Bib sou entènèt

Matìù 6:5 - Mundani

⁵ “Àfɨ̀Ꞌ àgème bɨ̀a ntsàꞋta Mbɔ̧ɔ̧mà la bɨ̀ ka ngɨ̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨ̀à la. Bɔ̀ɔ ngɨ̀ bɔ̀ me tsàꞋte a Mbɔ̧ɔ̧mà, bɔ me kɔ̀ŋkè etɨ̧ɨ̧ àtatsi a èbem lobte Mbɔ̧ɔ̧mà, mè me kɔ̀ŋkè etɨ̧ɨ̧ a tèngète balu̧ mbɨ̀Ꞌɨ̀ bòt aa me ye awɔb. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Gade chapit la Kopi

tounen moute ⬆

Matìù 6:5
34 Referans Kwoze

Matìù 6:2

“È wu ale, wòt me ŋa àghɨ abua wòt mbuŋ, tà ka ŋǎ a kètsìà banɔ̧̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨa a èbem lobte Mbɔ̧ɔ̧mà, mè ngɨa a tèngète balu̧ la. Bɔ̀ɔ ngɨ̀ bɔ me ghɨ̀ ale, bɔ wua nkɨà mbɨ̀Ꞌɨ̀ bòt aa me wùꞋtè àwɔb. Ane nkûŋ, e ngua shua wɨ̧ nê bɔ bɔ àbȩ̀ àyɔb tè ndɔ̀Ꞌ.

Lûk 18:13

“È me wu a fetà èkab taksì wu, tà tɨ̧ɨ̧ a endɨ̌, tà kà lem ndɔ̀kè àtsə azi a ègwet, mbɔ̂ màꞋà èbu bi a tèkwȩ ti shuê nê, ‘Mbɔ̧ɔ̧mà, ku tèsȩ taã, e ngu wòt kàbɔ̀ŋ.’ ”

Ntu̧ Ntsɔ̧̀ MAK 11:25

À tɨ̧ me tsàꞋte a Mbɔ̧ɔ̧mà, à waꞋa kàbɔ̀ŋ bòt e ghɨ ane yê la, mbɨ̀Ꞌɨ̀ Tǎt wè wu a ègwet la naa waꞋa kàbɔ̀ŋ wê mɨ̧̂. [

Lûk 20:47

Mbɔ̂ ngu bɔ̀ɔ̀ba bɔ̀ɔ ngɨ̀ɨ̀la bènempfə fàà èghɨ bɔb, mbɔ̂ ndɔ̀Ꞌ me tsàꞋta Mbɔ̧ɔ̧mà ndà̧à̧nà mbɨ̀Ꞌɨ̀ enɨ èvəèəèlè àghɨ a bòt la. Bɨ̀a li bɔ ngoꞋ è tsě ye bòt bàgème la.”

Jimsì 4:6

Mbɔ̧ɔ̧mà bê nge tàa ngɨa a ntsɔ̧̀ la. Ale, Àkata tò a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb a ègwet la a si, mbɔ̂ me nyɨꞋte a ntsɔ̧̀ vi abua bòt bu bɔ̀ɔ nɨ̀a wɔb a si la.”

Lûk 18:1

Yesò ghɨ̀ ale, shu bɔkatè bi èngà̧teme wàa nɨŋ nyɨ̀Ꞌte awɔb nê, bɔ bɔ̂ ndɨ bɔ̀ɔ me dɨ̀a abua Mbɔ̧ɔ̧mà àfɨ̀Ꞌ àgème kà kaã la.

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

Lûk 11:43

“Aa li bɨa awɨ̧, bɨ̀a Bèfalèsiì, nkàà nê bɨ taꞋa wua nkɔ̀ŋkà ètɨ̧ nɨ̧ a lob Mbɔ̧ɔ̧mà, mè ntaꞋa wua nkɔ̀ŋkà bòt aa me ŋa kènuke abua yɨ̧, ntsàꞋtè àwɨ̧ a èsà̧aã tèwentsə.

Matìù 21:22

Bɨ mè me biite àghɨ abua Mbɔ̧ɔ̧mà bɨ̧̀ɨ̧̀ne a mèntɨ̧ɨ̧ mɨ̧ nê tàa ŋa, ko bɨa bɔ yùà.”

