Matìù 6:9 - Mundani

⁹ “Ye ndɨ bɨ̀a me tsàꞋte a Mbɔ̧ɔ̧mà la: ‘Tǎt wa wu a ègwet la leꞋ, Ghɨa bòt è kukte èlen lê.

Matìù 6:9 Referans Kwoze

Ètsə 4:11

“Mbɔ̧ɔ̧mà Lefɨ̀Ꞌ wa leꞋ, à kùꞋu we bòt àa me shu nê à ghe, mè nkùkta we, mè ngùꞋtà we ane mètàŋ mè la. Wu àwɔ̀ à lè ghɨ èghɨ ègème, è mě ngu ane mènkɔ̀ŋke me ka èghɨ ègème e li ngu, mè ntsìꞋi èghɨ yu̧ la.”

Lûm 8:15

Fo yu Mbɔ̧ɔ̧mà li ŋa abua yɨ̧ la bakà ghɨ awɨ̧ ane èbùꞋ, e ghɨ̌ bɨa me bɔa, ka tà ŋa awɨ̧ Fo è ghɨ̌ bɨ tsiꞋi bɔ̧ tò la. Eyaa wu lə bàa ngɨ̀ bàà dɨa bà tɔ Mbɔ̧ɔ̧mà, baa nê, “Tè leꞋ! Tǎt wa leꞋ!”

Gàlashìà 4:6

Ane èlɨ̀ wu bɨ̀ tsiꞋi bɔ̧ Mbɔ̧ɔ̧mà la, tà tsàà Fo waã vi a mèntɨ̧ɨ̧ ma, ŋȩ nê, “Abà! Tǎt wa!”

Ètsə 5:12

Bɔ me kɔ̧a ŋȩ̀a shua nê, “Wanjɨ̀ wu bɔ li mbùŋè la è kùꞋa màmbɔ mètàŋ, nè èghɨ nyaŋ nè èyì mè nè ènɨ̧. TsiꞋ bòt è ŋa kènuke abua tò, ngùꞋtè atò mè nkɔ̀ŋkè atò.”

Matìù 7:11

Tè bɨ̀a wàa bɨ̀ wu bòt kàbɔ̀ŋ la e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa èghɨ mbɔŋ abua bòt bɔ lo̧ abua tò la tè ntsě?

Matìù 26:29

Maa shua wɨ̧ nê, è nka li tsi nu mèlùꞋ màa bɔ ghɨ ane tètaãaãte vȩn la a, tè àli yu màa nu mèlùꞋ fi a kèfɔ̧̀ Tǎt am la a kùꞋ.”

Matìù 23:9

Bɨ ka ntɔ wòt kǒ a sitsǎꞋ ane tǎt wɨ̧, nkàà nê bɨ bɔ a tǎt wuê wemɔ̀Ꞌ, wu tǎt wɨ̧ wu a ègwet la.

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Lûk 15:18

Maa lɔ̀Ꞌɔ a si ghǎ ekwene ane tǎt am, e shu abua tò nê, Tê, mâ fâ̧ ànəê a mbì Mbɔ̧ɔ̧mà, mè fâ̧ a mbì lê.

1 Pità 1:17

Ndɨ̀ wu bɨ̀a ntɔa Mbɔ̧ɔ̧mà ane Tǎt wɨ̧ la, e wu tàa saꞋa wòt ègème kà lȩ mèsi mbɨ̀Ꞌɨ̀ mènəè tò nyɨꞋte la, bɨ̀ me ŋa kènuke abua tò, ndzəa tò ane mèntsèke mɨ̧ adzìꞋ yaa mbɨ̀Ꞌɨ̀ bègɨ̧̀.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

Lûk 15:21

“Waã wu lɔ̀kè àvi shu abua tǎt vi nê, ‘Tê, mâ fâ̧ ànəê a mbì Mbɔ̧ɔ̧mà, mè fâ̧ a mbì lê. E mbakà tsi nkùꞋ we bɔ̀ɔ me tɔ am ane waã wè la’.”

Lûk 2:14

“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”

Matìù 6:14

À waꞋa èfaãnəè bòt, ko tǎt wè wu a ègwet la naa waꞋa e bê mɨ̧̂.

Matìù 6:6

Ka wòt me tsàꞋte a Mbɔ̧ɔ̧mà tà nyi a èbem àtsəalob àzi, ngèbà ètsələèꞋ mbɔ̂ ntsaꞋta tǎt vi wu kà bɔ wua ndzèa tò la. Tà ghɨ̀ ale, ko tǎt tò wu tàa ndzèa mènəè nàa ntsea a ntsèm la naa ŋa àbȩ̀ atò.

Matìù 5:48

È wu ale, mènəè mɨ̧ bɔ ndɨ nàa nèète tɨ̧ɨ̧ ndɨŋndɨ̀ŋ mbɨ̀Ꞌɨ̀ tǎt wɨ̧ a ègwet nàa ndɨŋndɨ̀ŋ la.

Gàlashìà 1:1

Letà Pɔ̂l wantu̧ Yesò ane mèngɨ̌ Yesò Klistò bɔ̂ Tǎt wa Mbɔ̧ɔ̧mà wu Yesò lè pfə tà yù̧ù̧me atò la. È li è kà ghɨ̂ wɔ̀bȩ̂ tà kà mê ntsè ane wɔ̀bȩ̂ ka nguê wantu̧.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

Matìù 26:42

Tà mè nkua akwèn ngà ntsàꞋtè a Mbɔ̧ɔ̧mà nê, “Tê, à bakà wu enɨ ndɔŋ ngoꞋ yaa kà e nu yùà, a tsiꞋ a wu mbɨ̀Ꞌɨ̀ àa nkɨà la.”

Lûm 1:7

Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Matìù 10:29

Tè bɔɔ̀ kà fɨ̧ɨ̧ne bèdzɔɔlekɔt babe ane kapà wemɔ̀Ꞌ? Ka la, Mbɔ̧ɔ̧mà bakà bɨ̧̀ɨ̧̀ne, wekǒ ane yɔb ka kwen a si.