Matìù 6:28 - Mundani

²⁸ “Bɨ ghɨ̀ na ka me mɨ̀ɨ̀te ànəa ndǐtsə nyaŋ à? Bɨ̀ lɨ̀ŋkè mèfəèꞋ mu a èbemebàꞋ la ndzě ndɨ nàa ntsəèa la. Nàà kà fàꞋ, è ka wua ngɨ̀à ndǐtsə.

Matìù 6:28 Referans Kwoze

Matìù 6:25

“Ale e ngua shua wɨ̧ nê bɨ̀ ka me mɨ̀ɨ̀te nê bɨ̀a jɨ ghǎ ko nu ghǎ ka etseke leꞋ. Bɨ̀ ka ndem mɨ̀ɨ̀tè nê bɨ̀a kwaã ghǎ a mbɨ̧̀ tɨ̧ leꞋ. Tè mèmpème wɔ̀bȩ̂ bakà tse èghɨjɨ, mbɨ̧̀ tò naa mě tsě ndǐtsə?

Filìpȩ 4:6

Ko mbɨ̀Ꞌɨ̀ èntɨ̧ɨ̧ wòt e bentè ane ànəa ko. Ka bɨ̀ me tsàꞋte a Mbɔ̧ɔ̧mà àfɨ̀Ꞌ àgème, ŋǎ mènkɔ̀ŋke abua tò mè ndò̧a àghɨ àgème bɨ̀a nkɨ̀a la abua to.

Lûk 12:27

Bɨ̀ lɨ̀ŋkè mèfəèꞋ mu a èbemebàꞋ la ndzě ndɨ nàa ntsəèa la. Nàà kà fàꞋ, è ka wua ngɨ̀à ndǐtsə. Ka e ngua shua wɨ̧ nê èmà ngu wuê fɔ̧̀ Sàlemun nè mèkab mi, ko tà lè kaꞋ bɔ ndǐtsə mbɨ̀Ꞌɨ̀ mekǒ ane mèfəèꞋ mbɔŋ.

Matìù 6:31

Ale, bɨ̀ ka me dèbè ènyit yɨ̧ nê, ‘Bàa jɨ ghǎ?’ kò ‘Nu ghǎ?’ kò ‘Kwaã ghǎ leꞋ?’

Lûk 3:11

Tà bɨ̀ɨ̀lè nê, “Wòt bɔ ndǐtemàꞋa tebe, tà ŋa yemɔ̀Ꞌ abua wòt kà bɔ ka yemɔ̀Ꞌ. Wòt bɔ èghɨjɨ, tà ghàbtè abua bòt ndzìtsə.”

Matìù 10:10

Bɨa me ghǎ, bɨ̀ ka nɨ̀ ambè, bɨ̀ ka nɨ̀ ka wuê ndǐte màꞋa tebe, kò gùbtsə, kò ambàŋ leꞋ. Nkàà nê wɔ̀fàꞋ è bɔ ndɨ tàa bɔ àghɨa tàa nkɨ̀ŋkà la.

Matìù 6:27

Wòt wu ane yɨ̧ tà me dèbè ènyit zi nyaŋ ko taa kwèꞋne àdziꞋa àfɨ̀Ꞌ ane afɨꞋa tà wu tseke a sitsǎꞋ la wu wàà?

Lûk 10:41

Yesò tɔ atò nê, “Màta, Màta leꞋ, aà ŋǎ awê ngoꞋ ane èghɨ nyaŋ.

Lûk 12:11

“AfɨꞋa bòt e səèŋnè àwɨ̧ nɨŋ nkɨ̀Ꞌɨ̂ a lob Mbɔ̧ɔ̧mà, a mbì bɔɔjuŋ bɔ̂ bègɔvanɔ̀ nè bèfɔ̧̀ bɔɔ saꞋa awɨ̧ la, bɨ̀ ka me mɨ̀ɨ̀te ànəa bɨ̀a shu enɨ fà àwɨ̧ la.

Lûk 12:22

Yesò shu abua bɔkatè bi, nê, “Ale e ngua shua wɨ̧ nê bɨ̀ ka me mɨ̀ɨ̀te nê bɨ̀a jɨ ghǎ ko nu ghǎ leꞋ. Bɨ̀ ka ndem mɨ̀ɨ̀tè nê bɨ̀a kwaã ghǎ a mbɨ̧̀ tɨ̧ leꞋ.

1 Pità 5:7

Bɨ̀ me zì mènəè ègème nàa ntsèà wɨ̧ la a tèkitebu Mbɔ̧ɔ̧mà, nkàà nê wu tòà ka tàa ndɨ̀ŋkà wɨ̧ la.