Ntu̧ Ntsɔ̧̀ MAK 10:30 - Mundani

³⁰ nàà nga taꞋa ebɔ èghɨ ko tsa àfɨ̀Ꞌ yaa. Tàa bɔ èghɨ ngaa èdziꞋ ènkɨ̀, te tsě ndɨ e li nguê la, lobtsə, bɔnyɨ (mbâ̧ nè àvi), bènyɨ̌, bɔ̧, mbȩtsə, fɔ̀ɔ̀lè ne ndɨ bòt àa me kɨ àtsəa tò enɨ la. Tà bɔ̂ ngu e ghɨ̀ ale, e li bɔ mèmpème kàlìà mɨ̧̂ ane ngɔ̀ŋ yu nga ekɨꞋɨ la.

Ntu̧ Ntsɔ̧̀ MAK 10:30 Referans Kwoze

Filìpȩ 3:8

Ane nkûŋ, è ndem ntsě wuê ndàꞋ èbùà. Mâ ntsiꞋa ndzèa èghɨ ègème àfɨ̀Ꞌ yaa mbɨ̀Ꞌɨ̀ e te ntsě èghɨ, mbɨ̀Ꞌɨ̀ e lâ eko wòt Tǎt am Yesò Klistò wû wùà la. Àyaa a bɔ̀ tê ntsè èghɨ tsa bu ègème. Mâ sǎ èghɨ bu ègème e ndi ngua ngɨ̀à la nkaa atò. Mâ ntsiꞋa ndzèa èghɨ ngaa ègème mbɨ̀Ꞌɨ̀ tabtsə, mbɨ̀Ꞌɨ̀ è ngu e tsiꞋi wuê ba Yesò Klistò,

Lûk 18:30

naa bɔ àbȩ̀ a tsè èghɨ mbɔŋ la àfɨ̀Ꞌ yaa, e mèe li lɔ̀Ꞌɔ ebɔ mèmpème kàlìà àfɨ̀Ꞌ yu nga ekɨꞋɨ la.”

2 Kɔlìn 6:10

Ènyit ya aa ntsèka àfɨ̀Ꞌ àgème mbɔ̀ ka wuê àfɨꞋa bà wu ane tèsȩ la, ntsèka mbɨ̀Ꞌɨ̀ bòt ntseb, ka mbɔ̂ me ghɨ̌ bòt nyaŋ e zəa ntsɔ̧̀, mè ntsèka mbɨ̀Ꞌɨ̀ bòt kà bɔ àghɨ, mbɔ̂ mbɔ àghɨ àgème.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

Jimsì 5:11

Baa nɨa wɔb nê bɔ wu bòt mèngùꞋte, nkàà nê bɔ li nkùùle mèntɨ̧ɨ̧ mɔb tè ngà ndìà. Bɨ zə ndɨ Job li nkùùle èntɨ̧ɨ̧ vi la, mè nko ndɨ a li ngà me lìà Mbɔ̧ɔ̧mà lɔɔle atò la, nkàà nê Mbɔ̧ɔ̧mà taꞋa wua nkua tèsȩ, tà kà meè ngua nkɔ̀ŋkà nê wòt ye ngoꞋ.

Ètsə 3:18

Ale, mâ kɨɨte awɨ̧ nê bɨ̀ kɨꞋɨ abua am njû̧ a ngule goêl bɔ to̧ a èwet tè ndɔ̀tetsə te dzə adù̧ la, mbɨ̀Ꞌɨ̀ wu ndaŋe bòt èsi ntsɔ̧̀. Bɨ̀ kɨꞋɨ mɨ̧̂ njû̧ ndìte kèfə nkàbte mbɨ̧̀ tɨ̧, mbɨ̀Ꞌɨ̀ tea ghɨ̌ bɨa baka tsi mbɔ̀ àtsəa kɔꞋɔ. Bɨ̀ mě nkɨ̀Ꞌɨ̂ njû̧ èghɨbə ndzì àghɨ ayɨ̧ mbɨ̀Ꞌɨ̀ e me ye èdziꞋ ntsɔ̧̀.

