Matìù 6:34 - Mundani

³⁴ Mbɨ̀Ꞌɨ̀ àa anè la, bɨ̀ ka me mɨ̀ɨ̀te atetsɔꞋ nyaŋ. Bɨa sàꞋa atetsɔꞋ ka bɨ me mɨ̀ɨ̀tè àlia mbɔŋ. TsiꞋ mènəè àliabȩ kùꞋu ane àliabȩ ngaa.

Matìù 6:34 Referans Kwoze

Matìù 6:25

“Ale e ngua shua wɨ̧ nê bɨ̀ ka me mɨ̀ɨ̀te nê bɨ̀a jɨ ghǎ ko nu ghǎ ka etseke leꞋ. Bɨ̀ ka ndem mɨ̀ɨ̀tè nê bɨ̀a kwaã ghǎ a mbɨ̧̀ tɨ̧ leꞋ. Tè mèmpème wɔ̀bȩ̂ bakà tse èghɨjɨ, mbɨ̧̀ tò naa mě tsě ndǐtsə?

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Lûk 11:3

Ŋa awa àli àgème èghɨjɨ e kùꞋ àwa la.

Matìù 6:11

Ŋa awa èghɨjɨ àa kùꞋ àwa laane la.

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

Matìù 6:27

Wòt wu ane yɨ̧ tà me dèbè ènyit zi nyaŋ ko taa kwèꞋne àdziꞋa àfɨ̀Ꞌ ane afɨꞋa tà wu tseke a sitsǎꞋ la wu wàà?

Lûk 10:41

Yesò tɔ atò nê, “Màta, Màta leꞋ, aà ŋǎ awê ngoꞋ ane èghɨ nyaŋ.

Lûk 12:11

“AfɨꞋa bòt e səèŋnè àwɨ̧ nɨŋ nkɨ̀Ꞌɨ̂ a lob Mbɔ̧ɔ̧mà, a mbì bɔɔjuŋ bɔ̂ bègɔvanɔ̀ nè bèfɔ̧̀ bɔɔ saꞋa awɨ̧ la, bɨ̀ ka me mɨ̀ɨ̀te ànəa bɨ̀a shu enɨ fà àwɨ̧ la.

Lûk 12:22

Yesò shu abua bɔkatè bi, nê, “Ale e ngua shua wɨ̧ nê bɨ̀ ka me mɨ̀ɨ̀te nê bɨ̀a jɨ ghǎ ko nu ghǎ leꞋ. Bɨ̀ ka ndem mɨ̀ɨ̀tè nê bɨ̀a kwaã ghǎ a mbɨ̧̀ tɨ̧ leꞋ.

Filìpȩ 4:6

Ko mbɨ̀Ꞌɨ̀ èntɨ̧ɨ̧ wòt e bentè ane ànəa ko. Ka bɨ̀ me tsàꞋte a Mbɔ̧ɔ̧mà àfɨ̀Ꞌ àgème, ŋǎ mènkɔ̀ŋke abua tò mè ndò̧a àghɨ àgème bɨ̀a nkɨ̀a la abua to.

1 Pità 5:7

Bɨ̀ me zì mènəè ègème nàa ntsèà wɨ̧ la a tèkitebu Mbɔ̧ɔ̧mà, nkàà nê wu tòà ka tàa ndɨ̀ŋkà wɨ̧ la.