Matìù 6:33 - Mundani

³³ Ale, bɨ̀ bɨa me zə wuê mènəè kèfɔ̧̀ Mbɔ̧ɔ̧mà mè me ghɨ̀ wuê àghɨa tàa nkɨà la, ko taa ŋa èghɨ bàagème bɨ̀a nkɨ̀ŋkà la abua yɨ̧.

Matìù 6:33 Referans Kwoze

Lûk 12:31

Ale, bɨ̀ bɨa me zə wuê mènəè kèfɔ̧̀ Mbɔ̧ɔ̧mà, ko taa ŋa èghɨ bàagème bɨa nkɨ̀ŋkà la abua yɨ̧.

Matìù 5:6

Ntsɔ̧̀ wu bòt bu bɔ̀ɔ mbê ndâ nkɨ ghɨ̌ àghɨa Mbɔ̧ɔ̧mà nàa nkɨà la, Mbɔ̧ɔ̧mà naa ghɨ̌ aa wu ale.

Jɔ̌n 6:27

Bɨ̀ ka ŋà àtsəa yɨ̧ ane èghɨjɨ àa lɔ̀Ꞌɔ elìa la. Ka bɨ̀ ŋa wuê ane èghɨjɨ bu àa ŋǎ mèmpème kàlìà la. Eyaa wu èghɨjɨ bu Waã Wòt nàa ŋa abua yɨ̧ la, nkàà nê wu tòà Tǎt wa Mbɔ̧ɔ̧mà nyɨꞋtè nê tà wu wòt ye laa nê tà me ghɨ àfàꞋ yaa la.”

Lûm 14:17

Ànəa nɨ̧ a kèfɔ̧̀ Mbɔ̧ɔ̧mà ntsě mànjɨa èghɨjɨ, kò mànua leꞋ, wu màngɨa àghɨa Mbɔ̧ɔ̧mà kɨa la, nè màntseka ane àlàŋkè nè bòt, mè nè màngua ane mèngùꞋte, è wu èghɨ Fo Kèfə nàa ŋa la.

Matìù 19:29

Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà.

Lûm 8:31

Bàà wu anè laꞋ nê ghǎ ane ayaa? Mbɔ̧ɔ̧mà wu nè nà, ko wòt wu betsiꞋa tà ghɨ̀ àghɨ ane ya la wu wàà?

1 Tɔ̀màtià 4:8

Wòt me nyàbtè ènyit zi, à ka bɨ, ka wòt me taŋke avi e me ghɨ̌ àfàꞋa Mbɔ̧ɔ̧mà, àyea ngaa a bɔ̀ŋ ntsè àghɨ àgème, nkàà nê betsiꞋa a tɨŋe a ŋut ane mèntsèke atò a ngɔ̀ŋ ŋaa, mè ngu etɨŋe atò taa bɔ mèmpème kàlìà.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Lûm 1:17

Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è wu wòt wu tà zi èntɨ̧ɨ̧ vi ane waã tò Yesò Klistò tè èlu̧ tsa è ka tsi ngu la. Bɔ shɨ a èbem Àkata Mbɔ̧ɔ̧mà nê, “Wòt tà zi èntɨ̧ɨ̧ vi ane Mbɔ̧ɔ̧mà, tè Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, naa li wu ane àlia nè àlia.”

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

Matìù 4:17

E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

2 Tèsàlonikà 1:5

NgoꞋ yaa bɨ yea nyaŋ la bê nyɨ̀Ꞌta ndɨ Mbɔ̧ɔ̧mà nàa saꞋa bòt wuê mbɨ̀Ꞌɨ̀ bɔ bɔ ndɨ bɔ̀ɔ saꞋa wɔb la. Ale, bɨa li ekùꞋù èbe bɨa li ewu ne Mbɔ̧ɔ̧mà a kèfɔ̧̀ tò la, nkàà ngoꞋ tu te ye awɨ̧ la.

Lûm 10:3

Ndɨ̀ wu bɔ li bɔ̀ ka ko ntsɔ̧̀ ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, mè ntsiꞋi me kɨ wuê wɔb ne alu̧ la, a ghɨ̀ bɔ̀ ka bɨ̧ɨ̧nè ane we ne alu̧ Mbɔ̧ɔ̧mà wu tàa nɨa bòt mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

ÀfaꞋa 28:31

Tà li ngua ndàꞋà ànəa kèfɔ̧̀ Mbɔ̧ɔ̧mà nè mènəè Yesò Klistò Lefɨ̀Ꞌ kà bɔ̀â, wòt kà mê nkèle atò.

2 Pità 1:11

tà mè ngu esèè awa ntsɔ̧̀ a kèfɔ̧̀ Lefɨ̀Ꞌ wa. Wu tòà tà wu Mpemnà wa la. Kèfɔ̧̀ tò naa wu ane àlia nè àlia.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

Lûk 1:6

Bòt baa babe la bɔ li ntɨ̧̀ɨ̧ ndɨŋndɨ̀ŋ a mbì Mbɔ̧ɔ̧mà mè me paŋe mbɨ̧te tò nè nkɨ̀atsə tò tègème.

1 Kɔlìn 3:22

Kò wu Pɔ̂l, kò wu Àpolòs, kò wu Pità, kò wu ngɔ̀ŋ yaa, kò à wu yû̧, kò à pfə leꞋ, kò wu èghɨ è wu àfɨ̀Ꞌ yaa la, kò èbe nga kɨꞋɨ la leꞋ, ko ègème wu èbɨ̧,

ÀfaꞋa 20:25

“Mâ ghȩ̀ȩ̀ne a kètsìà wɨ̧ bɨ̀agème ndàꞋà ndɨ Kèfɔ̧̀ Mbɔ̧ɔ̧mà nàa la. Ka nè àfɨ̀Ꞌ yaa, mâ ko nê wòt ane yɨ̧ ka li me pfə e mě ye am a.

Matìù 19:28

Yesò shu abua yɔb nê, “Ane nkûŋ, tsiꞋ è shua wɨ̧ nê, naa li ngu àfɨꞋa Waã Wòt tseke a ègwet àtɨ̧ a kèfɔ̧̀ yu Mbɔ̧ɔ̧mà tsia ane ngɔ̀ŋ fi la, bɨ̀a wu ntsɔ̀b babe bɨ̀a nkùŋe am la e tsekè a ègwet ètɨ̧ kèfɔ̧̀ èghem ntsɔ̀b bebe, e me saꞋa èndǎ̧ bòt Izəèlȩê bu èghem ntsɔ̀b bebe la.

Jɔ̌n 5:4

nkàà nê, wantu̧ Mbɔ̧ɔ̧mà nàa ngɨ̀ tseke tê è chu ngɨ̀ àtɨ̀ŋ yu a bentè. À bente ale, wòt àghɔ̧ tà bɨ̌ nyi a èbem àtɨ̀ŋ a mbɔŋ la kweelè, ka è màà ngu wuê ka àghɔ̧ ane tò leꞋ.]