1 Tɔ̀màtià 6:6

Ka bòt bu bɔ̀ɔ ndzə wuê a Mbɔ̧ɔ̧mà, mě me yele àghɨa bɔ bɔ la, e lâ mbɔ̀ ngule àbȩ̀.

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

Lûm 5:3

Baa mè ngùꞋtà àwa a èbem ngoꞋ ta nkàà nê ngoꞋte mbɔŋ tea ngɨ̀à baa kuula mèntɨ̧ɨ̧ ma;

ÀfaꞋa 16:25

È lɔ̀Ꞌ me wu a èntɨ̧ɨ̧ ètsəꞋ Pɔ̂l bɔ̂ Sȩlàs e me tsàꞋtè a Mbɔ̧ɔ̧mà, mè nkɔ̧̀ɔ̧ mètsəkù̧ abua tò. Bɔtefȩ ko bu e me yute ndɨ bɔ kɔ̧ɔ̧ la.

Jɔ̌n 10:23

ÀfɨꞋa mbɔŋ Yesò wu a èbem lob nɨ̧ Mbɔ̧ɔ̧mà, ngȩȩna a èbem àdzìꞋa ko bɔ̀ɔ ntɔ nê ètsələèꞋ fɔ̧̀ Sàlemun la.

Matìù 12:32

Wòt làꞋà èngǎ̧ kàbɔ̀ŋ adù̧ Waã Wòt ko Mbɔ̧ɔ̧mà naa waꞋa kàbɔ̀ŋ tò, ka wòt tà laꞋa èngǎ̧ kàbɔ̀ŋ adù̧ Fo Kèfə la, betsiꞋa Mbɔ̧ɔ̧mà ka waꞋa a kàbɔ̀ŋ ŋut, ka wuê àfɨ̀Ꞌ yaa kò ndɨ ngɔ̀ŋ nàa li lìà la leꞋ.

Matìù 6:33

Ale, bɨ̀ bɨa me zə wuê mènəè kèfɔ̧̀ Mbɔ̧ɔ̧mà mè me ghɨ̀ wuê àghɨa tàa nkɨà la, ko taa ŋa èghɨ bàagème bɨ̀a nkɨ̀ŋkà la abua yɨ̧.

Ètsə 2:9

Mâ koê ngoꞋte bɨ̀a ndzèa la, nè ntseb bɨ̀ wu a èbèm la, (ka ane nkûŋ) bɨ bɔ èghɨ nyaŋ. Mâ koê mɨ̧̂ ndɨ bòt bu bɔ̀ɔ fɨ̀ta nè bɔ wu Bèjuê, ka bɔ̀ ka wu bùà la, àa ndàꞋa kàbɔ̀ŋ ane èlen lɨ̧ la. Bɔ wu ènɔ̧̂ bòt Satàn.

1 Jɔ̌n 2:25

Eyaa wu àghɨa Yesò Klistò zìambɔŋ li nkàꞋ àwa la. Tà li nkàꞋ àwa mèmpème kàlìà.

Matìù 13:8

Ka è weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le, è weko tètaã ènkɨ̀, è weko èghem yentùa, è weko èghem yetat.

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

1 Tɔ̀màtià 4:8

Wòt me nyàbtè ènyit zi, à ka bɨ, ka wòt me taŋke avi e me ghɨ̌ àfàꞋa Mbɔ̧ɔ̧mà, àyea ngaa a bɔ̀ŋ ntsè àghɨ àgème, nkàà nê betsiꞋa a tɨŋe a ŋut ane mèntsèke atò a ngɔ̀ŋ ŋaa, mè ngu etɨŋe atò taa bɔ mèmpème kàlìà.