Matìù 7:7 - Mundani

⁷ “Lo̧, ko Mbɔ̧ɔ̧mà naa ŋa, nkɨ̂ ko taa ghɨ̌ aa ye, mè ndùꞋte ètsələèꞋ ko taa tsɔꞋɔ abua yê.

Matìù 7:7 Referans Kwoze

Matìù 21:22

Bɨ mè me biite àghɨ abua Mbɔ̧ɔ̧mà bɨ̧̀ɨ̧̀ne a mèntɨ̧ɨ̧ mɨ̧ nê tàa ŋa, ko bɨa bɔ yùà.”

1 Jɔ̌n 3:22

Bàa ngɨ̀ bà lo̧ àghɨ tè tà ŋa, nkàà nê baa ndzəa tò mè ngɨ̀à àghɨa tàa nkɔ̀ŋkà la.

Jɔ̌n 15:7

Bɨ wu àghɨ yeamɔꞋ nè nà̧, mèngǎ̧ mɔ̧ mè ngu a mèntɨ̧ɨ̧ mɨ̧, ko bɨa biite a Tǎt am àghɨ àgème bɨ kɔ̀ŋkè la, taa ŋa.

Ntu̧ Ntsɔ̧̀ MAK 11:24

È wu ale, mâ shua wɨ̧ nê, wòt me tsàꞋte a Mbɔ̧ɔ̧mà ndò̧o̧ àghɨ, mbɔ̌ ntɨ̀ nê ye bɔ àghɨa ngaa tè ndɔ̀Ꞌ, ko taa bɔ àghɨ àgème tà lo̧o̧ la.

Matìù 6:33

Ale, bɨ̀ bɨa me zə wuê mènəè kèfɔ̧̀ Mbɔ̧ɔ̧mà mè me ghɨ̀ wuê àghɨa tàa nkɨà la, ko taa ŋa èghɨ bàagème bɨ̀a nkɨ̀ŋkà la abua yɨ̧.

Matìù 7:8

Nkàà nê wòt ègème tà lo̧ la nàà mbɔa, wòt tà kɨ la yea, èwe tà luꞋte ètsələèꞋ la bɔ tsɔꞋa abua tò.

Jɔ̌n 15:16

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

Jɔ̌n 4:10

Yesò bɨ̀ɨ̀lè èngǎ̧ tò nê “À ghɨ̀ ale nko àghɨa Mbɔ̧ɔ̧mà nàa ŋǎ la, mè nko wòt wu shua nê ŋa mèleb yè nu la, ko à biite atò tà tsiꞋi ŋa awê mèleb nàa ŋǎ mèmpème la.”

Matìù 18:19

TsiꞋ è mèe shua wɨ̧ nê, bòt babe e wu ane ètsəê wemɔꞋ ane ànəê a sitsǎꞋ ŋàa, mbììte Tǎt am wu a ègwet la ko taa ghɨ̌.

Jimsì 5:15

Bɔ me tsàꞋte ale, ndzì èntɨ̧ɨ̧ wɔb ane Mbɔ̧ɔ̧mà ko aa ghɨ̌ ngò̧ò̧nà wu naa kweele. Bɔ ghɨ ale ko Mbɔ̧ɔ̧mà naa lɔ̀ke atò, e mèe waꞋa a kàbɔ̀ŋ tò, na è wu nê tà ghɨ̀à kàbɔ̀ŋ la.

Lûk 18:1

Yesò ghɨ̀ ale, shu bɔkatè bi èngà̧teme wàa nɨŋ nyɨ̀Ꞌte awɔb nê, bɔ bɔ̂ ndɨ bɔ̀ɔ me dɨ̀a abua Mbɔ̧ɔ̧mà àfɨ̀Ꞌ àgème kà kaã la.

Matìù 7:11

Tè bɨ̀a wàa bɨ̀ wu bòt kàbɔ̀ŋ la e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa èghɨ mbɔŋ abua bòt bɔ lo̧ abua tò la tè ntsě?

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

Lûm 3:11

Wòt kǒ tà ko ànəê yu, è wu ànəa nkûŋ la è ntsě, Wòt kà mee nguê tàa nkɨ e ko Mbɔ̧ɔ̧mà la.

Lûk 13:25

ÀfɨꞋa tǎt lob lɔ̀Ꞌɔ a si tè nkȩ̀ lob la, bɨa tɨ̧ɨ̧ àbȩ me lùꞋte ètsələèꞋ è shua nê, ‘Tê, tsɔꞋ lob abua ya.’ “Ka tà bɔ ngu shu abua yɨ̧ nê ‘E mbakà ko awɨ̧, e nka ko àdziꞋa bɨ dzəè la’.