Bib sou entènèt

Matìù 9:13 - Mundani

¹³ Bɨ̀ ghǎ nkɨ lə èngà̧ waa e shua la, ‘Maà nkɨà wuê bèmǎnkua tèsȩ, è nka kɨa banyà̧ bɔ kɨ̧ɨ̧me la.’ È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨ̀Ꞌa etɔ bòt kàbɔ̀ŋ.”

Gade chapit la Kopi

tounen moute ⬆

Matìù 9:13
39 Referans Kwoze

Ntu̧ Ntsɔ̧̀ MAK 2:17

Yesò zə ale, mbɨ̀ɨ̀lè nê, “Bòt kekweelè aà kà kɨ ngàŋ. Bèngɔ̧̀ ka bɔ̀ɔ nkɨà ngàŋ la. È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨꞋa etɔ bòt kàbɔ̀ŋ.”

Lûk 19:10

Aa ale nkàà nê, Waã Wòt kɨꞋa ekɨ bòt bu bɔ nyɔ la, etsì àwɔb a èbem kàbɔ̀ŋ wɔb.”

Lûk 5:32

È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨ̀Ꞌa etɔ bòt kàbɔ̀ŋ.”

Matìù 12:7

Èngǎ̧ Mbɔ̧ɔ̧mà e laꞋnê, ‘Maà kà kɨ bòt bɔ̀ɔ nkɨ̧̀ɨ̧̀ma banyà̧ ŋǎ abua am la, maà nkɨa wuê bòt bɔ̀ɔ nkua tèsȩte beko la’. Bɨ ghɨ̀ ale, nko lə èngà̧ waa ko bɨa kà tsì mpəəte bòt kà ye àghɨa bɔ ghɨ̀ la.

2 Pità 3:9

Mbɔ̧ɔ̧mà nàà kà lȩ̀ȩ̀tè a màngɨa àghɨa tà kàꞋà la mbɨ̀Ꞌɨ̀ bòt ko àa nkwàꞋtà la. Ànəa àa və la wu nê tà kuule èntɨ̧ɨ̧ vi me chɨ̀Ꞌà wɨ̧ nê bɨ̀ waꞋa mènəè kàbɔ̀ŋ mɨ̧, kùŋè àvi, nkàà nê tàa kà kɨ nê wòt kǒ nyɔ.

ÀfaꞋa 3:19

È wu ale, bɨ̀ waꞋa mènəè kàbɔ̀ŋ mɨ̧, nkuŋe a Mbɔ̧ɔ̧mà mbɨ̀Ꞌɨ̀ taa waꞋa a kàbɔ̀ŋ wɨ̧,

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

ÀfaꞋa 5:31

Mbɔ̧ɔ̧mà li ndɔke atò ntsìà àbâ àbualu̧ azi mbɨ̀Ꞌɨ̀ Fɔ̧̀ nè Mpemnà. Tà li ndɔ̀ke atò mbɨ̀Ꞌɨ̀ eŋa bòt Izəèlȩê èlu̧ bɔ̀ɔ kubte ane mènəè kàbɔ̀ŋ mɔb yea waꞋa a kàbɔ̀ŋ wɔb mɨ̧̂.

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Matìù 4:17

E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

Matìù 3:8

Bɨ̀ ghɨ̌ èghɨ bu àa nyɨ̀Ꞌta nê bɨ waꞋa mènəè kàbɔ̀ŋ mɨ̧ la.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

Matìù 21:42

Yesò bììte awɔb nê “Tè bɨ bakà li me tɔ èngà̧ waa a èbem Àkata Mbɔ̧ɔ̧mà ezə? ‘Èti lu bèmbɔ̧ɔ̧ lob e li ngwaꞋ nê wu èti kàbɔ̀ŋ la, wu lùà ka è tsìꞋi ngule èti tɔ̀Ꞌɔ̀ lob la. Eyaa wu àghɨa Mbɔ̧ɔ̧mà ghɨ̀ la, a ghe àa mbɔ̀ la.’

Matìù 12:3

Yesò bɨ̀ɨ̀lè nê “Bɨ te bakà tɔ ezə àghɨa fɔ̧̀ Dàbid bɔ̂ bòt bi e li ngɨ̀ àfɨꞋa ndzitsə te li ngua nkùa awɔb la?

Ntu̧ Ntsɔ̧̀ MAK 12:26

È me wu ànəa mànju̧u̧ma, ko bɨ bakà li mè tɔ a èbem àkatè Musì ànəa abàꞋ wu è li ngua nkòòla la à? Bɔ shɨ a èbèm nê Mbɔ̧ɔ̧mà li shu abua Musì nê, ‘E ngu Mbɔ̧ɔ̧mà Abàlàghâm, ngu Mbɔ̧ɔ̧mà Asàk, mè ngu Mbɔ̧ɔ̧mà Jàkɔ̂b’.

Jɔ̌n 10:34

Yesò bɨ̀ɨ̀lè nê, “Bɔ shɨ a èbem Àkata Mbɔ̧ɔ̧mà àyɨ̧ nê Mbɔ̧ɔ̧mà laꞋnê, ‘Bɨ wu mbɨ̀Ꞌɨ̀ mmɔ̌ Mbɔ̧ɔ̧mà.’

Matìù 19:4

Yesò bɨ̀ɨ̀lè nê, “Bɨ bakà tɔ àdziꞋ yu a èbem àkata Mbɔ̧ɔ̧mà a laꞋnê ngɔ̀ŋ li me bùꞋu, Mbɔ̧ɔ̧mà ghɨ̀ mbâ̧ nè àvi la à?

Matìù 12:5

Kò bɨ bakà tɔ ezə ndɨ bèntsìà mèpɨ̧̀ Mbɔ̧ɔ̧mà àa ngɨ̀ bɔ pààtè mbɨ̧tsə àliapfəèa Bèjuê a lob nɨ̧ Mbɔ̧ɔ̧mà ka mbɨ̧ tu tè ka baãaã awɔb la à?

Lûk 10:26

Yesò mè mbììte atò nê, “Àkata mbɨ̧te Musì a nyɨꞋte nê ghà à? Àa ngɨ̀ à tɔ ale à shu nê ghà à?”

Ntu̧ Ntsɔ̧̀ MAK 12:33

Wòt bɔ ndɨ tàa kɔ̀ŋke a Mbɔ̧ɔ̧mà nè èntɨ̧ɨ̧ vi ègème, e mě me mɨ̀ɨ̀tè wuê atò, nè mètàŋ mi ègème, e mě me kɔ̀ŋkè wanyɨ vi mbɨ̀Ꞌɨ̀ zìambɔŋ la. Wòt me nɔ̀ŋe mbɨ̧ tàa, a bɔ̀ŋ tè ntsè ndɨ tàa me tò̧ banyà̧ nè èghɨ ko tsa ŋǎ abua Mbɔ̧ɔ̧mà la.”

Lûk 5:31

Yesò bɨ̀ɨ̀lè nê, “Bòt kekweelè aà kà kɨ ngàŋ. Bèngɔ̧̀ ka bɔ̀ɔ nkɨà ngàŋ la.

Swiv nou:

Lyen patwone

Piblisite

Piblisite