1 Tèsàlonikà 5:17

mè ntsàꞋta a Mbɔ̧ɔ̧mà àfɨ̀Ꞌ àgème.

Jɔ̌n 16:24

E kɨꞋɨ dzəè àfɨ̀Ꞌ yaa bɨ bakà lo̧ àghɨa ane èlen laã. Bɨ̀ lo̧, ko Mbɔ̧ɔ̧mà naa ŋa, tê mèngùꞋte naa lu̧ a mèntɨ̧ɨ̧ mɨ̧.

Ntu̧ Ntsɔ̧̀ MAK 12:38

Yesò me làꞋa èngǎ̧ vi shua abua bòt bu nê, “Bɨ̀ nɨ àfɨ̀Ꞌ ane bènyɨꞋtà mbɨ̧te Musì. Bɔ taꞋa wua nkɔ̀ŋkà e me ghȩ̀ȩ̀nè nê mèmà̧ seè mè me kɔ̀ŋkè nê bòt è me tsàꞋtè àwɔb mbɨ̀Ꞌɨ̀ bɔɔjuŋ a èsà̧aã tèwen.

Matìù 9:38

È wu ale, bɨ shu̧u̧te a Tǎt mbȩ nê tà tsàa bòt màfuꞋa a mbȩ zi.”

Matìù 23:13

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la, nkàà nê bɨa nkèla bòt mbɨ̀Ꞌɨ̀ bɔ nyi a Kèfɔ̧̀ Mbɔ̧ɔ̧mà. Bɨ̀a mbɔŋ aà kà kɨ nyi, mbɔ̂ nkèle bòt nkɨ enyi la, mbɨ̀Ꞌɨ̀ bɔ nyi. [

Matìù 23:6

Bɔ taꞋa wua nkɔ̀ŋkà èdziꞋi nɨ̧ a èdziꞋi mèpà̧ nè ètɨ̧ ntsɔ̧̀ à lobte Mbɔ̧ɔ̧mà tɔb.

Matìù 6:16

“Bɨ me kɨ etseke kà jɨ àghɨ mbɨ̀Ꞌɨ̀ etsàꞋte a Mbɔ̧ɔ̧mà, bɨ̀ ka màꞋà tèsȩtsə ane yɨ̧ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà la àa ngɨ̀à la. Bɔ̀ɔ ngɨ̀ bɔ màꞋà ngɨ̧̀ɨ̧̀nè ane yɔb mbɨ̀Ꞌɨ̀ bòt aa ko nê bɔ wua ntsèka kà jɨ àghɨ. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Matìù 6:1

“Bɨ̀ me ko mbɨ̀Ꞌɨ̀ ka bɨ me ghɨ̀ èghɨ bɨ̀a ngɨa ane èlen Mbɔ̧ɔ̧mà la a kètsìà banɔ̧̀ mbɨ̀Ꞌɨ̀ bɔɔ ye. Bɨ me ghɨ̀ ale, ko bɨ̀ ka bɔ àbȩ̀ abua tǎt wɨ̧ wu a ègwet la a.

Matìù 23:5

“Bɔ̀ɔ ngɨ̀ bɔ̀ me ghɨ àghɨ àgème, bɔ wua nkɨ̀a wuê mbɨ̀Ꞌɨ̀ bòt aa me ye awɔb. Ye ndɨ è bɔb ne bakɔ̂b bu bɔ̀ɔ ndzìà èngǎ̧ Mbɔ̧ɔ̧mà nkùùla a mèsi mɔb la, bèa fàŋka la. Mè ndzì ndɨ bandǐ bu bɔ̀ɔ maꞋa àmî bɔb ntsàꞋte a Mbɔ̧ɔ̧mà la bèa sààtà la.

Lûk 6:24

Aa li bɨ̀a awɨ̧, bɨ̀a wu bɨ̀ wu bòt èghɨ nyaŋ àfɨ̀Ꞌ yaa la, bɨ bɔ mèntsèke lèyu mɨ̧ tè ndɔ̀Ꞌ.

Swiv nou:

Lyen patwone

Piblisite

Piblisite