Ntu̧ Ntsɔ̧̀ MAK 10:19 - Mundani

¹⁹ À ko mbɨ̧te Musì: ‘À ka mbùŋè wɔ̀bȩ̂, à ka njɨ̀ àbȩ, à ka ntsɔŋ, à ka mbɨ̧̀ɨ̧̀ne ànəa àfɨte àtsəa wòt, à ka nɨ̀ àghɨa kà wu ayê, me zəa tǎt wè bɔ̂ nyɨ̌ wè.’ ”

Ntu̧ Ntsɔ̧̀ MAK 10:19 Referans Kwoze

Lûm 13:9

Mbɨ̧tsə tê shu nê, “Wòt ka me jɨ àbȩ, wòt ka mbùŋè wòt, wòt ka ntsɔŋ, wòt ka me kɨ nê àghɨa wòt tsa a wu wu azi.” Mènəè maa nè me kǒ tsa ègème wu a èbem ànəa yaa yeamɔꞋ la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ.”

Jimsì 2:11

Mbɔ̧ɔ̧mà wu tà li nê “A ka njɨ̀ àbȩ la” li mè nê, “A ka mbùŋè wòt.” A bakà jɨ àbȩ, mbɔ̂ mbùŋè wòt, à ko nê, ye kwene mbɨ̧.

Lûk 18:20

À ko mbɨ̧te Musì: ‘À ka njɨ̀ àbȩ, à ka mbùŋè wɔ̀bȩ̂, à ka ntsɔŋ, à ka mbɨ̧̀ɨ̧̀ne ànəa àfɨte àtsəa wòt, me zəa tǎt wè bɔ̂ nyɨ̌ wè.’ ”

1 Tèsàlonikà 4:6

Wòt ane yɨ̧ ka fìble wanyɨ vi ngɨ a kàbɔ̀ŋ ane tò, nkàà nê bòt bu bɔ̀ɔ ngɨa kàbɔ̀ŋ la aa li ye ngoꞋ a tèkitebu Mbɔ̧ɔ̧mà mbɨ̀Ꞌɨ̀ ba li ndzaŋe shu awɨ̧ la.

Gàlashìà 5:14

Bɔ fete mbɨ̧tsə tègème a èbem èngà̧ waa wemɔꞋ la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ.”

Gàlashìà 4:21

Bɨ̀ tsiꞋ è mbiite awɨ̧ wu bɨ̀a nùà nkɨ ewu wuê a èten mbɨ̧tsə la, bɨà kà zə ànəa mbɨ̧te mbɔŋ te shuà la à?

Lûm 3:20

Wòt kǒ Mbɔ̧ɔ̧mà nàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li nkàà ndɨ ŋut ghɨ̀ àghɨa mbɨ̧ nàa shua la, è ntsě, nkàà nê àghɨa mbɨ̧ nàa ngɨ̀à la wu a mànyɨꞋta wa nê baa ghɨa kàbɔ̀ŋ.

Ntu̧ Ntsɔ̧̀ MAK 10:18

Yesò bììte atò nê, “À ghɨ̀ na ka me tɔ am ane wòt ntsɔ̧̀ à? Wòt kǒ tsa ntsě tà wu wòt ntsɔ̧̀ ka nè Mbɔ̧ɔ̧mà la.