔ̂ bɔkatè bi e li ngu alu̧ nkɔ̀Ꞌɔ ngà a Jèlusalèm. Yesò wu a mbì bɔkatè bi bu ngà, ànəa lèghȩ̀ȩ̀nè mbɔŋ a tsè àwɔb, bòt bu bɔ tsě akwen yɔb la e me ghȩ̀ȩ̀na mbɔ̀â. Yesò mè nɨ bɔkatè bi bu ngà a ntsèm shu awɔb mènəè è bèle yaŋe ghɨ̌ ane zi la.

Ntu̧ Ntsɔ̧̀ MAK 10:32 Referans Kwoze

Lûk 9:51

AfɨꞋa Yesò nàa ghǎ a ègwet la, a li mbùꞋ tè me kùꞋu. Ale, tà nɔ̀ŋè èntɨ̧ɨ̧ vi ane lèghȩ̀ȩ̀nè vi a mànga a Jèlusalèm.

Jɔ̌n 11:16

Tɔmasì wu bɔ̀ɔ ntɔ atò ane wabenyì la, shu abua àbəꞋa bɔkatè ko bu nê, “Bɨ̀ ghɨa bà kùŋe a Tǎt wa mbɨ̀Ꞌɨ̀ epfə ba tò ba nɔ̂.”

Jɔ̌n 11:8

Bɔkatè tò bu e shu abua tò nê, “Labȩ̀, Bèjuê aa wua nkɨ etemte awê wu kwàꞋ ane èli bìa, à mè me kɨ egha abot?”

Lûk 10:23

Yesò ghɨ̀ ale, ngèble avi ntsèmtè abua bɔkatè bi nê, “Bɨ wu bòt èsi ntsɔ̧̀, ndɨ̀ wu bɨ ye àghɨa bɨ ye la.

Ntu̧ Ntsɔ̧̀ MAK 4:34

Tà le kaꞋa wua mbê ndàꞋà ànəê abua yɔb kà zi ane èngà̧teme. Ka è wu àfɨꞋa tà wu zìa ndziꞋne nè bɔkatè bi la, tà yààtè ànəê àgème shua wɔb.

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Ntu̧ Ntsɔ̧̀ MAK 1:27

Ànəa ngaa a bê ntsè bòt bu abot la tè bɔ bùꞋ ntsiꞋa mbììta a kètsìà wɔb nê, “Eyaa wu ghà à? Wu àghɨa fi tà nyɨ̀Ꞌta la à? Mbê waa e bɔ àtɔŋ tè tàa ngɨ̀ tà shu ànəê abua fote kàbɔ̀ŋ, te bê ngɨ̀ wuê mbɨ̀Ꞌɨ̀ tà shu la!”

Lûk 19:28

Mbɨ̀Ꞌɨ̀ Yesò shu èngà̧ waa tè ndɔ̀Ꞌ la, tà pààtè bòt bu bɔ wu bɔ̂ tò ba la me ghǎ a mbì lɔb, àpfəèa nɨ̧a Jèlusalèm.